bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 23
2 Chronicles 23
Ika 2018 Bible
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Hụn mẹ ẹ ahụa ẹsa, Jehoyada nọ gi ọkwa a mẹ ihiẹn: Ọ gwa ndị ọkị-agha kịsọnmẹ ndị-agha ọgụn-isẹn ọgụn-isẹn uche ẹ: Azaria nwa Jẹroham, Ishmẹlụ nwa Jehohananị, Azaria nwa Obẹdi, Maaseya nwa Adaya lẹ Ẹlishafatị nwa Zikri, ya lẹ wẹ nọ gi ẹfan Osolobuẹ kwerigbama.
2
Wẹ nọ ghagbama alị Juda ile, gha obodo ile kpọkikomẹ ndị Livaị kpọkikomẹzi ndị-isi ikpụlọ ichẹn-ichẹn rị alị Izrẹlụ. A bịa wẹ Jerusalẹm,
3
wẹ ile zuni lẹ eze nọ nọ imẹ Ụlọ-nsọ Chuku gi ẹfan Chuku kwetarị nkwa. Jehoyada nọ sị wẹ, “Nwa eze jẹnkọ d'a kị nọkẹ kẹ Osolobuẹ dọn kwe nkwa banyeni ẹbozo Defidi.
4
Lee ni nwan ihiẹn ụnụ jẹnkọ d'e mẹ: Ụnụ ndị nchụn-ẹjan lẹ ndị Livaị hụn jẹnkọ d'a rị ọrụn Ụhụọkịn Ezumikẹn jẹnkọ d'e kebe enwẹn ụnụ ụzọ ẹtọ: itu ohu k'e che nche ọnụ-mgbọn ichẹn-ichẹn rị Ụlọ-nsọ,
5
itu ohu e che obi-eze, itu ohu a nọdị Ọnụ-mgbọn Iyetọ; ndị ọzọ ile họdụnị k'a rịsọnmẹ ezi-ọgwa ichẹn-ichẹn rị Ụlọ-nsọ Osolobuẹ.
6
Onwọnni onyẹ k'a banye imẹ Ụlọ-nsọ Osolobuẹ wezụka ndị nchụn-ẹjan lẹ ndị Livaị rị ọrụn; nị wẹ banyeghọ a makẹni wẹ e fepụgụọ ẹhụ; ndị ọzọ ile họdụnị sikọ d'a nọdị ezi kẹ Osolobuẹ dọn ku.
7
Ndị Livaị wẹ werisọnmẹ ọnọdị, fihunmẹ eze; onyẹ-onyẹ lẹ ihiẹn-ọgụn a. Wẹ k'e gburịrị onyẹ ọwụlẹ banye imẹ Ụlọ-nsọ. Nọkunmẹ nị eze ọhụnma ebe ọwụlẹ o jẹnkọ.”
8
Ya ndị Livaị lẹ ikẹnnyẹ Juda ile nọ mẹchanrịn kẹ onyẹ nchụn-ẹjan wụ Jehoyada dọn ku, onyẹ-onyẹ nọ kịrị ndị itu ẹ — kẹ ndị rị ọrụn Ụhụọhịn Ezumikẹn kẹ ndị te rụngụ nke wẹ — makẹni Jehoyada wụ onyẹ nchụn-ẹjan ahatuni itu ọwụlẹ.
9
Jehoyada nọ kpọn obo lẹ akpaịn rị imẹ Ụnọ-nsọ, akpaịn ndị uku lẹ ndị-nta, ndị hụn Defidi mẹmẹ ogẹn o gi wụ eze, ye ndị ahụn kịsọnmẹ ndị-agha ọgụn-isẹn ọgụn-isẹn.
10
Jehoyada nọ dọnmẹsọnmẹ ikẹnnyẹ ahụn ile, onyẹ-onyẹ lẹ ihiẹn-ọgụn a, a nọhunmẹ wẹ ebe eze jẹnkọ d'e wuzo ẹhụ ukpo nchụn-ẹjan, nọkinchanrịn ihun Ụnọ-nsọ gha nkọnị d'e ru nkọnị.
11
Jehoyada lẹ ụmụ a ikẹnnyẹ nọ wepụha Jụashị nwa eze, bu okpu-eze che ẹ isi. Wẹ nọ bu Iwu Osolobuẹ che ẹ ẹka, kin ẹ eze. Wẹ nọ hukpu ẹ udẹn, yi, “Isi i chei, eze!”
12
Mgbe Atalia gi nụ ụzụn ndị-agha hụ gi rị a ja eze mma, ọ nọ jẹnburu wẹ imẹ Ụnọ-nsọ Osolobuẹ.
13
O lee ẹnya, e lee eze k'o wuzo ẹhụ adansụn rị ọnụmụzọ wẹ gha a banye Ụnọ-nsọ! Ndị-agha lẹ ndị e gbu opi e fihunmẹ ẹ, ndị Juda ile hụ a ghọghọ, e gbu opi, ndị ọkụ-ẹbụ gihụ ihiẹn-egu wẹ, e du ẹbụ ịja-mma. Ya Atalia nọ sekapụ ẹwuru ya lẹ enwẹn ẹ yi, yimẹ, “Nnupụ-isi! Nnupụ-isi!”
14
Onyẹ nchụn-ẹjan wụ Jehoyada nọ zi ndị hụ kịsọnmẹ ndị-agha mmadụ ọgụn-isẹn ọgụn-isẹn, sị wẹ, “D'e wepụn'a imẹ Ụlọ-nsọ ebeni; gi ni ọpịa-agha ụnụ gbu onyẹ ọwụlẹ hụn chọ n'o sọnmẹ ẹ.” Onyẹ nchụn-ẹjan a sịgụọ wẹ, “Anọkwọlẹ ni Ụlọ-nsọ Osolobuẹ gbu ẹ.”
15
Ya wẹ nọ nwụnrụn a; e weghafegụ w'a Ọnụ-mgbọn Ẹshin a gha hụn rị imẹ obi-eze, wẹ nọ gbu ẹ ebẹhụ.
16
Jehoyada nọ du wẹ, ya lẹ ndị alị lẹ eze nọ kwe nkwa nị wẹ k'a wụ ndị nke Osolobuẹ.
17
Ịhịan ile nọ shi ụlọ-mmọn Baalụ, tikpọpụ a. Wẹ nọ kụtu ukpo ndị wẹ n'a chụnyen'ẹ ẹjan lẹ mmọn ndị wẹ kpụ rị ebẹhụ, gbu Matanị hụn wụ ohẹn Baalụ tọ ihun ukpo ndị hụ wẹ n'a chụnyeni Baalụ ẹjan.
18
Jehoyada nọ bu ọrụn ilepụ Ụlọ-nsọ Osolobuẹ ẹnya che ẹka ndị nchụn-ẹjan makẹni wẹ wụ ndị ebọn Livaị, ndị hụn Defidi keni ọrụn rị Ụnọ-nsọ nị w'a chụnyeni Osolobuẹ ẹjan w'a dụn ọkụn nọkẹ kẹ wẹ dọn de ẹ imẹ Iwu Mozizi, e gi ịghọghọ lẹ ẹbụ e mẹ ẹ nọkẹ kẹ Defidi dọn ku.
19
Jehoyada e butọzịghọ ndị nche ọnụ-mgbọn ichẹn-ichẹn rị Ụlọ-nsọ Osolobuẹ amamgbe onyẹ ọwụlẹ nwọn k'o dọn rụ a banye.
20
Ọ nọ kịrị ndị ọkị-agha lẹ ndị-isi lẹ ndị ile gi ọkwa lẹ ndị alị hụ ile, gha imẹ Ụlọ-nsọ Osolobuẹ wepụha eze. Wẹ nọ ghashi Ọnụ-mgbọn rị Mkpọnyin shi obi-eze, bu eze che enu ukpo-eze,
21
ndị alị hụ ile nọ ghọghọ. Jerusalẹm nọ mẹ jụụ, makẹni e gbugụọ wẹ Atalia.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36