bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 32
2 Chronicles 32
Ika 2018 Bible
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Ogẹn Hezikaya gi rụnchanrịngụ ihiẹn ndịnị ile ọ rụn, mẹchanrịn ihiẹn ndịnị furuni, Sẹnakẹribụ eze Asiria nọ bịa d'a lụsọn Juda agha. O kehunmẹ obodo ndị wẹ tụnhunmẹ mgbọn, kẹn'o mẹri wẹ weri.
2
Ogẹn Hezikaya gi hụn a nị Sẹnakẹribụ a bịagụọ Juda lẹn'o sikọ d'a bịa d'a lụsọn Jerusalẹm agha,
3
ya lẹ ịhaịmẹ ẹ lẹ ndị isi-agha a nọ tụ iroro nị wẹ fakinchanrịn isi-iyi ndị rị azụụn mgbọn obodo hụ, wẹ ile nọ yen'ẹ ẹka.
4
Ndị-agha bugbu enwẹn wẹ ọda nọ pụha, gbọnkinchanrịn isi-iyi ndị hụ ile lẹ mirin e hugha imẹ alị hụ. Wẹ sị, “Kị ndị-nze Asiria hụn lala ebeni d'a lụsọn ẹnyi agha k'a hụnnị mirinni ile ra?”
5
Ya Hezikaya nọ lịlịma dọnzichanrịn ebe ile mgbọn wẹ tụnhunmẹ obodo hụ nọ dan, tụn Ụlọ-nche zeni ye elu mgbọn hụ shịanị, tụnzị mgbọn ọzọ ghahunmẹ ẹ, tụnzị mgbọnkin yesọnmẹ mkpọnyin wẹ gi e nyinjẹn Obodo hụ Defidi tụn. O mẹmẹzikwọ ihiẹn-ọgụn lẹ akpaịn bu ọda.
6
Ọ nọ tumẹ ndị isi-agha, kpọha wẹ ebe ịhịan ile nọ e zu ọnụ-mgbọn obodo hụ, gi oku ndịnị kasị wẹ obi:
7
“Turu ni; kwọndọn ni obi ụnụ. Atụlẹ ni egun; ndụn agụlẹ ụnụ makẹ eze Asiria lẹ ndị-agha a bugbu enwẹn wẹ ọda, makẹni ikẹn hụn ẹnyi nwọn ka nke wẹ.
8
Ikẹn ịhịan mmaka sụọ k'o gi lala, kanị ẹnyi lẹ Osolobuẹ wụ Chuku ẹnyi hụn jẹnkọ d'e yeni ẹnyi ẹka, lụnị ẹnyi ọgụn, wị.” Ndị hụ nọ gi oku Hezikaya gwa wẹ kasị enwẹn wẹ obi.
9
O mẹgụ, ogẹn eze Asiria wụ Sẹnakẹribụ gi kehunmẹ Lakishi, ọ nọ zi ndị o zi jẹn Jerusalẹm d'e zi eze Juda wụ Hezikaya lẹ ndị Juda ile rị ebẹhụ ozini:
10
“Lee ihiẹn eze Asiria wụ Sẹnakẹribụ ku: Kị obi gidẹ nwan e ru ụnụ alị, ụnụ e gi nọdị imẹ Jerusalẹm hụnnị m kehunmẹgụọ ụnụ?
11
Hezikaya rị a sị ụnụ, ‘Osolobuẹ wụ Chuku ẹnyi k'a gbapụha ẹnyi ẹka eze Asiria,’ ọ rị e dufiekwọ ụnụ kẹni ẹgụn lẹ ẹgụn mirin gbu ụnụ.
12
Ẹlẹ Hezikaya lẹ enwẹn ẹ wepụsọnmẹ ebe ichẹn-ichẹn jẹn elu wẹ nọ e fe ẹ lẹ ukpo ndị wẹ nọ a chụnyen'ẹ ẹjan, sị ndị Juda lẹ Jerusalẹm, ‘Ihun ukpo nchụn-ẹjan ohu sụọ kẹ ụnụ a nọ fe ofufe, elu ẹ sụọ kẹ ụnụ a nọ dụn ẹjan ọkụn’?
13
“Ụnụ amarịn ihiẹn mmẹ lẹ ndị nẹdi m mẹ alị ndị ọzọ ile? Mmọn wẹ e fe alị ndị hụ a saghọ ẹka gbapụha alị wẹ ẹka m?
14
Imẹ alị ile ndị nẹdi m tikpọ, elee hụn kẹ mmọn wẹ satu ẹka gbapụha ndị nke ẹ ẹka eze Asiria? Nanị kẹ mmọn alị ụnụ e dọn nwan s'ẹka gbapụha ụnụ ẹka m?
15
Anịlẹ ni nwan Hezikaya dufie ụnụ ẹnịna. Egikwọlẹ ni oku ẹ dọn, makẹni onwọnni mmọn alị mọbụ alị-eze ọwụlẹ satu ẹka gbapụha ndị nke ẹ ẹka m mọbụ ẹka ndị nẹdi m, ọ rị wụzị mmọn ụnụ.”
16
Ya ndị ozi Sẹnakẹribụ nọ kujamazị oku Osolobuẹ wụ Chuku lẹ odibo ẹ wụ Hezikaya.
17
Eze wụ Sẹnakẹribụ nkẹ dezikwọ ẹkụkwọ-ozi ndị o gi kpari Osolobuẹ wụ Chuku Izrẹlụ, sị a, “Kẹ o dọn mẹni mmọn alị ndị ọzọ asanị ẹka gbapụha ndị nke wẹ ẹka m, ẹrịra k'o k'e mẹ ni mmọn Hezikaya asakọ ẹka gbapụha ndị nke ẹ ẹka m.”
18
Ndị ozi Sẹnakẹribụ hụ e yi ẹ, e gi asụsụ Juda a gwa ndị Juda ile gbakikomẹ elu mgbọn Jerusalẹm ebẹhụ oku, nị wẹ rọn wẹ egun, mẹ egun ban wẹ ẹnya, kẹn'ọ nị wẹ weri obodo hụ.
19
Wẹ hụ e ku oku Chuku Jerusalẹm kẹ wẹ dọn e ku oku mmọn ichẹn-ichẹn alị ndị ọzọ e fe, mmọn ndị-ọzọ.
20
Eze wụ Hezikaya lẹ onyẹ-amụma wụ Azaya nwa Emọzụ nọ mẹ ekpere, kwanghọsị Chuku rị elu-igwee ihiẹnni.
21
Ya Osolobuẹ nọ zi mmọn-ozi ohu, mmọn-ozi hụ nọ gbuchanrịn ndị-agha ile lẹ ndị-ndu lẹ ndị-isi ile rị ebẹhụ ndị-agha eze ndị Asiria ziẹntọ. Ya Sẹnakẹribụ nọ gi ifẹnrẹn lashi alị a. Ogẹn o gi banye ụlọ-mmọn a d'a rụa a, ụmụ ẹfọ a nọ gi ọpịa-agha gbu ẹ.
22
Ẹrịra kẹ Osolobuẹ dọn gbapụha Hezikaya lẹ ndị Jerusalẹm ẹka Sẹnakẹribụ eze ndị Asiria lẹ ẹka ndị ọzọ ile, o lepụchanrịn wẹ ẹnya azụụn ile.
23
Ndị bu ọda hụ e wẹhẹni Osolobuẹ oyiye imẹ Jerusalẹm, e wẹhẹni Hezikaya eze Juda ihiẹn ichẹn-ichẹn rịgbu enwẹn wẹ mma. Gha ogẹn ahụn jẹnmẹ, ndị alị ile nọ gbayemẹ Hezikaya.
24
O mẹgụ, emu nọ kụma Hezikaya, nkewụnị o d'a nwụn. Ya ọ nọ mẹ ekpere jẹnni Osolobuẹ; ọ nọ za a, ghọsị a ihiẹn o gi marịn n'o k'a dịnhịn, ọ nọ dịnhịn.
25
Kanị Hezikaya nọ họnrọnma, onwọndẹni ihiẹn ọ kpọ ẹfọma Chuku mẹn'ẹ. Ya ize ya lẹ ndị Juda lẹ Jerusalẹm nọ ban Osolobuẹ.
26
Hezikaya nọ rogharị, latọ nhọnrọn ọ rị a họnrọn, ya lẹ ndị Jerusalẹm. Ufiri ẹ, Osolobuẹ egizini ọnụma sọn wẹ ogẹn Hezikaya.
27
Hezikaya nwọn ihiẹn ọda-ọda, nwọnzikwọ ọghọ ọda-ọda. Ọ nọ rụntọsọnmẹ ebe o dọnmẹ siliva lẹ goru lẹ ọmụma ndị e gbukeni lẹ ihiẹn ndị e shin ọhụnma lẹ akpaịn lẹ ụdị ihiẹn ile rị mkpa.
28
Ọ tụnzịkwọ ụlọ ndị o dọnmẹ ọka lẹ manya lẹ ofigbọn-olivu; ọ tụnsọnmẹzi ụlọ-anụ w'e dọnmẹ anụ rị ichẹn-ichẹn: kẹ nke efin kẹ nke atụnrụn kẹ nke ewu.
29
Ọ tụnsọnmẹ ụmụ-alị, kpọn efin lẹ atụnrụn lẹ ewu jun. Osolobuẹ mẹ ẹ hi okẹn-ọdanfịn.
30
Hezikaya dọkin ote-mirin Gihọnụ, hụn isi ẹ rị ibe elu. Ọ nọ mẹ mirin ahụn hushi ẹbamịn ọdịdan ẹnyanwụn Obodo Defidi. Ihiẹn ile o buche ẹka ghan'a aghanị.
31
Kanị, ogẹn ndị hụn ndị-isi Babilọnụ zihẹ gi bịa d'a jụ a oku ihiẹn atụmẹnya mẹ imẹ alị Juda, Osolobuẹ nọ hapụ a kẹn'o lele ẹ, marịn ihiẹn ile rị a obi.
32
Ihiẹn ndị ọzọ mẹni ogẹn Hezikaya gi kị lẹ k'o dọn we enwẹn ẹ kwanị Osolobuẹ rịsọnmẹ ẹkụkwọ onyẹ-amụma wụ Azaya nwa Emọzụ deye ihiẹn Osolobuẹ ghọsị a lẹ imẹ ẹkụkwọ ndị-nze Juda lẹ Izrẹlụ.
33
Hezikaya a nwụnhụn, laburu ndị nẹdi ẹ, wẹ nọ li ẹ ye elu òke w'e liye ebozo Defidi. Ndị Juda lẹ Jerusalẹm ile ye ẹ ọghọ k'ọ nwụnhụn, nwa a wụ Manasẹ nọ họnrin eze nọkin ẹnya a.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36