bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 29
2 Chronicles 29
Ika 2018 Bible
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Hezikaya rị nwa ahụa isẹn kwasị ọgụn k'o họnrin eze Juda; imẹ Jerusalẹm k'ọ nọ kị; ahụa itenẹi kwasị ọgụn k'ọ kị. Ẹfan nnẹ ẹ wụ Abija nwa Zẹkaraya.
2
O mẹ ihiẹn rị mma ẹnya Osolobuẹ kẹ nẹdi ẹ kanị wụ Defidi dọn mẹ.
3
Ifọn ibuzọ imẹ ahụa ibuzọ ọ kịma, ọ nọ kpọpụchanrịn ọnụmụzọ Ụlọ-nsọ Osolobuẹ hụn nẹdi ẹ te kpọkin, dọnzi wẹ.
4
Ọ kpọkikomẹ ndị nchụn-ẹjan lẹ ndị Livaị ezi-ọgwa rị ihun Ụlọ-nsọ, ibe ọwụwa-ẹnyanwụn.
5
Ọ nọ sị wẹ, “Gọn ni m ntịn, ndị Livaị! Fepụ nị nwan ụrụ rị ụnụ ẹhụ kẹ Iwu dọn ku, ụnụ a jụpụ ụrụ Ụlọ-nsọ Osolobuẹ wụ Chuku ndị nẹdi ụnụ kẹni ụnụ kpọnpụ ihiẹn ile w'a sọ rị imẹ Ụnọ-nsọ.
6
Ndị nẹdi ẹnyi emẹni ihiẹn Osolobuẹ sị wẹ mẹ; wẹ mẹ ihiẹn rịlẹni mma ẹnya Osolobuẹ wụ Chuku, la a tọ; wẹ bupụ ẹnya Ụlọ Osolobuẹ, gbakitọ Osolobuẹ azụụn.
7
A kpọkinzighọ wẹ ọnụmụzọ ẹtu-ụlọ wẹ gha a banye Ụlọ Osolobuẹ, tinyụn ukpẹ ndị rịn'a. Amụzịkwọnị nị wẹ Chuku Izrẹlụ nsẹnsi mọbụ chụnyen'ẹ ẹjan Iwu ku imẹ Ụlọ-nsọ a.
8
Ya kẹ Osolobuẹ nọ nwan gi olulu sọn Juda lẹ Jerusalẹm, gi wẹ họnrin ihiẹn w'a gbanị ọsọ, ihiẹn-ụya lẹ ihiẹn w'a mụ ẹmụ, kẹ ụnụ dọn nwan rị a hụn a.
9
Ya haịn agha gi gbu ndị nẹdi ẹnyi, a kpụnrụn wẹ ụmụ ẹnyi ikẹnnyẹ lẹ ikpoho lẹ inyẹnmẹ ẹnyi.
10
“M chọ nwan nị m kwe Osolobuẹ wụ Chuku Izrẹlụ nkwa nị ẹnyi jẹnkọ d'e mẹ ihiẹn o ku, kẹni okẹn-olulu o gi e sọn ẹnyi rọ.
11
Ụmụ m, alatọkwọlẹ ni nwan ọrụn ụnụ, makẹni Osolobuẹ a họrịgụọ ụnụ nị ụnụ hụn ụzọ e wuzo ihun ẹ, e jẹnn'ẹ ozi, a nọ ihun ẹ a rụn ọrụn a, a mụn'a nsẹnsi.”
12
Ya ndị Livaịnị nọ ban ọrụn ozigbo: Ndị ikpụlọ Kohatị rịn'a wụ Mahatị nwa Amasaị lẹ Juwẹlụ nwa Azaria. Ndị ikpụlọ Mẹrari rịn'a wụ Kishi nwa Abdi lẹ Azaria nwa Jẹhalẹlẹlụ. Ndị ikpụlọ Gẹshọnụ rịn'a wụ Jụa nwa Zima lẹ Idẹni nwa Jụa.
13
Ndị ikpụlọ Ẹlizafanị rịn'a wụ Shimri lẹ Jẹyẹlụ. Ndị ikpụlọ Asafụ rịn'a wụ Zẹkaraya lẹ Matania.
14
Ndị ikpụlọ Hẹmanị rịn'a wụ Jehiẹlụ (Jẹhuẹlụ) lẹ Shimei. Ndị ikpụlọ Jedutunu rịn'a wụ Shẹmaya lẹ Uziẹlụ.
15
Ogẹn wẹ gi kpọkikomẹgụ umunẹ wẹ ndị nchụn-ẹjan lẹ ndị Livaị, wẹ ile e fepụgụ ẹhụ, wẹ nọ banye d'a jụ Ụlọ-nsọ Osolobuẹ kẹ eze dọn gwa wẹ nọkẹ Iwu Osolobuẹ dọn ku:
16
ndị nchụn-ẹjan banye imẹ-imẹ Ụlọ-nsọ Osolobuẹ d'a jụ ebẹhụ n'ọ rịzị ọchan; e kpọnpụhachanrịn wẹ ihiẹn ile wẹ hụn rụnị imẹ Ụlọ-NSỌ Osolobuẹ kpọntọ ezi-ọgwa Ụlọ-nsọ Osolobuẹ, ndị Livaị ibe wẹ wụlẹni ndị nchụn-ẹjan e kpọnrin ẹ shi Ọdanmgbugbu-Kidrọnụ.
17
Ụhụọkịn ibuzọ imẹ ifọn ibuzọ kẹ wẹ jụma Ụlọ-nsọ n'ọ rịzị ọchan; nke akp'ọkịn ẹsatọ rịn'a kẹ wẹ gi jụru ẹtu-ụlọ rị ihun Ụlọ-nsọ Osolobuẹ. Wẹ nọ gizi akp'ọhịn ẹsatọ jụ Ụlọ-nsọ Osolobuẹ; nke akp'ọkịn mmisin imẹ ifọn hụ kẹ wẹ gi jụchanrịn a.
18
Ya ndị Livaị nọ jẹn d'e kunrun eze wụ Hezikaya, sị a, “Ẹnyi a jụpụchanrịgụọ ụrụ Ụlọ-nsọ Osolobuẹ: kẹ ukpo wẹ nọ a dụn ẹjan ọkụn kẹ arịa ile rịn'a kẹ teburu w'e butọ Brẹdi-nsọ kẹ arịa ile rịn'a.
19
Ẹnyi e dọnkwamagụọzị arịa ndị hụ Eze wụ Ahazị kwapụ ogẹn o gi a kị ebe ọ rị e mẹ ihiẹn Iwu Osolobuẹ sị wẹ e mẹlẹ, ẹnyi e dọngụọzị wẹ nsọ. Wẹ hụ nwan ihun ukpo nchụn-ẹjan Osolobuẹ.”
20
Eki e fọn ụzụtụntụn, Eze wụ Hezikaya nọ kpọkwama ndị-isi ile rị imẹ obodo hụ, ya lẹ wẹ nọ shi imẹ Ụnọ-nsọ Osolobuẹ.
21
Wẹ nọ wẹhẹ okẹn-efin ẹsa, ebulu ẹsa, ụmụ-ebulu ẹsa, wẹhẹzikwọ mkpịn ẹsa wẹ k'e gi chụn ẹjan-njọ makẹ alị-eze ẹ lẹ Ụlọ-nsọ lẹ alị Juda. Eze nọ sị ndị nchụn-ẹjan hụn wụ ẹbozo Ẹrọnụ d'e gi wẹ chụn ẹjan elu ukpo nchụn-ẹjan Osolobuẹ.
22
Ya wẹ nọ gbu okẹn-efin ndị hụ, ndị nchụn-ẹjan nọ weri ẹdeke anụ ndị hụ feye elu ukpo nchụn-ẹjan; wẹ nọ nwan gbu ebulu ndị hụ, fezikwọ ẹdeke wẹ ye ukpo nchụn-ẹjan.
23
Wẹ nọ wẹhẹ ewu ndị hụ wẹ k'e gi chụn ẹjan-njọ, bu wẹ che ihun eze lẹ ndị ile zu ebahụn; wẹ nọ bu ẹka kwasị wẹ.
24
Ndị nchụn-ẹjan nọ gbu ewu ndị hụ gi chụn ẹjan-njọ, fe ẹdeke wẹ ye ukpo nchụn-ẹjan, gi chụn ẹjan wẹ gi a gbarị isi Izrẹlụ ile, makẹni eze sị wẹ chụnnị Izrẹlụ ile ẹjan w'a dụn ọkụn lẹ ẹjan-njọ.
25
Ọ nọ bu ndị Livaị che ọnọdị wẹ imẹ Ụnọ-nsọ Osolobuẹ, wẹ lẹ kpajaị (simbalụ), ụbọ-hapụ lẹ ụbọ-layẹ nọkẹ kẹ odibo Osolobuẹ wụ Defidi lẹ Gadị hụn a hụnnị eze ọhụn lẹ Natanị onyẹ-amụma dọn ku, makẹni ẹrịra kẹ Osolobuẹ ku ghahanị ndị-amụma a.
26
Ya ndị Livaị nọ wuzo ọnọdị wẹ — wẹ gisọnmẹ ihiẹn-egu Defidi ẹka; ndị nchụn-ẹjan e wuzozi, wẹ nwẹn gisọnmẹ opi.
27
Hezikaya nọ sị wẹ nọ elu ukpo nchụn-ẹjan chụn ẹjan w'a dụn ọkụn. A chụnma wẹ ẹjan hụ, wẹ nọzị bụmanị Osolobuẹ ẹbụ, e gbuye ẹ opi, a kpọye ẹ ihiẹn-egu Defidi eze Izrẹlụ sị wẹ a kpọ ogẹn o gi wụ eze.
28
Izrẹlụ ile rị ebẹhụ hụ a kụ isi alị, ndị ọkụ-ẹbụ hụ a bụ, ndị e gbu opi hụ e gbu. Ẹrịra kẹ wẹ mẹsọnmẹ d'e runi a chụnchanrịn wẹ ẹjan hụ w'a dụn ọkụn.
29
Hụn wẹ gihụ chụngụ ẹjan ndị hụ, eze lẹ ndị ile ya lẹ wẹ gba nọdị ebahụn nọ kụ isi alị.
30
Eze wụ Hezikaya lẹ ndị-isi nọ sị ndị Livaị wẹ gi ẹbụ Defidi lẹ Asafụ onyẹ a hụn ụzọ de jama Osolobuẹ mma, a ghọghọ a ja Osolobuẹ mma, a kụ isi alị.
31
Hezikaya nọ sị, “Ụnụ e wegụọ nwan enwẹn ụnụ kwanị Osolobuẹ. Wẹhẹ ni nwan ẹjan ichẹn-ichẹn lẹ ẹjan-ekele Ụlọ-nsọ Osolobuẹ.” Ya ndị Izrẹlụ hụ zuni nọ wẹhẹmẹ ẹjan lẹ ihiẹn wẹ gi a kpanmịn. Ụfọdụ e gi uche wẹ wẹhẹ ẹjan w'a dụn ọkụn.
32
Ihiẹn Izrẹlụ ile zuni wẹhẹ nị wẹ gi chụn ẹjan w'a dụn ọkụn wụ okẹn-efin iri kwasị ọgụn-ẹtọ, ebulu ọgụn-isẹn lẹ ụmụ-ebulu ọgụn-iri. Ndịnị ile kẹ wẹ gi chụnyeni Osolobuẹ ẹjan w'a dụn ọkụn.
33
Anụ wẹ wẹhẹ w'e gi chụn ẹjan ichẹn-ichẹn wụ okẹn-efin ọgụn-iri kwasị nnụ (600), atụnrụn lẹ ewu rịn'a wụ nnụ-uku ẹtọ (3,000).
34
Kanị, ndị nchụn ẹjan fegụ ẹhụ eke bu ọda hụn a s'ẹka gbachanrịn anụ ndị ahụn wẹ gi chụn ẹjan w'a dụn ọkụn akpụkpọ. Ya kẹ umunẹ wẹ ndị Livaị wụlẹni ndị nchụn-ẹjan nọ yeni wẹ ẹka — d'e ru mgbe ndị họdụnị e gi fegụ ẹhụ — makẹni ndị Livaị kadẹ ndị nchụn-ẹjan gi ezioku sọn oku ife-ẹhụ hụ.
35
Ẹjan w'a dụn ọkụn e jun; ụtọrọ w'a dụn ọkụn e junzi, ụtọrọ anụ ndị wẹ gi chụn ẹjan-ekele; manya ya lẹ ẹjan w'a dụn ọkụn gba a wị e junzi. Ẹrịra kẹ wẹ dọn bidọnzi ofufe w'e fe imẹ Ụlọ-nsọ Osolobuẹ.
36
Hezikaya lẹ wẹ ile hụ a ghọghọ makẹ ihiẹn Chuku mẹni wẹ wụ ndị nke ẹ, makẹni ọ kẹrẹ wẹ akẹrẹ.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36