1 Chronicles 24

Ilonggo (Ang Biblia (1982))

← Chapter 23 Jump to: Chapter 25 →

1Ang mga kinabon sang mga lalaking anak ni Aaron amo ini. Ang mga anak ni Aaron: sila ni Nadab, Abiu, Eleazar, kag Itamar.

2Apang si Nadab kag si Abiu napatay sing una sa ila amay, kag wala mga anak, busa si Eleazar kag si Itamar nagpanghikot sang pagkasacerdote.

3Si David upud ni Sadoc sa mga lalaking anak ni Eleazar, kag si Ahimelec sa mga lalaking anak ni Itamar, nagbahinbahin sa ila sono sa ila pagpasonod sa ila pag-alagdan.

4Sanglit may madamu pa nga mga puno nga mga lalaki nga nakita sa mga anak ni Eleazar sang sa mga anak ni Itamar, ginbahinbahin sila sa mga anak ni Eleazar sing napulog anum ka mga pangolo sang mga kabaranggayan, sa mga anak ni Itamar, sono sa ila mga kabaranggayan, walo.

5Ginbahinbahin sila sa papalad sing subong, sa alangay, kay may mga principe sang santuario kag mga principe sang Dios tingub gikan sa mga anak ni Eleazar kag gikan sa mga anak ni Itamar.

6Kag ang escriba nga si Semaya nga anak ni Natanael, nga gikan sa mga Levinhon, naglista sa ila sa atubangan sang hari, kag sang mga principe, kag ni Sadoc nga sacerdote, kag ni Ahimelec nga anak ni Abiatar, kag sang mga pangolo sang mga kabaranggayan sang mga sacerdote kag sang mga Levinhon; ginkuha ang isa ka baranggay tungud kay Eleazar kag ang isa ginkuha tungud kay Itamar.

7Ang nahaunang kapalaran naggowa kay Joiarib, ang ikaduha kay Jedaya,

8ang ikatlo kay Harim, ang ikap-at kay Seorim,

9ang ikalima kay Malquias, ang ikan-um kay Mijamin,

10ang ikapito kay Haccoz, ang ikawalo kay Abias,

11ang ikasiam kay Jesua, ang ikapulo kay Secania,

12ang ikapulog isa kay Eliasib, ang ikapulog duha kay Jaquim,

13ang ikapulog tatlo kay Upa, ang ikapulog apat kay Jesebeab,

14ang ikapulog lima kay Bilga, ang ikapulog anum kay Imer,

15ang ikapulog pito kay Hezir, ang ikapulog walo kay Hapizez,

16ang ikapulog siam kay Petaya, ang ikaduha ka pulo kay Hezequiel,

17ang ikaduha ka pulo kag isa kay Jaquin, ang ikaduha ka pulo kag duha kay Gamul,

18ang ikaduha ka pulo kag tatlo kay Delaya, ang ikaduha ka pulo kag apat kay Maazia.

19Amo ini ang pagpasonod sa ila sa pag-alagdan nila sa pagsulud sa balay sang Ginoo sono sa pagsolondan nga ginhatag sa ila ni Aaron nga ila amay, sono sa nasogo sa iya sang Ginoong Dios sang Israel.

20Kag sa nabilin sang mga lalaking anak ni Levi: sa mga lalaking anak ni Amram, si Subael; sa mga lalaking anak ni Subael, si Jehedias.

21Gikan kay Rehabias: sa mga lalaking anak ni Rehabias, ang puno si Isias.

22Gikan sa mga Izharnon, si Selomot; sa mga lalaking anak ni Selomot, si Jahat.

23Ang mga lalaking anak ni Hebron: si Jeria ang puno, si Amarias ang ikaduha, si Jehaziel ang ikatlo, si Jecameam ang ikap-at.

24Ang mga lalaking anak ni Uziel, si Mica; sa mga lalaking anak ni Mica, si Samir.

25Ang lalaking utud ni Mica, si Isias; sa mga lalaking anak ni Isias, si Zacarias.

26Ang mga lalaking anak ni Merari: si Mali kag si Musi. Ang mga lalaking anak ni Jaazias: si Beno.

27Ang mga lalaking anak ni Merari: sa kay Jaazias, sila ni Beno, Soham, Zacur, kag Ibri.

28Gikan kay Mali: si Eleazar, nga wala mga anak nga lalaki.

29Gikan kay Cis, ang mga lalaking anak ni Cis: si Jerameel.

30Ang mga lalaking anak ni Musi: si Mali, si Eder, kag si Jerimot. Ini sila mga lalaking anak sang mga Levinhon sono sa ila mga kabaranggayan.

31Ini man sila, nagpapalad subong sang ila mga utud, nga mga anak ni Aaron sa atubangan ni Hari David, ni Sadoc, ni Ahimelec, kag sang mga pangolo sang mga kabaranggayan sang mga sacerdote kag sang mga Levinhon, ang mga kabaranggayan sang mga puno subong sa ila nga iya sang manghud niyang lalaki.

← Chapter 23 Jump to: Chapter 25 →