bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Ang Biblia (1982))
/
1 Corinthians 9
1 Corinthians 9
Ilonggo (Ang Biblia (1982))
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
Indi bala ako hilway? Indi bala ako pinadala? Wala ko bala makita si Jesus nga aton Ginoo? Indi bala kamo buhat ko sa Ginoo?
2
Kon sa iban indi ako pinadala, walay sapayan amo ako sa inyo; kay ang pat-in sang akon pagkapinadala amo kamo sa Ginoo.
3
Ang akon pangapin sa mga nagausisa sa akon amo ini.
4
Wala bala kami sing kinamatarung sa pagkaon kag sa pag-inum?
5
Wala bala kami sing kinamatarung sa pagdala kaupud namon sing asawa nga tomoloo, subong sa iban nga mga pinadala kag mga utud sang Ginoo kag kay Cefas?
6
Ukon si Bernabe kag ako lamang bala ang walay kinamatarung sa pagdumili sa pagpangabudlay?
7
Sin-o bala ang soldado nga nagaalagad sa iya kaugalingon nga kagastohanan? Sin-o ang nagatanum sing ulubasan kag wala nagakaon sang iya bunga? Sin-o bala ang nagatatap sing panong kag wala nagainum sang gatas sini?
8
Nagahambal bala ako sini sono sa mga tawo? Wala bala magsiling ang kasogoan man sing amo?
9
Kay sa kasogoan ni Moises nasulat na, “Dili mo pagbusalan ang baka nga nagalinas sang trigo.” Tungud bala sa baka ang kabalaka sang Dios?
10
Wala bala sia nagapamolong sing totoo tungud sa aton? Tungud sa aton ginsulat ini, bangud nga ang naga-arado dapat mag-arado sa paglaum kag ang nagalinas maglinas sa paglaum sang pag-ambit.
11
Kon nagsab-ug kami sa inyo sing mga butang nga espirituhanon, tama gid bala kon mag-ani kami sang inyo mga butang nga lawasnon?
12
Kon ang iban nagaambit sining kinamatarung sa inyo, indi bala kami labi pa? Walay sapayan, wala namon paggamita ining kinamatarung, kondi ginabatas namon ang tanan nga butang agud nga indi kami magsablag sang maayong balita ni Cristo.
13
Wala bala kamo makahibalo nga ang mga nagahimo sang hilikoton sang templo nagakuha sang ila kalan-on gikan sa templo, kag ang mga nagaalagad sa halaran may bahin gikan sa mga nahalad?
14
Subong man, nagsogo ang Ginoo nga ang mga nagabantala sang maayong balita magkabuhi sa maayong balita.
15
Apang wala ako maggamit sang bisan ano sining mga kinamatarung, ukon ako nagasulat sini agud nga paghimoon sa akon ang subong. Kay maayo pa nga mapatay ako sang sa kuhaan ako sang iban sang akon kinamatarung sa pagpabugal.
16
Kay kon nagawali ako sang maayong balita, wala ako sing ipabugal. Kay ginakinahanglan gid nga magwali ako. Kailo ako kon indi ko pag-iwali ang maayong balita!
17
Kay kon ginahimo ko ini sa akon kaugalingon nga kabubut-on, may balus ako; apang kon indi sa akon kaugalingon nga kabubut-on, may ginsalig sa akon nga tulumanon.
18
Niyan ano bala ang balus sa akon? Ini lamang: nga sa akon pagwali mahimo ko nga walay bayad ang maayong balita, nga indi ko magamit sing bug-os ang akon kinamatarung sa maayong balita.
19
Kay bisan hilway ako sa tanan nga tawo, nagpaulipon ako sa tanan, agud nga madamu pa ang akon madaug.
20
Sa mga Judio nanginsubong ako sang Judio, agud nga madaug ko ang mga Judio; sa mga sa idalum sang kasogoan nanginsubong ako nga sa idalum sang kasogoan—bisan indi ako sa idalum sang kasogoan—agud nga madaug ko ang mga sa idalum sang kasogoan.
21
Sa mga walay kasogoan nanginsubong ako nga sa walay kasogoan—indi nga walay kasogoan sa Dios kondi sa idalum sang kasogoan ni Cristo—agud nga madaug ko ang mga walay kasogoan.
22
Sa mga maluya nanginmaluya ako, agud nga madaug ko ang mga maluya. Nangintanan nga butang ako sa tanan nga tawo, agud nga sa tanan nga bagay maluwas ko ang iban.
23
Nagahimo ako sini tanan tungud sa maayong balita, agud nga makaambit ako sang mga kabulahanan sini.
24
Wala bala kamo makahibalo nga sa palumba ang tanan nga nagadalagan nagapaindisindis, apang isa lamang ang nagabaton sang padya? Gani dalagan kamo agud nga makaagum kamo sini.
25
Ang tagsa ka humalampang nagapugung sang kaugalingon sa tanan nga butang. Ginahimo nila ini sa pagbaton sing purungpurung nga madinulunton, apang kita sing dimadinulunton.
26
Busa, wala ako nagadalagan nga walay lalambuton, wala ako nagapakig-away subong sang isa nga nagabunal sang hangin;
27
kondi ginasakit ko ang akon lawas kag ginadaug ini, basi kon sa tapus nga nakawali ako sa iban ako akon pagsikwayon.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16