Joshua 21

Ilonggo (Ang Biblia (1982))

← Chapter 20 Jump to: Chapter 22 →

1Niyan ang mga pangolo sang kabaranggayan sang mga Levinhon nagpalapit kay Eleazar nga sacerdote kag kay Josue nga anak ni Nun kag sa mga pangolo sang kabaranggayan sang mga kabikahan sang katawohan sang Israel;

2kag nagsiling sila sa ila sa Silo sa duta sang Canaan, “Ang Ginoo nagsogo paagi kay Moises sa paghatag sa amon sing mga banwa nga puluy-an, pati ang ila mga halalban nga sa amon kahayupan.”

3Gani ang katawohan sang Israel naghatag sa mga Levinhon gikan sa ila panublion, sono sa sogo sang Ginoo, sining mga banwa pati ang ila mga halalban.

4Naggowa ang kapalaran nga sa mga panimalay sang mga Coatnon. Gani ang mga anak ni Aaron nga sacerdote nga gikan sa mga Levinhon may napulog tatlo ka banwa paagi sa papalad gikan sa kabikahan ni Juda, ni Simeon, kag ni Benjamin.

5Kag ang nabilin nga mga anak ni Coat may napulo ka banwa paagi sa papalad gikan sa mga panimalay sang kabikahan ni Efraim, ni Dan, kag sang katunga nga kabikahan ni Manases.

6Ang mga anak ni Gerson may napulog tatlo ka banwa paagi sa papalad gikan sa mga panimalay sang kabikahan ni Isacar, ni Aser, ni Neftali, kag gikan sa katunga nga kabikahan ni Manases sa Basan.

7Ang mga anak ni Merari sono sa ila mga panimalay may napulog duha ka banwa gikan sa kabikahan ni Ruben, ni Gad, kag ni Zabulon.

8Ang katawohan sang Israel naghatag paagi sa papalad sa mga Levinhon sining mga banwa pati ang ila mga halalban, sono sa ginsogo sang Ginoo paagi kay Moises.

9Ginhatag nila gikan sa kabikahan sang mga anak ni Juda kag ni Simeon ining mga banwa nga nasambit sa ngalan,

10nga nagkadto sa mga anak ni Aaron, sa mga panimalay sang mga Coatnon nga sa mga anak ni Levi; kay ila ang nahaunang kapalaran.

11Ginhatag nila ang Kiryat-arba, ining Arba amay ni Anak (nga amo ang Hebron), sa kabakoloran sang Juda, pati ang iya halalban sa iya palibut.

12Apang ang mga latagon sang banwa kag ang iya mga minoro ginhatag nila kay Caleb nga anak ni Jefone nga iya kaugalingon.

13Kag sa mga anak ni Aaron nga sacerdote ginhatag nila ang Hebron pati ang iya mga halalban, ang banwa nga dalangpan sa mga nakapatay sing tawo, ang Libna pati ang iya mga halalban,

14ang Jatir pati ang iya mga halalban, ang Estemoa pati ang iya mga halalban,

15ang Holon pati ang iya mga halalban, ang Debir pati ang iya mga halalban,

16ang Ain pati ang iya mga halalban, ang Juta pati ang iya mga halalban, ang Bet-semes pati ang iya mga halalban—siam ka banwa gikan sa sadtong duha ka kabikahan;

17niyan gikan sa kabikahan ni Benjamin, ang Gibeon pati ang iya mga halalban, ang Geba pati ang iya mga halalban,

18ang Anatot pati ang iya mga halalban, kag ang Almon pati ang iya mga halalban—apat ka banwa.

19Ang tanan nga kabanwaanan sang mga anak ni Aaron, ang mga sacerdote, napulog tatlo ka banwa pati ang ila mga halalban.

20Kag ang mga panimalay sang mga anak ni Coat, ang mga Levinhon, ang nabilin sang mga anak ni Coat, may mga banwa sila nga ila kapalaran gikan sa kabikahan ni Efraim.

21Ginhatag sa ila ang Siquem pati ang iya mga halalban sa kabakoloran sang Efraim, ang banwa nga dalangpan sang nakapatay sing tawo, kag ang Gezer pati ang iya mga halalban,

22ang Kibzaim pati ang iya mga halalban, ang Bet-horon pati ang iya mga halalban—apat ka banwa;

23kag gikan sa kabikahan ni Dan, ang Elteque pati ang iya mga halalban, ang Gibeton pati ang iya mga halalban,

24ang Ayalon pati ang iya mga halalban, ang Gat-rimon pati ang iya mga halalban—apat ka banwa;

25kag gikan sa katunga nga kabikahan ni Manases, ang Taanac pati ang iya mga halalban, kag ang Gat-rimon pati ang iya mga halalban—duha ka banwa.

26Ang tanan nga kanbanwaanan sang mga panimalay sang nabilin nga mga anak ni Coat napulo pati ang ila mga halalban.

27Kag sa mga anak ni Gerson, sa mga panimalay sang mga Levinhon, gikan sa katunga nga kabikahan ni Manases ginhatag ang Golan sa Basan pati ang iya mga halalban, ang banwa nga dalangpan sang nakapatay sing tawo, kag ang Beestera pati ang iya mga halalban—duha ka banwa;

28kag gikan sa kabikahan ni Isacar, ang Cision pati ang iya mga halalban, ang Daberat pati ang iya mga halalban,

29ang Jarmut pati ang iya mga halalban, ang En-ganim pati ang iya mga halalban—apat ka banwa;

30kag gikan sa kabikahan ni Aser, ang Misal pati ang iya mga halalban, ang Abdon pati ang iya mga halalban,

31ang Helcat pati ang iya mga halalban, kag ang Rehob pati ang iya mga halalban—apat ka banwa;

32kag gikan sa kabikahan ni Neftali, ang Cades sa Galilea pati ang iya mga halalban, ang banwang dalangpan sa nakapatay sing tawo, kag ang Hamot-dor pati ang iya mga halalban, kag ang Cartan pati ang iya mga halalban—tatlo ka banwa.

33Ang tanan nga kabanwaanan sang mga Gersonhon sono sa ila mga panimalay napulog tatlo ka banwa pati ang ila mga halalban.

34Kag sa mga panimalay sang mga anak ni Merari, ang nabilin sang mga Levinhon, gikan sa kabikahan ni Zabulon ginhatag ang Jocneam pati ang iya mga halalban, ang Carta pati ang iya mga halalban,

35ang Dimna pati ang iya mga halalban, ang Nahalal pati ang iya mga halalban—apat ka banwa;

36kag gikan sa kabikahan ni Ruben, ang Bezer pati ang iya mga halalban, ang Jahaz pati ang iya mga halalban,

37ang Quedemot pati ang iya mga halalban, kag ang Mefaat pati ang iya mga halalban—apat ka banwa;

38kag gikan sa kabikahan ni Gad, ang Ramot sa Galaad pati ang iya mga halalban, ang banwang dalangpan sang nakapatay sing tawo, ang Mahanaim pati ang iya mga halalban,

39ang Hesbon pati ang iya mga halalban, ang Jazer pati ang iya mga halalban—apat ka banwa tanan.

40Ini tanan nga kabanwaanan iya sang mga anak ni Merari sono sa ila mga panimalay, ang nabilin sang mga panimalay sang mga Levinhon, ang ila kapalaran napulog duha ka banwa.

41Ang tanan nga kabanwaanan sang mga Levinhon sa tunga sang kaugalingon sang katawohan sang Israel kap-atan kag walo ka banwa pati ang ila mga halalban.

42Ining kabanwaanan may ila nga halalban ang tagsatagsa sa palibut nila; amo ini sa tanan sining mga banwa.

43Gani ginhatag sang Ginoo sa Israel ang bug-os nga duta nga ginsumpa niya nga ihatag sa ila mga ginikanan; kag ginpanag-iyahan nila ini, kag nagpuyo didto.

44Kag ang Ginoo naghatag sa ila sing kapahuwayan sa palibut sono sa tanan nga ginsumpa niya sa ila mga ginikanan; wala sing tawo sang tanan nilang kaaway nga nagtindug batok sa ila, kay gintugyan sang Ginoo sa ila mga kamut ang tanan nga kaaway nila.

45Walay bisan ano nga nakulang sang bisan anong maayong butang nga napamolong sang Ginoo sa balay sang Israel; nahanabu ang tanan.

← Chapter 20 Jump to: Chapter 22 →