Ezra 10

Ilonggo (Maayong Balita nga Biblia (2012))

← Chapter 9 Jump to:

1Samtang si Esdras yara sa atubangan sang templo nga nagaduko sa pagpangamuyo, nagahibi kag nagatuad sini nga mga sala, ang isa ka daku nga grupo sang mga Israelinhon—mga lalaki, mga babayi kag mga kabataan—nagtipon sa palibot niya nga nagahilibion sing tudo.

2Dayon si Secanias nga anak ni Jehiel, sang barangay ni Elam, nagsiling kay Esdras, “Naglapas kami sang amon pagtuo sa Dios paagi sa pagpangasawa sa dumoluong nga mga babayi, pero bisan amo ina ang natabo may paglaom pa gihapon sa Israel.

3Karon nagasumpa kami sa amon Dios nga amon bulagan ini nga mga babayi kag ang ila mga kabataan. Himuon namon ini kon ano ang isiling mo kag sang iban nga nagatahod sa mando sang Dios. Himuon namon ang ginakinahanglan sang kasugoan sang Dios.

4Imo ini katungdanan sa pagpatuman. Kami magabuylog sa imo, gani padayuna kag himua ini.”

5Gani si Esdras nagsugod sa pagpasumpa sang mga pangulo sang mga pari, sang mga Levita, kag sang nabilin nga mga tawo, nga sila magahimo sang ginpanugyan ni Secanias.

6Dayon naglakat sia halin sa atubangan sang Templo pakadto sa ginaestaran ni Jehohanan nga anak ni Eliasib kag nagpabilin sia didto sa bug-os nga gab-i nga nagapangasubo tungod sang pagkadi-matutom sang mga nakabalik halin sa pagkabihag. Wala sia magkaon ukon mag-inom sang bisan ano.

7Ang isa ka mensahe ginpadala sa bug-os nga Jerusalem kag Juda nga ang tanan nga nagbalik halin sa pagkabihag magtipon sa Jerusalem,

8paagi sa mando sang mga pangulo sang mga tawo. Ang bisan sin-o nga indi makaabot sa sulod sang tatlo ka adlaw, ang tanan niya nga mga pagkabutang pagakuhaon kag madula niya ang iya kinamatarong subong nga katapo sang katilingban.

9Sa sulod sang tatlo ka adlaw, sa ika-20 nga adlaw sang ikasiyam nga bulan, ang tanan nga mga lalaki nga nagaestar sa mga kadutaan sang Juda kag Benjamin nagkadto sa Jerusalem kag nagtipon sa plasa sang Templo. Nag-ulan sing madamol, kag tungod sang panahon kag sa pagkaimportante sang pagtililipon ang tagsatagsa nagakurog.

10Si Esdras nga pari nagtindog kag naghambal sa ila. Nagsiling sia, “Nakalapas kamo kag nagdala sang sala sa Israel paagi sa inyo pagpangasawa sang dumoluong nga mga babayi.

11Karon, ituad ninyo ang inyo mga sala sa Ginoo, ang Dios sang inyo mga katigulangan, kag himua ninyo ang luyag niya. Paina ninyo ang inyo kaugalingon sa mga dumoluong nga nagaestar sa aton duta kag bulagi ang inyo dumoluong nga mga asawa.”

12Ang mga tawo nagsabat nga nagasinggit, “Himuon namon ang bisan ano nga ginasiling mo.”

13Pero nagsiling pa gid sila, “Ang mga tawo madamo kaayo, kag nagaulan sing madamol. Indi kami makapabilin diri sa gwa. Ini indi mahimo sa isa ukon duha ka adlaw, tungod kay madamo sa amon ang nakahimo sini nga sala.

14Ibilin ang aton mga opisyales sa Jerusalem sa pag-atipan sini nga butang. Dayon sa napat-od nga tion pakadtua diri ang bisan sin-o nga may asawa nga dumoluong upod sa mga pangulo kag mga hukom sang iya siudad. Sa sini nga paagi ang Dios indi na maakig sa aton.”

15Wala sing isa nga nagpamatok sini nga plano luas kay Jonatan nga anak ni Asael kag kay Jazias nga anak ni Tikva, nga ginbuligan ni Mesullam kag ni Sabetai nga Levita.

16Ang mga bihag nga nagbalik nagbaton sang plano, gani si Esdras nga pari nagpili sang mga lalaki gikan sa pangulo sang mga kabarangayan kag ginsulat ang ila mga ngalan. Sa nahauna nga adlaw sang ika-10 nga bulan nagsugod sila sang ila pagpangusisa,

17kag sa masunod nga tatlo ka bulan gintapos nila ang tanan nga mga kaso sang mga lalaki nga may dumoluong nga mga asawa.

18Amo ini ang lista sang mga lalaki nga may dumoluong nga mga asawa: Sa barangay ni Jesua kag sa iya mga utod nga lalaki, nga amo ang mga kaanakan ni Josadac: Maasias, Eliezer, Jarib, kag Gedalias.

19Nagsaad sila nga bulagan nila ang ila mga asawa, kag nagdulot sila sang isa ka karnero nga lalaki subong halad tungod sa ila mga sala.

20Sa barangay ni Imer: Hanani kag Zebadias

21Sa barangay ni Harim: Maasias, Elias, Semaya, Jehiel kag Uzias

22Sa barangay ni Pasur: Elioenai, Maasias, Ismael, Netanael, Jozabad kag Elasa

23Mga Levita: Jozabad, Simei, Kelaya nga gintawag man nga Kelita, Petahias, Juda kag Eliezer

24Mga Musikero: Eliasib Mga Gwardya sang Templo: Sallum, Telem, kag Uri

25Iban pa: Sa barangay ni Paros: Ramia, Isias, Malquias, Miamin, Eleazar, Malquias kag Benaya

26Sa barangay ni Elam: Matanias, Zacarias, Jehiel, Abdi, Jeremot kag Elias

27Sa barangay ni Zatu: Elioenai, Eliasib, Matanias, Jeremot, Zabad kag Asisa

28Sa barangay ni Bebai: Jehohanan, Hananias, Zabai, kag Atlai

29Sa barangay ni Bani: Mesullam, Malluc, Adaya, Jasub, Seal, kag Jeremot

30Sa barangay ni Pahat-moab: Adna, Kelal, Benaya, Maasias, Matanias, Besalel, Binui, kag Manases

31Sa barangay ni Harim: Eliezer, Isya, Malquias, Semaya, Simeon, Benjamin, Malluc, kag Semarias

33Sa barangay ni Hasum: Matenai, Matata, Zabad, Elifelet, Jeremai, Manases kag Semei

34Sa barangay ni Bani: Maadai, Amram, Uel, Benaya, Bedias, Kelahu, Vanias, Meremot, Eliasib, Matanias, Matenai, kag Jaas

38Sa barangay ni Binui: Semei, Selemias, Natan, Adaya, Macnadebai, Sasai, Sarai, Azarel, Selemias, Semarias, Sallum, Amarias kag Jose

43Sa barangay ni Nebo: Jeiel, Matitias, Zabad, Zebina, Jadai, Joel kag Benaya

44Ini tanan nga mga lalaki may dumoluong nga mga asawa. Ginbulagan nila ang ila mga asawa kag ginpalakat sila upod ang ila mga kabataan.

← Chapter 9 Jump to: