bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
1 Corinthians 14
1 Corinthians 14
Ilokano (Ti Biblia (1973))
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Surutenyo ti ayat ken tarigagayanyo iti nasged dagiti talunggading a naespirituan a nangnangrona a maipaay iti panagipadtoyo coma.
2
Ta ti agsao iti sabali a pagsasao, saanna a casao dagiti tattao, no di ti Dios; ta awan ti macaawat kencuana: nupay babaen ti Espiritu agsao cadagiti palpalimed.
3
Ngem, ti agipadto agsao cadagiti tattao a maipaay a mamalaing, mamagbaga ken mangliwliwa.
4
Ti agsao iti sabali a pagsasao, paglaingenna ti bagina; ngem ti agipadto paglaingenna ti Iglesia.
5
Siac cayatco coma a dacay amin agsaocayo cadagiti sabali a pagsasao, ngem nangnangrona pay, agipadtocayo coma ket dacdackel daydiay agipadpadto ngem iti daydiay agsao cadagiti sabali a pagsasao: malacsid no agipatarus tapno ti Iglesia mapapigsa coma.
6
Ita ngarud, cacabsat, no umayacto cadacayo nga agsaoac cadagiti sabali a pagsasao, ania ti magonggonayonto caniac, no diac agsao cadacayo babaen ti panangipacaammo, wenno sirib, wenno padto wenno sursuro?
7
Ket uray dagiti aguni nga awan biagda flauta man wenno arpa, no dida pagdudumaen dagiti aw-aweng, casanonto ti pannacaammo ti tocaren iti flauta wenno iti arpa?
8
Ta no ti trompeta mangtedto ti maysa nga uni a pagduaduaan, siasinonto ti agsagana a makigubat?
9
Casta met cadacayo, no dicayto agsao cadagiti sasao a nalaca nga awaten, casanonto ti pannacaawat iti masasao? agsasaocayo ngarud iti angin.
10
Caspangarigan, adda nalabit adu a kita dagiti sao ditoy lubong, ket awan uray maymaysa ti awan caipapananna.
11
No ngarud diac maawatan ti cababagas ti sao, gangannaetacto iti agsao, ket ti agsao ganganaet met caniac.
12
Iti casta ngarud dacayo met, yantangay naregtacayo cadagiti taltalunggading a naespirituan agawaanyo ti rumang-ay a maipaay iti pannacapatibker ti Iglesia.
13
Gapuna ti agsao iti sabali a pagsasao, agcararag, tapno mabalinna coma ti agipatarus.
14
Ta no agcararagac babaen ti sabali a pagsasao, ti espirituc agcararag, ngem ti panunotco awan bungana.
15
Ania ngarud? Agdawdawatacto babaen ti espirituc, ket agdawdawatacto met babaen ti panunotco; agcantaacto iti espirituc, ket agcantaacto met iti panunotco.
16
Ta no saan, no mangbendicionca babaen ti espiritu ti saan a nasursuroan, casano ti panagcunananto ti Amen iti panungpalan ti panagyamanmo ta dina met maawatan ti sao-em?
17
Ta sica kinapudnoanna, nasayaat ti panagyamanmo, ngem ti sabali saan a napalangit.
18
Agyamanac iti Dios maipoon ta agsaoac cadagiti sabali a pagsasao nga ad-adda ngem cadacay amin:
19
Ngem iti Iglesia, caycayatco ti agsao iti limlima a sao babaen ti pannacaawatco tapno maisuroc met dagiti sabali, ngem iti sangapulo ribo a sao iti sabali a pagsasao.
20
Cacabsat, saancay nga agub-ubingan iti isip; ngem iti kinadakes cas cay la coma ubbing, ngem iti panagisisip cacas cay coma tao a nataenganen.
21
Iti linteg adda a naisurat: Babaen cadagiti tattao a gangannaet, ken cadagiti bibig dagiti gangannaet; makisaoacto iti daytoy nga ili; ket uray pay casta didacto denggen, cuna ti Apo.
22
Iti casta, dagiti sasao maipaayda a pagilasinan, saan a cadagiti mammati, no di ket cadagiti saan a mammati; ngem ti pammadto maipaay a pagilasinan saan a cadagiti di mamati, no di ket cadagiti mamati.
23
No ngarud ti isu-amin nga Iglesia addanto a maurnong iti maysa a disso, ket isuda amin agsaodanto cadagiti sabali a pagsasao ket sumrecto dagiti saan a nasursuroan, wenno dagiti saan a mamati, didanto cuna a mauyongcayo?
24
Ngem no isuda amin agcascasabada ket sumrec ti maysa a di mamati wenno saan a nasursuroan, isu mabagbagaan cadacuada, isu maipatonto cadacuada;
25
Ket dagiti palpalimed ti pusona maiparangarangda ket iti casta, agrucbabto ket daydayawennanto ti Dios, nga ipalawagna, a ti Dios pudno nga adda iti nagtengngaanyo.
26
Ania ngarud, cacabsat? Inton aguurnongcayo, tunggal maysa adda himnona, adda sursurona, adda ipacaammona, adda pagsasaona, adda panangipatarusna. Maaramidda coma dagiti isu-amin a banag tapno macapalaing.
27
No adda agsao iti sabali a pagsasao, dua wenno tal-lo coma laeng, ket agsisinnublatda; ket maysa ti mangipatarus coma:
28
Ngem no awanto ti mangipatarus agulimec coma idiay Iglesia ket agsao nga is-isu iti Dios.
29
Cadagiti mammadto dua wenno tal-lo coma ti agsao ket dagiti dadduma imutectecanda coma.
30
Ngem no adda paltiing iti sabali nga adda cadagiti situtugaw, agulimec coma ti immun-una.
31
Ta mabalinyo amin ti agipadto a masagsaganad, tapno isuda amin agsursuroda ket isuda amin mabagbagaanda;
32
(Ket dagiti espiritu dagiti mammadto paiturayanda cadagiti mammadto;)
33
Ta ti Dios saan a Dios ti riri, no di ti talna, Cas maaramid cadagiti isu-amin nga Iglesia dagiti sasanto.
34
Dagiti babbai agulimecda coma cadagiti Iglesia: ta saan a maipalubos cadacuada ti agsao; ngem addada coma a paiturayan cas cuna met ti linteg.
35
Ket no adda cayatda a sursuroen, intuudenda cadagiti assawada met laeng idiay balayda: ta naalas a ti maysa a babai agsao iti Iglesia.
36
Ania? nagtaud aya cadacayo ti sao ti Dios, wenno cadacayo laeng ti immayanna?
37
No ti maysa panunutenna nga isu mammadto, wenno mapaltiingan ammoenna coma a dagitoy a banbanag nga isuratco cadacayo bilbilin ida ti Apo.
38
Ngem no ti siasinoman a tao nanengneng, nanengneng coma.
39
Gapuna, cacabsat, tarigagayanyo iti nasged ti panangipadto ket dicay iparit ti agsao cadagiti sabali a pagsasao.
40
Ngem maaramid coma dagiti isu-amin a banag iti natacneng ken naurnos.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16