bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 20
2 Chronicles 20
Ika 2018 Bible
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
O mẹgụ, ndị Mụabụ lẹ Amọnụ lẹ ndị wẹ lẹ wẹ wị imẹ ndị Mẹyunu nọ bịa d'a lụsọn Jehoshẹfatị agha.
2
Wẹ nọ bịa d'a sị Jehoshẹfatị, “Itu-agha bugbu enwẹn ẹ ọda lala d'a maye i. Wẹ gha alị Ẹdọm nfetu Ohimin-Nnu lala. E rugụọkwọ wẹ Hazazọnụ-Tama.” Hazazọnụ-Tama kẹ w'a kpọzị Ẹn-Gẹdi.
3
Obi a nahịn Jehoshẹfatị, ọ nọ sị o k'a rịọ Osolobuẹ. Ọ nọ sị ndị Juda ile bu ọnụ.
4
Ndị Juda nọ zu d'a rịọ Osolobuẹ n'o yeni wẹ ẹka: eziẹ wẹ ghasọnmẹ obodo ile rị Juda bịa d'a rịọ Osolobuẹ.
5
Ya Jehoshẹfatị nọ wuzo ihun igunrun ndị Juda lẹ ndị bi Jerusalẹm, ihun-ezi wẹ rụn nke ọhụn rị Ụlọ-nsọ Osolobuẹ,
6
sị: “Euu, Osolobuẹ, Chuku ndị nẹdi ẹnyi, ịyụ sụọ wụ Chuku hụn rị elu-igwee. Ịyụ rị a kị alị-eze ile rị alị ile. Ikẹn lẹ akwanran rị ị ẹka, onwọnni onyẹ k'a s'ẹka che i ọgụn.
7
“Euu, Chuku ẹnyi, ẹlẹ ịyụ chụpụ ndịnị te bi alịnị makẹ ndị nke i wụ Izrẹlụ, ị nọ we alịnị ye Izrẹlụ, ụmụ ọwụ ị wụ Ebraham, nị wẹ weri jẹnrin ejẹn?
8
E birigụọ w'a, tụnnị ị Ụlọ-nsọ rị a za Ẹfan ị,
9
sị, ‘Nsọngbu bịanị ẹnyi, ọsụọn'a ọpịa-agha i gi sọn njọ ẹnyi mọbụ eje-emu e gbuni mọbụ ụnwụn, ẹnyi bịa d'e wuzo ihun i, ihun Ụlọ-nsọnị hụn rị a za Ẹfan ị nọ a kwanghọsị ị ụya ẹnyi rị imẹ ẹ, y'a nụ olu ẹnyi, zụọpụha ẹnyi.’
10
“Lee nwan ihiẹn ndị Amọnụ lẹ ndị Mụabụ lẹ ndị Ugu-Sẹẹ rị e mẹ, ndị nwẹn ị nịlẹni ndị Izrẹlụ maye alị wẹ ogẹn Izrẹlụ gi gha alị Ijiptu pụla, Izrẹlụ nọ ghakpẹn wẹ, etikpọnị wẹ wẹ.
11
Lee nwan, ihiẹn wẹ gi rị a kụ ẹnyi ndị Izrẹlụ ụgwọ wụ ịchụpụ ẹnyi alị hụn i ye ẹnyi n'ọ wụrụ ukuu ẹnyi!!
12
Euu, Chuku ẹnyi, y'e yekọ wẹ nwan afụnfụn?! Ẹnyi enwọn ikẹn ẹnyi e gi lụsọn igunrun ndị-aghanị bugbu enwẹn wẹ ọda hụn rị a mayeni ẹnyi ọgụn! Ẹnyi amarịn ihiẹn ẹnyi jẹnkọ d'e mẹ — kanị ịyụ kẹ ẹnyi rị e lee ẹnya.”
13
Ikẹnnyẹ Juda ile lẹ inyẹnmẹ wẹ lẹ ụmụ-ẹka wẹ nọ wuzo ihun Osolobuẹ ebahụn.
14
Ya mmọn Osolobuẹ nọ ban imẹ Jahaziẹlụ nwa Zẹkaraya ebẹhụ o wuzo. Jahaziẹlụ nwa Zẹkaraya nwa Bẹnaya nwa Jẹyẹlụ nwa Matania, onyẹ ebọn Livaị, onyẹ ẹbozo Asafụ.
15
Ọ nọ sị, “Gọn ni ntịn!! Eze wụ Jehoshẹfatị lẹ ndị ile bi Juda lẹ Jerusalẹm! Osolobuẹ sị ụnụ, ‘Atụlẹ ni egun mọbụ nị ndụn gụ ụnụ makẹ ndị-aghanị bugbu enwẹn wẹ ọda, makẹni aghanị ẹlẹ nke ụnụ, nke Osolobuẹ rọ.
16
Eki ụnụ e buli d'a lụsọn wẹ agha. Ụnụ sikọ d'e kunrun wẹ ebe ọdanmgbugbu Iyi udu-mirin rị Alị ọkpọ-nkụn Jeruẹlụ jẹndemẹ, ebe wẹ rị e nyin Ugu-Zizi.
17
Ẹlẹ ụnụ jẹnkọ d'a lụ aghanị. Werisọnmẹ ni hụ ọnọdị agha, ụnụ e turu nị ụnụ hụn mgbapụha Osolobuẹ jẹnkọ d'a gbapụha ụnụ, ndị Juda lẹ Jerusalẹm. Atụlẹ ni egun; anịlẹ ni ndụn gụ ụnụ. Eki, ụnụ e jẹn d'a lụsọn wẹ agha, Osolobuẹ k'a nọyeni ụnụ.’ ”
18
Ya eze wụ Jehoshẹfatị nọ hulụa isi, we ihun kọma alị, ndị Juda lẹ ndị Jerusalẹm ile nọ dan alị ihun Osolobuẹ, fe Osolobuẹ ofufe.
19
Ya ndị ebọn Livaị hụn wụ ndị ẹbozo Kohatị lẹ ẹbozo Kora nọ lihi ọtọ, weshikẹnmẹ olu elu ja Osolobuẹ wụ Chuku Izrẹlụ mma.
20
O ru ụz'ụtụntụn biribiri, ndị-agha Juda nọ buli, shi Alị Ọkpọ-nkụn Tẹkụa. Hụn wẹ gi buli, Jehoshẹfatị nọ jẹnpụha, sị wẹ, “Gọn ni m ntịn, ụnụ ndị Juda lẹ Jerusalẹm: Gi ni Osolobuẹ wụ Chuku ụnụ dọn ẹnya, o k'e mẹ ụnụ turu ọhụnma; gi ni ihiẹn ndị-amụma a ku dọn, ihiẹn k'a ghanị ụnụ.”
21
Ogẹn Jehoshẹfatị gi jụgụ wẹ uche wẹ, ọ nọ han ndị ọ han nị wẹ buruni ndị-agha ụzọ, a bụnị Osolobuẹ ẹbụ, a jazịkwọ a mma makẹ ọghọ a hụn rị nsọ, a sị: “Kpanmịn nị Osolobuẹ, makẹni ihiẹn-ọsụsụọ a rị jẹnrin-ejẹn.”
22
Ogẹn wẹ gi yimẹ oro ịghọghọ, jama Osolobuẹ mma, Osolobuẹ nọ bunụmanị ndị Amọnụ lẹ ndị Mụabụ lẹ ndị Ugu-Sẹẹ hụn bịa d'a lụsọn Juda agha, mẹ ndị Juda mẹri wẹ:
23
makẹni Osolobuẹ mẹ ndị-agha Amọnụ lẹ Mụabụ maye ndị-agha Ugu-Sẹẹ, gbuchanrịn wẹ ile; e gbuchanrịngụ wẹ ndị Ugu-Sẹẹ, wẹ nọ gbumẹ ibe wẹ.
24
Mgbe ndị-agha Juda gi ru ebe wẹ nọ e legha alị ọkpọ-nkụn ahụn, e lee wẹ ẹnya nị wẹ hụn ndị-agha hụ bugbu enwẹn wẹ ọda, ozun sụọ kẹ wẹ hụn alị ebẹhụ, onwọnni onyẹ wanahịnnị!
25
Ogẹn Jehoshẹfatị lẹ ndị-agha a gi nwan jẹnmẹ d'e kpọnrin ihiẹn ndị iṅẹnrẹn wẹ buhẹ agha, a hụn wẹ ẹkwa lẹ ihiẹn ndị-ọzọ rị mkpa bugbu enwẹn ẹ ọda; e kpọn wẹ, ndụn a gụ wẹ. Ọrọgbọ akp'ọkịn ẹtọ kẹ wẹ gi kpọn ẹ.
26
Hụn mẹ ẹ akpọhịn ẹnọ, wẹ nọ zu imẹ Ọdanmgbugbu Bẹraka. Makẹni wẹ nọ ebẹhụ ja Osolobuẹ mma, ya kẹ wẹ gi nwan a kpọ Ọdanmgbugbu hụ Bẹraka hụn wụ “Ọjịja-mma” d'e ru tannị.
27
Ya Jehoshẹfatị nọ duru ndị Jerusalẹm lẹ ndị Juda ile, wẹ ile nọ gi ịghọghọ lakin Jerusalẹm, makẹni Osolobuẹ e mẹgụọ ndị-iṅẹnrẹn Juda ihiẹn ndị Juda e gi ghọghọ.
28
A banye wẹ Jerusalẹm, wẹ nọ shi imẹ Ụlọ-nsọ Osolobuẹ, wẹ lẹ ihiẹn-egu rị ichẹn-ichẹn: kẹ ụbọ-hapụ kẹ ụbọ-lutu kẹ opi.
29
Ya egun Chuku nọ tụma alị-eze ile fihunmẹni wẹ ogẹn wẹ gi nụ kẹ Osolobuẹ lẹ enwẹn ẹ dọn lụsọn ndị-iṅẹnrẹn Izrẹlụ agha.
30
Ya udọn nọ rị alị-eze Jehoshẹfatị, makẹni Chuku ẹ e mẹgụọ ndị ile fihunmẹn'ẹ lụbehi ẹ agha.
31
Ya Jehoshẹfatị nọ kịsọnmẹ Juda. Ọ rị nwa ahụa mmisẹn kwasị ọgụn k'ọ kịma; Jerusalẹm k'ọ nọ kị; ahụa isẹn kwasị ọgụn k'ọ kị. Nnẹ ẹ wụ Azuba nwa Shilihi.
32
Jehoshẹfatị sọnchanrịn nzọmụkụ nẹdi ẹ wụ Asa, ọ ghan'a pụ; o mẹsọnmẹ ihiẹn rị mma ẹnya Osolobuẹ.
33
Kanị, e febehikwọnị wẹ ofufe hụ w'e fe ebe jẹnsọnmẹ elu, ndị ọ rị a kị ebukwọnị obi wẹ che ife Chuku ndị nẹdi wẹ.
34
Ihiẹn ndị ọzọ mẹsọnmẹni ogẹn Jehoshẹfatị gi rị a kị, gha mbidọn d'e ru ọgụgụ, rịsọnmẹ ihiẹn Jehu nwa Hanani de hụn rị imẹ ẹkụkwọ ndị-nze Izrẹlụ.
35
O nọbe, Jehoshẹfatị nọ sọn Ahazia eze Izrẹlụ Ẹbamịn ugu hụn e mẹ eje-ihiẹn mẹgbamama.
36
Ya ọ nọ kweyen'ẹ nị wẹ tụngbama ụgbọ-mirin uku ndị wẹ gi e jẹn Tashishi. Kanị, a rụngụ wẹ ụgbọ-mirin ndị hụ alị Eziọnụ-Gẹba,
37
Ẹliẹza nwa Dodavahu onyẹ Maresha nọ bu amụma, ma Jehoshẹfatị ikpe, sị, “Ebe o mẹni yụ lẹ Ahazia rị nwan e mẹgbama, Osolobuẹ jẹnkọ d'e tikpọ ihiẹn ndị ụnụ rụn.” Ụgbọ-mirin ndị nwẹn nọ tikpọpụ, asanị wẹ ẹka jẹn Tashishi.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36