Ezra 8

Ilonggo (Maayong Balita nga Biblia (2012))

← Chapter 7 Jump to: Chapter 9 →

1Amo ini ang lista sang mga pangulo sang mga kabarangayan nga ginbihag sa Babilonia kag nagbalik sa Jerusalem upod kay Esdras sang si Artajerjes amo ang hari:

2Si Gersom, sa barangay ni Fineas Si Daniel, sa barangay ni Itamar Si Hatus nga anak ni Secanias sa barangay ni David Si Zacarias sa barangay ni Paros, upod sa 150 ka mga lalaki sa iya barangay nga yara sa mga lista sang ila panimalay Si Elioenai nga anak ni Zeraias, sa barangay ni Pahat-moab, upod sa 200 ka mga lalaki. Si Secanias nga anak ni Jahaziel sa barangay ni Zatu upod sa 300 ka mga lalaki Si Ebed nga anak ni Jonatan sa barangay ni Adin upod sa singkwenta ka mga lalaki Si Jesaya nga anak ni Atalias sa barangay ni Elam upod sa setenta ka mga lalaki Si Zebadias nga anak ni Micael sa barangay ni Sepatias upod sa otsenta ka mga lalaki Si Obadias nga anak ni Jehiel sa barangay ni Joab upod sa 218 ka mga lalaki Si Selomit nga anak ni Josifias sa barangay ni Bani upod sa 160 ka mga lalaki Si Zacarias nga anak ni Bebai sa barangay ni Bebai upod sa baynte otso ka mga lalaki Si Johanan nga anak ni Hakatan sa barangay ni Azgad upod sa 110 ka mga lalaki Si Elifelet, si Jevel, kag si Semaya sa barangay ni Adonikam upod sa sesenta ka mga lalaki nga naulihi magbalik Si Utai kag si Zacur sa barangay ni Bigvai upod sa setenta ka mga lalaki

3Gintipon ko ang bug-os nga grupo sa tupad sang suba nga nagapakadto sa banwa sang Ahava, kag nagpatindog kami didto sing kampo sa sulod sang tatlo ka adlaw. Nakita ko nga may mga pari sa grupo, pero wala sing mga Levita.

4Ginpatawag ko ang siyam ka mga pangulo nga amo sanday Eliezer, Ariel, Semaya, Elnatan, Jarib, Elnatan, Natan, Zacarias kag Mesullam, kag ang duha ka mga manunodlo nga si Joiarib kag si Elnatan.

5Ginpadala ko sila kay Iddo nga pangulo sang katilingban sa Casifia, sa pagsiling sa iya kag sa iya mga kabulig, ang mga manug-obra sa Templo, sa pagpadala sa amon sang mga tawo nga magaalagad sa Dios sa Templo.

6Paagi sa kaayo sang Dios ginpadala nila sa amon si Serebias nga may ikasarang, isa ka Levita gikan sa barangay ni Mali, upod sa desi-otso niya ka mga anak kag mga utod nga lalaki.

7Ginpadala man nila si Hasabias kag si Isaya gikan sa barangay ni Merari upod sa baynte nila ka mga pariente.

8Wala labot sini, may 220 ka mga manug-obra sa Templo, nga ang ila mga katigulangan gintugyanan ni Haring David kag sang iya mga opisyales sa pagbulig sa mga Levita. Ginlista sila tanan sa ila mga ngalan.

9Didto sa tupad sang Sapa sang Ahava nagsugo ako nga tanan kami magpuasa kag magpaubos sang amon kaugalingon sa atubang sang amon Dios kag sa pagpangayo sa iya sa pagtuytoy sa amon pagpanglakaton kag sa pagtipig sa amon kag sa amon mga kabataan kag sang tanan namon nga mga pagkabutang.

10Nahuya ako sa pagpangayo sa hari sang mga soldado nga magabantay sa amon gikan sa amon mga kaaway sa amon pagpanglakaton, tungod kay nagsiling ako sa iya nga ang amon Dios nagabendisyon sang tagsatagsa nga nagasalig sa iya, pero wala sia malipay kag ginasilutan niya ang bisan sin-o nga magtalikod sa iya.

11Gani nagpuasa kami kag nagpangamuyo sa Dios sa pagbantay sa amon, kag ginsabat niya ang amon mga pangamuyo.

12Gikan sa pangulo nga mga pari ginpili ko si Serebias, si Hasabias kag ang napulo pa sang ila mga pariente.

13Dayon gintimbang ko ang pilak, ang bulawan, kag ang mga gamit para sa Templo nga ginhatag sang hari, sang iya mga manuglaygay kag mga opisyales, kag sang mga tawo sang Israel, kag ginhatag ko ini sa mga pari.

14Amo ini ang akon ginhatag sa ila: pilak – 25 ka tonelada 100 ka mga gamit nga pilak – 150 ka libra bulawan – 7,500 ka libra 20 ka mga yahong nga bulawan – 270 ka onsa 2 ka mga yahong nga bronsi nga ginpahining nga pareho ang bili sa mga yahong nga bulawan

16Nagsiling ako sa ila, “Balaan kamo sa Ginoo, ang Dios sang inyo mga katigulangan, kag subong man ang tanan nga mga gamit nga pilak kag bulawan nga gindala sa iya subong mga halad nga kinabubot-on.

17Bantayi ini sing maayo tubtob nga makalambot kamo sa Templo. Didto sa mga kwarto sang mga pari, timbanga ini tanan kag itugyan sa mga pangulo nga mga pari kag mga Levita, kag sa mga pangulo sang mga tawo sang Israel sa Jerusalem.”

18Gani ang mga pari kag ang mga Levita nagbaton sang pilak, bulawan, kag sang mga gamit nga dalhon nila sa Templo sa Jerusalem.

19Sang ika-12 nga adlaw sang nahauna nga bulan naghalin kami sa Sapa sang Ahava sa pagkadto sa Jerusalem. Ang Dios namon nag-upod sa amon kag nagbantay sa amon gikan sa mga pagsalakay ukon sa mga pagbangga sang amon mga kaaway sa amon mga dalanon.

20Sang pag-abot namon sa Jerusalem, nagpahuway kami sa sulod sing tatlo ka adlaw.

21Dayon sa ikap-at nga adlaw nagkadto kami sa Templo, ginpatimbang ang pilak, ang bulawan, kag ang mga gamit, kag gintugyan ini kay Meremot nga pari, anak ni Urias. Upod sa iya amo si Eleazar nga anak ni Fineas kag duha ka mga Levita nga amo sanday Jozabad nga anak ni Jesua kag Noadias nga anak ni Binui.

22Ang tanan gin-isip kag gintimbang, kag ang bug-os nga lista ginhimo sa amo nga tion.

23Dayon ang tanan nga nagbalik halin sa pagkabihag nagdala sing mga dulot nga pagasunogon subong mga halad sa Dios sang Israel. Naghalad sila sang dose ka mga baka nga toro para sa bug-os nga Israel, nobentay sais ka mga karnero nga lalaki, setentay siete ka mga kordero; naghalad man sila sing dose ka mga kanding sa pagtinlo sa ila gikan sa sala. Ini tanan nga mga sapat ginsunog subong mga halad sa Ginoo.

24Ginkuha man nila ang mga papeles nga ginhatag sa ila sang hari kag ginhatag ini sa mga gobernador kag mga opisyales sang Probinsya sang Nakatundan-sang-Eufrates, kag sila nagbulig sa mga tawo kag sa mga hilikuton sa Templo.

← Chapter 7 Jump to: Chapter 9 →