bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Chronicles 34
2 Chronicles 34
Ika 2018 Bible
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
1
Josaya rị nwa ahụa ẹsatọ k'o ri eze; ahụa mmanaị kwasị ọgụn k'ọ kị; Jerusalẹm k'ọ nọ kị.
2
O mẹ ihiẹn rị mma ẹnya Osolobuẹ. O sọn nzọmụkụ Defidi nẹdi ẹ kanị, ọ ghan'a pụ kụye ẹka-nni mọbụ ẹka-ekpẹn.
3
Hụn mẹ ẹ ahụa ẹsatọ ọ kịma, ebẹhụ ọ rịkwọ nwata, ọ nọ femẹ Chuku Defidi nẹdi ẹ kanị. Hụn mẹ ahụa mmẹbụọ ọ kịma, ọ nọ wepụma ebe ile jẹn elu wẹ nọ e fe ofufe lẹ osisi onyẹnnyẹ mmọn wụ Ashẹra lẹ mmọn ndị wẹ tụ lẹ ndị wẹ kpụ imẹ Juda lẹ Jerusalẹm.
4
Ọ gwa wẹ, wẹ nọ kụtusọnmẹ ukpo wẹ nọ a chụnyeni Baalụ ichẹn-ichẹn ẹjan; ọ kụkpọchanrịn ukpo rịsọnmẹ elu wẹ hụn wẹ nọ a mụ nsẹnsi, tigungwọn osisi onyẹnnyẹ-mmọn Ashẹra lẹ mmọn-lẹ-iyi wẹ kọmasọnmẹ. O tikpọchanrịn ihiẹn ndịnị, kpọn wẹ ye ili ndị chụnyeni wẹ ẹjan.
5
Ọ nọ elu ukpo nchụn-ẹjan ndị ahụn dụn ọkpụkpụ ndị ohẹn-mmọn ndị te rị a rụanị wẹ ọkụn. Ẹrịra k'o dọn mẹ Juda lẹ Jerusalẹm febehi mmọn.
6
Ẹrịra k'o mẹzikwọ imẹ obodo ndị rịsọnmẹ Manasẹ, Ifrem lẹ Simiọnụ, kẹ ndị rịkwọrị Naf'tali lẹ obodo ndị wẹ tikpọsọnmẹ nọkunmẹni wẹ,
7
o tikpọsọnmẹ ukpo nchụn-ẹjan, gbutusọnmẹ osisi mmọn Ashẹra; o gweriẹn mmọn ndị hụ, kụkpọ ukpo ile wẹ nọ a mụ nsẹnsi imẹ Izrẹlụ ile. O mẹgụ, ọ nọ lakin Jerusalẹm.
8
Hụn mẹ ẹ ahụa mmẹsatọ Josaya kịma, ebe ọ rị e dọn alị Juda lẹ Ụlọ-nsọ nsọ, ọ nọ zi Shafanị nwa Azalia lẹ Maaseya hụn eze tumẹ onyẹ-ọkịkị obodo Jerusalẹm, wẹ lẹ Jụa nwa Jeho-ahazị, hụn e dọnmẹ ẹkụkwọ d'e dọnzi Ụlọ-nsọ Osolobuẹ wụ Chuku ẹ.
9
Wẹ nọ jẹn d'e kunrun onyẹ-isi nchụn-ẹjan wụ Hil'kia, we egho ndị alị e wẹhẹ imẹ Ụlọ-nsọ Chuku ye ẹ. Egho ndị Livaị hụn e che ọnụmụzọ nasọnmẹ ndị Manasẹ, ndị Ifrem, ndị Izrẹlụ ile họdụnị, ndị Juda ile, ndị Bẹnjamini ile lẹ ndị ile bi imẹ Jerusalẹm.
10
Wẹ nọ we ẹ ye ndị wẹ tumẹ nị wẹ e lepụ ọrụn idọnzi Ụlọ-nsọ Osolobuẹ ẹnya, e gi w'ẹ kụ ndị-ọrụn ụgwọ-ọrụn, ndị hụn rị e dọnzi ihiẹn Ụlọ-nsọ n'ọ rị k'ọ rị mbụ.
11
E ye wẹ ndị a ma ụlọ lẹ ndị a tụnnị hụn wẹ gi e ṅọn ọmụma wẹ begụ lẹ osisi wẹ gi mẹmẹ ibe-agba lẹ akp'osisi wẹ e gi dụnmịn ụlọ ichẹn-ichẹn ndị-nze Juda nị dankpọ.
12
Ndị hụ gi ezioku rụn ọrụn ahụn. Ndị ebọn Livaị ndịnị kẹ wẹ tumẹ nị w'a rụn okpuru wẹ: Jahatị lẹ Obadaya ndị ẹbozo Mẹrari lẹzi ndị ẹbozo Kohatị ẹbụọ wụ Zẹkaraya lẹ Mẹshulam. (Ndị Livaị ndịnị ma a kụ egu.)
13
Uwẹ kẹ wẹ tu ndị ọrụn ahụn ye ẹka, nị w'a hụn a nị ndị ọrụn rịsọnmẹ ichẹn-ichẹn hụ a rụn ọrụn wẹ. Imẹ ndị Livaị, o nwọnsọnmẹ ndị e deni wẹ ihiẹn, ndị gi ọkwa ichẹn-ichẹn lẹ ndị e che nche ọnụmụzọ rịsọnmẹ Ụlọ-nsọ.
14
Ebe wẹ rị e wepụha egho ahụn wẹ bubangụ imẹ Ụlọ-nsọ Osolobuẹ, Hil'kia onyẹ-isi nchụn-ẹjan nọ hụn Ẹhụhụọ Iwu Osolobuẹ hụn Osolobuẹ gha ẹka Mozizi ye Izrẹlụ.
15
Ya Hil'kia nọ sị Shafanị hụn wụ akanwe, “A hụngụọ m Ẹhụhụọ Iwu imẹ Ụlọ-nsọ Osolobuẹ.” Ọ nọ we ẹ ye Shafanị.
16
Shafanị nọ we ẹhụhụọ hụ jẹnni eze. Ọ nọ gwa eze kẹ ọrụn nọ, sị, “Ndị i tumẹ hụ e mẹ ihiẹn ile wẹ tuye wẹ ẹka.
17
E wegụọ wẹ egho hụ ẹnyi butọ imẹ Ụlọ-nsọ Osolobuẹ ye ndị rị e lepụ ọrụn ẹnya lẹ ndị ọrụn.”
18
Akanwe hụ wụ Shafanị nọzị sị eze, “O nwọn ẹkụkwọ ohu Hil'kia onyẹ-isi nchụn-ẹjan ye m.” Ọ nọ nọ ihun eze ebẹhụ gụn a.
19
Ogẹn eze gi nụ oku ndị rị imẹ Iwu, ọ nọ dọka ẹwuru-nze o yi.
20
Ọ nọ sị Hil'kia, Ahikam nwa Shafanị, Ab'dọnụ nwa Maịka, Shafanị wụ akanwe lẹ Asaya hụn e jẹnni eze ozi:
21
“Jẹn ni d'a jụ Osolobuẹ banyeni ihiẹn ndịnị wẹ deye imẹ ẹkụkwọnị ẹnyi hụn, kẹni mmẹ lẹ ndị Izrẹlụ lẹ Juda họdụnị marịn ihiẹn ẹnyi k'e mẹ. Okẹn ọnụma kẹ Osolobuẹ gikwọ rị e sọn ẹnyi makẹni ndị nẹdi ẹnyi emẹni ihiẹn Osolobuẹ ku; egini wẹ ihiẹn ndịnị ile wẹ deye imẹ ẹkụkwọnị bi.”
22
Hil'kia lẹ ndị hụ eze hanyen'ẹ nọ jẹn d'e kunrun onyẹ-amụma wụ Hul'da nwunyẹ Shalum nwa Tokhatị nwa Has'ra hụn ẹwuru w'e yi imẹ Ụlọ-nsọ rị ẹka. Jerusalẹm kẹ Hul'da bi, imẹ Idumu nke Ẹbụọ.
23
Ọ nọ sị wẹ, “Lee ihiẹn Osolobuẹ wụ Chuku Izrẹlụ ku: Sị nị onyẹ zihẹni ụnụ,
24
‘Ihiẹnni kẹ Osolobuẹ ku: M k'e mẹ ebeni lẹ ndị bin'ẹ okẹn-ihiẹn — abụmọnụ ile wẹ deye imẹ ẹkụkwọ hụ wẹ gụn idẹnya eze Juda.
25
Makẹni a gbakitọgụọ wẹ m azụụn, a mụnị mmọn-lẹ-iyi ichẹn-ichẹn nsẹnsi, gi ihiẹn ndị hụ ile wẹ gi ẹka wẹ mẹmẹ kpasu m iwe, m k'e hu ọnụma m kpu ebeni; ọnụma m arọkọ.’
26
Sị nị eze Juda hụn zi ụnụ d'a jụ Osolobuẹ ọnụ, ‘Ọnwan wụ ihiẹn Osolobuẹ wụ Chuku Izrẹlụ ku banyeni ihiẹn ndị ahụn ị nụ:
27
Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.
28
M k'a nị ị nwan nwụnhụngụ, laburu ndị nẹdi i; wẹ k'e li i ọhụnma. Ẹnya ị ahụnkọ ihiẹn ile m k'e mẹ ebeni lẹ ndị bin'ẹ.’ ” Ya wẹ nọ jẹn d'a gwa eze kẹ wẹ jẹn.
29
Ya eze nọ kpọzu ndị-isi Juda lẹ Jerusalẹm.
30
Ọ nọ shi Ụlọ-nsọ Osolobuẹ, ya lẹ ndị Juda, ndị Jerusalẹm, ndị nchụn-ẹjan lẹ ndị Livaị: ịhịan ile — kẹ onyẹ uku kẹ onyẹ nta. Ọ nọ gụnnị wẹ ile ihiẹn rị imẹ Ẹkụkwọ-nkwerigbama hụ wẹ hụn imẹ Ụlọ-nsọ Osolobuẹ.
31
Eze nọ wuzo ọnọdị a ẹhụ adansụn rị ihun Ụlọ-nsọ, kwedọnzi nkwa nkwerigbama hụ idẹnya Osolobuẹ n'o k'e gi obi ẹ ile lẹ umẹ-ndụn a ile sọn Osolobuẹ, e mẹ ihiẹn ndị ọ sị wẹ mẹ, e sọn usọnrọn ndị o tumẹ lẹ uhi ndị o yi lẹn'o k'e mẹ “ihiẹn ndị hụ wẹ gi mẹmẹ nkwerigbama wẹ deye imẹ ẹkụkwọnị”.
32
Ya ọ nọ mẹ onyẹ ọwụlẹ rị Jerusalẹm lẹ Bẹnjamini kwe nkwa nị wẹ k'e mẹrịrị a; ndị Jerusalẹm nọ mẹ ihiẹnni kẹ nkwerigbama Chuku hụn wụ Chuku ndị nẹdi wẹ dọn chọ a.
33
Josaya wepụchanrịn mmọn-lẹ-iyi ile rị ẹgbẹrẹ ile wụ nke Izrẹlụ, mẹ ndị ile rị imẹ alị Izrẹlụ femẹ Osolobuẹ wụ Chuku wẹ. Esọnbehini wẹ Osolobuẹ wụ Chuku ndị nẹdi wẹ Josaya e we nwụn.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36