1 Chronicles 7

Ilonggo (Ang Biblia (1982))

← Chapter 6 Jump to: Chapter 8 →

1Ang mga lalaki nga anak ni Isacar: si Tola, si Pua, si Jasub, kag si Simron, apat.

2Ang mga lalaki nga anak ni Tola: si Uzi, si Refaya, si Jeriel, si Jamai, si Ibsam, kag si Semuel, mga pangolo sang ila mga kabaranggayan, kon sayoron ni Tola, gamhanan nga mga tawo nga isganan sa ila mga kaliwatan, ang ila kadamuon sa mga adlaw ni David duha ka pulo kag duha ka libo kag anum ka gatus.

3Ang mga lalaki nga anak ni Uzi: si Izrahias. Kag ang mga anak nga lalaki ni Izrahias: si Micael, si Obadias, si Joel, si Isias, lima, tanan sila puno nga mga tawo;

4kag upud sa ila, sono sa ila mga kaliwatan, sono sa ila mga kabaranggayan, may mga kabon sang kasoldadosan nga sa inaway, katloan kag anum ka libo, kay sila may madamu nga mga asawa kag mga anak nga lalaki.

5Ang ila mga utud sa tanan nga panimalay ni Isacar gamhanan nga mga tawo nga isganan nga naisip ang tanan sono sa listahan sang kaliwatan, kawaloan kag pito ka libo.

6Ang mga anak nga lalaki ni Benjamin: si Bela, si Bequer, kag si Jediael, tatlo.

7Ang mga lalaki nga anak ni Bela: si Esbon, si Uzi, si Uziel, si Jerimot, kag si Iri, lima, mga pangolo sang mga kabaranggayan, gamhanan nga mga tawo nga isganan; kag naisip sila sono sa listahan sang kaliwatan nga duha ka pulo kag duha ka libo kag katloan kag apat.

8Ang mga anak nga lalaki ni Bequer: si Zemira, si Joas, si Eliezer, si Elioenai, si Omri, si Jerimot, si Abias, si Anatot, kag si Alemet. Tanan ini sila mga anak ni Bequer.

9Gin-isip ini sila sono sa listahan sang kaliwatan, sono sa ila mga kaliwatan, nga mga pangolo sang ila mga kabaranggayan, gamhanan nga mga tawo nga isganan, duha ka pulo ka libo kag duha ka gatus.

10Ang mga anak nga lalaki ni Jediael: si Bilhan. Kag ang mga anak nga lalaki ni Bilhan: si Jehus, si Benjamin, si Aod, si Canaana, si Zetan, si Tarsis, kag si Ahisahar.

11Ini tanan sila mga anak ni Jediael sono sa mga pangolo sang ila mga kabaranggayan, gamhanan nga mga tawo nga isganan, napulo kag pito ka libo kag duha ka gatus, nga makasimpon sa kasoldadosan sa inaway.

12Ang mga Supim man kag ang mga Hupim mga anak nga lalaki ni Ir, ang mga Husim mga anak nga lalaki ni Aher.

13Ang mga anak nga lalaki ni Neftali: si Jahziel, si Guni, si Jezer, kag si Sallum, ang mga lalaki nga anak ni Bilha.

14Ang mga anak nga lalaki ni Manases: si Asriel, nga gin-anak sang iya babayi nga Aramnon; sia nag-anak kay Maquir nga amay ni Galaad.

15Kag ginpaasaw-an ni Maquir si Hupim kag si Supim. Ang ngalan sang iya utud nga babayi si Maaca. Kag ang ngalan sang ikaduha si Zelofehad; kag si Zelofehad may mga anak nga babayi.

16Kag sia Maaca nga asawa ni Maquir nag-anak sing lalaki, kag ginhingalanan sia niya sia Perez; kag ang ngalan sang iya utud nga lalaki si Seres; kag ang iya mga anak nga lalaki si Ulam kag si Requem.

17Ang mga anak nga lalaki ni Ulam: si Bedan. Ini sila mga anak ni Galaad nga anak ni Maquir, ang anak ni Manases.

18Kag ang iya utud nga babayi nga si Hamolequet nag-anak kay Ishod, kay Abiezer, kag kay Mala.

19Ang lalaki nga mga anak ni Semida amo si Ahian, si Siquem, si Likhi, kag si Aniam.

20Ang mga anak nga lalaki ni Efraim: si Sutela, kag si Bered iya anak nga lalaki, si Tahat iya anak nga lalaki, si Elada iya anak nga lalaki, si Tahat iya anak nga lalaki,

21si Zabad iya anak nga lalaki, si Sutela iya anak nga lalaki, kag si Ezer kag si Elad, nga ginpatay sang mga tawo sang Gat nga tumanduk sa duta, bangud nga nagdolhog sila sa pagkuha sang ila mga kahayupan.

22Kag si Efraim nga ila amay naglalaw sa madamu nga adlaw, kag nag-abut ang iya mga utud sa paglipay sa iya.

23Kag naghiusa sia sa iya asawa, kag nagpanamkon sia kag nag-anak sing lalaki; kag ginhingalanan niya sia Berias, bangud nga ang malaut nahanabu sa iya panimalay.

24Ang iya anak nga babayi si Seera, nga nagpatindug sang Bet-horon nga naubus kag naibabaw, kag sang Uzen-seera.

25Si Repa iya anak nga lalaki, si Resef iya anak nga lalaki, si Tela iya anak nga lalaki, si Tahan iya anak nga lalaki,

26si Ladan iya anak nga lalaki, si Amiud iya anak nga lalaki, si Elisama iya anak nga lalaki,

27si Nun iya anak nga lalaki, si Josue iya anak nga lalaki.

28Ang ila mga kaugalingon kag mga puluy-an amo ang Bet-el pati ang iya mga minoro, kag nayon sa sidlangan ang Naaran, kag nayon sa katundan ang Gezer pati ang iya mga minoro, ang Siquem man pati ang iya mga minoro, tubtub sa Aza kag ang iya mga minoro;

29sa luyo man sang mga dulunan sang mga anak ni Manases, ang Bet-sean kag ang iya mga minoro, ang Taanac kag ang iya mga minoro, ang Meguido kag ang iya mga minoro, ang Dor kag ang iya mga minoro. Sa ila sini nagpuyo ang mga anak ni Jose nga anak ni Israel.

30Ang mga anak nga lalaki ni Aser: si Imna, si Isva, si Isvi, si Berias, kag si Sera nga ila utud nga babyi.

31Ang mga anak nga lalaki ni Berias: si Heber, kag si Malquiel, nga amay ni Birzavit.

32Si Heber amay ni Jaflet, ni Semer, ni Hotam, kag ni Sua nga utud nila nga babayi.

33Ang mga anak nga lalaki ni Jaflet: si Pasac, si Bimhal, kag si Asvat. Ini sila mga anak ni Jaflet.

34Ang mga anak nga lalaki ni Semer: si Ahi, si Roga, si Jehuba, kag si Aram.

35Ang mga lalaki nga anak ni Helem nga iya utud: si Zofa, si Imna, si Seles, kag si Amal.

36Ang mga anak nga lalaki ni Zofa: si Sua, si Harnefer, si Sual, si Beri, si Imra,

37si Bezer, si Hod, si Sama, si Silsa, si Itran, kag si Beera.

38Ang mga lalaki nga anak ni Jeter: si Jefone, si Pispa kag si Ara.

39Ang lalaki nga mga anak ni Ulla: si Arah, si Haniel, kag si Rezia.

40Ini sila tanan anak ni Aser, mga pangolo sang mga kabaranggayan, pinili kag gamhanan nga mga lalaki nga isganan, puno sang mga principe. Ang kadamuon nila nga naisipan sono sa listahan sang kaliwatan, nga sa pag-alagad sa pag-away, duha ka pulo kag anum ka libo ka tawo.

← Chapter 6 Jump to: Chapter 8 →