bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 26
2 Chronicles 26
Ika 2018 Bible
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Ya ndị alị Juda ile nọ weri Uzịa ebe ọ rị nwa ahụa mmisin, kin ẹ eze nọkin ẹnya nẹdi ẹ wụ Amazia.
2
Uzịa wụ hụn rụndọnzi obodo Ẹlatị, wekinhẹn ẹ okpuru Juda kẹ nẹdi ẹ wụ Amazia nwụnhụngụ laburu ndị nẹdi ẹ.
3
Uzịa rị nwa ahụa mmisin k'o họnrin eze; ahụa mmẹbụọ kwasị ọgụnnaị k'ọ kị; Jerusalẹm k'ọ nọ kị. Nnẹ ẹ wụ Jekolia, onyẹ Jerusalẹm.
4
O mẹ ihiẹn rị mma ẹnya Osolobuẹ kẹ nẹdi ẹ wụ Amazia dọn mẹ.
5
Uzịa fe Osolobuẹ ogẹn Zẹkaraya hụn kuzi ẹ ịtụ egun Osolobuẹ gi rị ndụn. Ogẹn ahụn ile o gi rị e fe Osolobuẹ, Chuku hụ e mẹ ihiẹn a ghan'a.
6
Ọ lụsọn ndị Filistia agha, kụtu mgbọn wẹ tụnhunmẹ obodo Gatị lẹ mgbọn Jabnẹ lẹ mgbọn Ash'dọdụ. Ọ rụndọnzi obodo ndị nọkunmẹ Ash'dọdụ lẹ ebe rị ichẹn-ichẹn imẹ alị ndị Filistia.
7
Chuku yezikwọn'a ẹka mẹri agha ọ lụ ndị Filistia lẹ hụn ọ lụ ndị Arabụ bi imẹ Guru-Baalụ lẹ hụn ọ lụ ndị Mẹyunu.
8
Ndị Amọnụ a tụhanị Uzịa ihiẹn makẹni wẹ rị okpuru ẹ. Ẹfan a kpọrukwọrị ebe alị Ijiptu gha, makẹni o họnringụọ okẹn ịhịan.
9
Uzịa tụnyesọnmẹ ụlọ-nche jẹn elu imẹ Jerusalẹm: hụn ọ tụnye Ọnụ-mgbọn rị Ntugi, hụn ọ tụnye Ọnụ-mgbọn rị Ọdanmgbugbu lẹ hụn ọ tụnye ebe mgbọn nọ gbegi; o mẹ ụlọ-nche ndị hụ ze ọhụnma-ọhụnma.
10
Uzịa tụnzịkwọ ụlọ-nche jẹn elu ebe bu ọda imẹ atụ, gutọsọnmẹ ọmị bu ọda, makẹni o nwọn anụ bu ọda jun kẹ ukun-ugu wụ Shẹfẹla kẹ alị-aradan. Makẹni ugbo a sụọ a ọda-ọda, o nwọnghọzị ndị a rụnn'a ugbo lẹ alị vaịnị — kẹ elu òke kẹ ebe ọzọ alị nọ e mẹ ihiẹn ọhụnma.
11
Uzịa nwọn ndị-agha wẹ zụn ọhụnma-ọhụnma, hụn a saẹka a nọ itu wẹ dọnyesọnmẹ wẹ a lụ agha ogẹn ọwụlẹ wẹ gi kpọpụha wẹ; ndị a kpọpụhanị wẹ wụ akanwe wụ Jẹyẹlụ lẹ onyẹ-isi wẹ wụ Maaseya; Jẹyẹlụ lẹ Maaseya rị okpuru Hanania hụn rị ndị-isi ọrụn eze.
12
Ndị kịsọnmẹ ikpụlọ ichẹn-ichẹn hụn a kị ndị-agha hụ rị mmadụ ọgụn-iri kwasị nnụ-isin (2,600).
13
Ndị-agha rị okpuru wẹ rị mmadụ nnụ-uku ẹsa-lẹ-mkpikpi kwasị nnụ-uku ọgụn-mmisẹn (307,500). Wẹ zụn wẹ ile ọzụnzụn agha, wẹ nọ wụrụ itu-agha ka-ẹhụ hụn e yeni eze ẹka a lụsọn ndị-iṅẹnrẹn agha.
14
Uzịa yechanrịn ndị-aghanị ile akpaịn, obo, okpu-agha, ẹwuru-igwe, ụta lẹ akpụrụ-iyi ndị wẹ gi araba a gba.
15
Imẹ Jerusalẹm, ọ hụ a rụn ihiẹn-agha pụ-ichẹn wẹ gi akọ lẹ uche ropụha hụn wẹ gi a gba ụta lẹ ndị wẹ gi a gba mkporo hi-ogbe. O bu wẹ che elu ụlọ-nche lẹ ebe mgbọn obodo nọsọnmẹ gbegi. Ẹfan a hụ a kpọ, a kpọrudẹ ebe teni, makẹni Osolobuẹ e yekẹmẹkẹn'ẹ ẹka d'e ru ni ọkịkị a a gbọrị ọhụnma-ọhụnma.
16
Kanị, makẹni o turugụọ, obi Uzịa nọ karịma a ẹka, ọ nọ wiwi — o nupụ isi okpuru Iwu Osolobuẹ wụ Chuku ẹ banye Ụlọ-NSỌ Osolobuẹ d'e gi ẹka a mụye nsẹnsi ọkụn elu ukpo-nsẹnsị!
17
Ya kẹ Azaria onyẹ-isi nchụn-ẹjan lẹ ndị nchụn-ẹjan Osolobuẹ ọgụn-ẹnọ ọzọ egun ghalẹni a tụ nọ jẹnburu ẹ ebẹhụ.
18
Wẹ nọ gwa a elee-m elee-i, sị a, “Uzịa, o furuni n'ị mụyeni Osolobuẹ ọkụn nsẹnsi. Ọrụn ndị nchụn-ẹjan, ndị ẹbozo Ẹrọnụ rọ: uwẹ kẹ wẹ dọn nsọ tumẹ hụn k'a gha a mụye nsẹnsi ọkụn. Gha imẹ Ụlọ-nsọ pụ, nị y'e mẹgụọ ihiẹn Osolobuẹ sị wẹ emẹlẹ, Osolobuẹ wụ Chuku eyekọ ị ikpẹn.”
19
Uzịa buhụ sẹnsa wẹ gi a mụ nsẹnsi, a chọ n'ọ mụ nsẹnsi. Ọ nọ bumẹ olulu; ebẹhụ ọ nọ e buni ndị nchụn-ẹjan ahụn olulu, idẹnya wẹ ebahụn wẹ rị ihun ukpo wẹ n'a mụ nsẹnsi imẹ Ụnọ-nsọ Osolobuẹ, oti nọ pụha a ezimezi ihun idẹnmizi!
20
Ogẹn Azaria onyẹ-isi nchụn-ẹjan lẹ ndị nchụn-ẹjan ndị ọzọ ahụn ile gi lee ẹ, hụn a nị oti rị a ihun, wẹ nọ wepụ a ezi ozigbo-ozigbo. O te rịgụọdẹ ya nwẹn ẹnya n'ọ pụ, makẹni Osolobuẹ a tụgụọ a emu.
21
Uzịa nọ rọn oti o we nwụn. Ya sụọ bi ụlọ ọzọ, ya lẹ oti; w'a ra nị a sọnjẹn ndị-ọzọ Ụlọ-nsọ Osolobuẹ. Nwa a wụ Jọtam hụ e lepụ obi-eze ẹnya, a kị ndị alị Juda.
22
Ihiẹn ndị ọzọ mẹ ogẹn Uzịa gi rị a kị, gha mbidọn d'e ru njẹndemẹ, rị ẹkụkwọ onyẹ-amụma wụ Azaya nwa Emọzụ detọ wẹ.
23
Uzịa a nwụnhụn, laburu ndị nẹdi ẹ, wẹ nọ li ẹ ebe wẹ liye wẹ imẹ ikpẹkpẹ ndị-nze, makẹni wẹ sị, “Onyẹ-oti rọ.” Ya kẹ nwa a wụ Jọtam nọ rikin ẹ eze.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36