bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 18
2 Chronicles 18
Ika 2018 Bible
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Jehoshẹfatị e higụọ okẹn-ọdanfịn, nwọn okẹn-ọghọ, lụrụ nwa Ehabụ eze Izrẹlụ Ẹbamịn ugu.
2
O mẹpụ ahụa ole, ọ nọ jẹn Sameria d'a hụn Ehabụ. Ehabụ nọ gbuni ịya lẹ ndị ịya lẹ wẹ wị atụnrụn lẹ efin bu ọda, rịọ a n'o sọnjẹn ẹ d'a maye ndị Aram gi alị Ramọtụ-Gilẹdị ọgụn.
3
Ehabụ eze Izrẹlụ Ẹbamịn ugu sị Jehoshẹfatị eze Juda, “N'ị sọnjẹn m d'a maye Ramọtụ-Gilẹdị ọgụn?” Jehoshẹfatị nọ sị a, “Mmẹ lẹ ịyụ wụ ohu; ndị nke m lẹ ndị nke i wụzị ohu; ẹnyi jẹnkọ d'e sọnjẹn i agha hụ.”
4
Jehoshẹfatị nọzị sị eze Izrẹlụ, “Jụgụdẹ nwan Osolobuẹ ọnụ, nị ẹnyi marịn uche ẹ.”
5
Ya kẹ eze Izrẹlụ nọ kpọkikomẹ ndị-amụma nnụ, sị wẹ, “Nị ẹnyi jẹn Ramọtụ-Gilẹdị d'a lụsọn wẹ agha ra nị m gharị?” Wẹ nọ sị a, “Agụ, jẹn, nị Chuku k'e bu ẹ che i ẹka mẹri.”
6
Kanị, Jehoshẹfatị nọ jụzị a, “Onwọnni onyẹ-amụma Osolobuẹ ọzọ rị ebeni hụn ẹnyi a jụzị?”
7
Eze Izrẹlụ Ẹbamịn ugu nọ sị Jehoshẹfatị, “O nwọnghọ okẹnnyẹ ohu họdụnị nkẹ ẹnyi a gha ẹka a jụ Osolobuẹ, kanị ize ẹ e ze m e ze, makẹni o butunini m amụma rị mma, amụma eje-ihiẹn sụọ k'o buni m. Ẹfan a wụ Maịkaya nwa Imla.” Jehoshẹfatị nọ sị a, “Eze, ekulẹ ẹrịra.”
8
Ya eze Izrẹlụ nọ kpọ onyẹ-ọrụn a ohu, sị a, “Jẹn d'e wẹhẹ Maịkaya nwa Imla ozigbo.”
9
Eze Izrẹlụ lẹ Jehoshẹfatị eze Juda yi ẹwuru ndị-nze, nọdị ukpo wẹ, ebẹhụ wẹ nọ a kụkpọ ọka ẹhụ ọnụ-mgbọn obodo Sameria; ndị-amụma hụ ile hụ e buni wẹ amụma.
10
Zẹdikaya nwa Kenaana nkẹ gihụ mpịn o gi igwe mẹmẹrin, a sị, “Lee ihiẹn Osolobuẹ ku: ọ sị, ‘Mpịn ndịnị kẹ y'e gi sụngbu ndị Aram d'e runi a nwụnhụnchanrịn wẹ.’ ”
11
Ndị-amụma ndị ọzọ ile hụ e buzi amụma ohu hụ, a sị, “Agụ, maye Ramọtụ-Gilẹdị — n'i mẹri ẹ, makẹni Osolobuẹ jẹnkọ d'e bu ẹ che i ẹka mẹri.”
12
Onyẹ hụ wẹ zi d'a kpọ Maịkaya e ru ẹ, ọ nọ sị Maịkaya, “Lekwọ ẹnya, ndị-amụma ile rị e kuye ọnụ ohu, a sị nị eze k'e mẹri. Kukwọ ihiẹn ohu hụ — sịkwọ nị ijẹn eze jẹnkọ d'a gha.”
13
Kanị, Maịkaya nọ sị a, “Ma Osolobuẹ, ihiẹn Chuku m ku sụọ kẹ m k'e ku.”
14
Ogẹn Maịkaya gi ru ẹ, eze nọ sị a, “Maịkaya, nị ẹnyi jẹn d'a maye ndị Ramọtụ-Gilẹdị ọgụn ra nị m gharị?” Ya Maịkaya nọ sị, “Eze, jẹn d'a maye ẹ, n'i k'e mẹri; Osolobuẹ k'e bu ẹ che i ẹka mẹri.”
15
Eze nọ sị a, “Mgbe ole kẹ m k'a sị ị kun ẹfan Osolobuẹ nị ezioku sụọ k'i k'a gwa m i kebe kweri gwa m ihiẹn Osolobuẹ ku nke-esi?”
16
Ya kẹ Maịkaya nọ nwan sị, “M hụn ndị Izrẹlụ ile kẹ wẹ gbayịya elu ugu nọkẹ atụnrụn nwọnlẹni onyẹ-ndu. Osolobuẹ nọ sị, ‘Ndịnị enwẹn onyẹ a kịnị wẹ. Onyẹ-onyẹ ya lashi nwan iwe ẹ, ihiẹn e mẹ ẹ.’ ”
17
Eze Izrẹlụ nọ sị Jehoshẹfatị, “Agwagụọnị m'ị n'o nwọnni amụma rị mma o buni m, nị amụma eje-ihiẹn sụọ k'o buni m?”
18
Maịkaya nkẹ nọzị sị, “Gọn nwan ntịn n'ị nụ ihiẹn Osolobuẹ ku: M hụn kẹ Osolobuẹ nọdị elu ukpo-eze ẹ, ndị mmọn-ozi ile rị elu-igwee turu azụụn ẹka-ihiẹn ẹ lẹ azụụn ẹka-ekpẹn ẹ.
19
Ya kẹ Osolobuẹ nọ sị, ‘Onyẹ k'a rẹrẹrị Ehabụ d'a maye ndị Ramọtụ-Gilẹdị ọgụn kẹn'ọ nwụntọ ebẹhụ?’ “Hụnnị ku ohu, ibe ẹ e ku ihiẹn ichẹn.
20
Mmọn ohu nọ nwan jẹnpụha, wuzo ihun Osolobuẹ, sị, ‘M k'a rẹrẹrị a.’ “Osolobuẹ nọ sị a, ‘Nanị kẹ y'a dọn mẹ ẹ?’
21
“Ọ nọ sị, ‘M k'e jẹn d'e họnrin mmọn-ntụ ọnụ ndị-amụma a ile.’ “Osolobuẹ nọ sị a, ‘Ị k'a saẹka rẹrẹ a, jẹn d'e mẹ ẹ.’
22
“Ya hụn a nwan, Osolobuẹ e buọlẹ mmọn-ntụ che ndị-amụma ị ndịnị ọnụ, makẹni Osolobuẹ e kuọl'a n'o k'e tikpọ ị.”
23
Ịya kẹ Zẹdikaya nwa Kenaana nọ pụha, ma Maịkaya ọra, sị a, “Elebe kẹ m rị, mmọn Osolobuẹ gi a hatu m d'a gwa ị oku?”
24
Maịkaya nọ sị a, “Ụhụọhịn ị k'a gbaban imẹ mmughẹ d'a warị k'o k'e we i ẹnya.”
25
Eze Izrẹlụ Ẹbamịn ugu nọ sị wẹ, “Wezi ni Maịkaya jẹnni Amọnụ hụn a kịnị m obodoni lẹ nwa m wụ Jụashị,
26
sị nị wẹ, ‘Eze sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e ru mgbe m lụaha udọn-lẹ-ndọnkwa.” ’ ”
27
Maịkaya nọ sị a, “Ị hụn isi lụa, ịya wụnị ẹlẹ Osolobuẹ gi m ku ihiẹn m ku.” Maịkaya nọzị sị ndị rị ebẹhụ, “Ụnụ ile, ụnụ a nụgụọ ihiẹn m ku!”
28
Eze Izrẹlụ lẹ Jehoshẹfatị wụ eze Juda nọ shi Ramọtụ-Gilẹdị.
29
Eze Izrẹlụ nọ sị Jehoshẹfatị, “Eyikọ m ẹwuru-nze, m jẹnkọ d'e kẹnhutọ makẹ wẹ gha amarịn m, kanị, ịyụ nwẹn, yiri ẹwuru-nze i.” Ya eze Izrẹlụ nọ kẹnhutọ, jẹnmẹ agha.
30
Eze ndị Aram nkẹ a gwaọlẹ ndị ọkị-agha a e gi ụgbọ-ẹshin a lụ agha, sị, “Alụsọnkwọlẹ ni onyẹ ọwụlẹ agha — kẹ onyẹ-uku kẹ onyẹ-nta, mmanị eze Izrẹlụ sụọ.”
31
Ogẹn ndị ọkị-agha ahụn gi ụgbọ-ẹshin a lụ agha gi hụn Jehoshẹfatị, wẹ nọ sị, “Ẹhẹn, ọnwan wụ eze Izrẹlụ.” Ya wẹ nọ bu ihun zinmẹ ẹ nị wẹ maye ẹ, kanị Jehoshẹfatị nọ yi oro, Osolobuẹ nọ yen'ẹ ẹka — Osolobuẹ wụ Chuku e mẹ ihiẹn o mẹ, tẹrị wẹ pụ ebe ọ rị:
32
hụn ndị ọkị-agha ahụn gi ụgbọ-ẹshin a lụ gi hụn a nị ẹlẹ ịya wụ eze Izrẹlụ Ẹbamịn ugu, wẹ nọ chụbehi ẹ.
33
Kanị ọbara onyẹ-ụta ohu gbahụ tụche nọ gha eze Izrẹlụ ẹgbata ẹwuru-igwe eze Izrẹlụ, tụ a, Eze Izrẹlụ nọ sị hụn a nyann'a ụgbọ-ẹshin, “Gbehutọ n'i bupụ m ọgbọ-aghanị ozigbo! A rụọlẹ wẹ m ẹhụ.”
34
Agha ahụn kẹnrẹn d'e ru ẹnyasị. Eze Izrẹlụ Ẹbamịn ugu a tashimẹ wuzo imẹ ụgbọ-ẹshin ẹ, danbemẹ ihiẹn ọrọgbọ hụ ile, bu ihun zinmẹ ndị Aram d'e ru ẹnyasị hụ. Anwụn a rọma, ọ nọ nwụnhụn.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36