1 Chronicles 25

Ilonggo (Ang Biblia (1982))

← Chapter 24 Jump to: Chapter 26 →

1Si David kag ang mga pangolo sang kasoldadosan nagpain nga sa pag-alagdan sang pila sang mga lalaking anak ni Asaf, kag ni Heman, kag ni Jedutun, nga magtagna nga may mga arpa, mga salterio, kag mga apiping. Ang kadamuon sang naghimo sang buluhaton sono sa ila pag-alagdan amo:

2gikan sa mga anak ni Asaf: sila ni Zacur, Jose, Netanias, kag Asarela, ang mga anak ni Asaf, sa idalum sang pagdumala ni Asaf, nga nagtagna sono sa pagmando sang hari.

3Gikan kay Jedutun, ang mga anak ni Jedutun: sila ni Gedalias, Zeri, Isaias, Simei, Hasabias, kag Matatias, anum, sa idalum sang kamut sang ila amay nga si Jedutun, nga may arpa nga nagtagna sa mga pagpasalamat kag pagdayaw sa Ginoo.

4Gikan kay Heman, ang mga anak ni Heman: sila ni Bukias, Matanias, Uziel, Sebuel, kag Jerimot, Hananias, Hanani, Eliata, Gidalti, kag Romamti-ezer, Josbecasa, Malloti, Hotir, Mahaziot.

5Ini sila tanan lalaking anak ni Heman nga manugpanan-aw sang hari, sa mga polong sang Dios sa pagbayaw sang budyong nga sungay; kay ginhatagan sang Dios si Heman sing napulog apat ka lalaking anak kag tatlo ka babaying anak.

6Ini tanan yara sa idalum sang kamut sang ila amay nga sa ambahanon sa balay sang Ginoo, nga may mga apiping, mga salterio, kag mga arpa nga sa pag-alagdan sang balay sang Dios. Si Asaf, si Jedutun, kag si Heman yara sila sa idalum sang mando sang hari.

7Ang kadamuon nila, pati ang ila mga utud nga ginton-an sa pag-amba sa Ginoo, ang tanan nga sampaton, duha ka gatus kag kawaloan kag walo.

8Kag nagpapalad sila nga sa ila mga palangakuan, tanan alangay, subong sang magamay amo man ang dalagku, ang manunudlo subong sang gintoton-an.

9Ang nahaunang kapalaran naggowa nga kay Asaf kay Jose; ang ikaduha kay Gedalias, sia kag ang iya mga utud kag ang iya mga lalaking anak, napulog duha;

10ang ikatlo kay Zacur, ang iya mga lalaking anak kag ang iya mga utud, napulog duha;

11ang ikap-at kay Izri, ang iya mga lalaking anak kag ang iya mga utud, napulog duha;

12ang ikalima kay Netanias, ang iya mga lalaking anak kag ang iya mga utud, napulog duha;

13ang ikan-um kay Bukias, ang iya mga lalaking anak kag ang iya mga tuud, napulog duha;

14ang ikapito kay Jesarela, ang iya mga lalaking anak kag ang iya mga utud, napulog duha;

15ang ikawalo kay Isaias, ang iya mga lalaking anak kag ang iya mga utud, napulog duha;

16ang ikasiam kay Matanias, ang iya mga lalaking anak kag ang iya mga utud, napulog duha;

17ang ikapulo kay Simei, ang iya mga lalaking anak kag ang iya mga utud, napulog duha;

18ang ikapulog isa kay Asarel, ang iya mga lalaking anak kag ang iya mga utud, napulog duha;

19ang ikapulog duha kay Hasabias, ang iya mga lalaking anak kag ang iya mga utud, napulog duha;

20sa ikapulog tatlo, kay Subael, ang iya mga lalaking anak kag ang iya mga utud, napulog duha;

21sa ikapulog apat, kay Matitias, ang iya mga lalaking anak kag ang iya mga utud, napulog duha;

22sa ikapulog lima, kay Jeremot, ang iya mga lalaking anak kag ang iya mga utud, napulog duha;

23sa ikapulog anum, kay Hananias, ang iya mga lalaking anak kag ang iya mga utud, napulog duha;

24sa ikapulog pito, kay Josbecasa, ang iya mga lalaking anak kag ang iya mga utud, napulog duha;

25sa ikapulog walo, kay Hanani, ang iya mga lalaking anak kag ang iya mga utud, napulog duha;

26sa ikapulog siam, kay Malloti, ang iya mga lalaking anak kag ang iya mga utud, napulog duha;

27sa ikaduha ka pulo, kay Eliata, ang iya mga lalaking anak kag ang iya mga utud, napulog duha;

28sa ikaduha ka pulo kag isa, kay Hotir, ang iya mga lalaking anak kag ang iya mga utud, napulog duha;

29sa ikaduha ka pulo kag duha, kay Gidalti, ang iya mga lalaking anak kag ang iya mga utud, napulog duha;

30sa ikaduha ka pulo kag tatlo, kag Mahaziot, ang iya mga lalaking anak kag ang iya mga utud, napulog duha;

31sa ikaduha ka pulo kag apat, kay Romamti-ezer, ang iya mga lalaking anak kag ang iya mga utud, napulog duha.

← Chapter 24 Jump to: Chapter 26 →