bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
1 Corinthians 15
1 Corinthians 15
Ilokano (Ti Biblia (1973))
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
Ipalawagco manen cadacayo, cacabsat, ti evangelio nga incascasabac cadacayo, isu met nga inawatyo isu met nga yanyo a sititibker,
2
Ket gapu kencuana maisalacancayo, no icutanyo nga agnanayon ti sao nga incascasabac cadacayo, malacsid no namaticayo a barengbareng.
3
Ta immuna inyawatco cadacayo ti inawatco met, a ni Cristo natay gapu cadagiti basbasoltayo, cas mayalubog cadagiti Sursurat;
4
Ket naitanem, ket nagungar iti maicatlo nga aldaw, cas maiyalubog cadagiti Sursurat;
5
Ket nagparang ken Cefas, calpasanna cadagiti sangapulo ket dua;
6
Calpasanna, nagparang cadagiti nasuroc a lima gasut a cacabsat, iti naminpinsan; ket dagiti ad-adu cadacuada addada pay agingga ita; ngem dagiti dadduma naturogdan;
7
Calpasanna nagparang ken Santiago, calpasanna cadagiti isu-amin nga apostoles.
8
Ket calpasanda amin, nagparang met caniac a casla nayanac iti saan a maiparbeng a panawen.
9
Ta siac ti cabassitan cadagiti apostol, ket saanac a maicari a managan apostol, ta indadanesco ti Iglesia ti Dios.
10
Ngem gapu iti parabur ti Dios addaac iti casasaadco; ket ti paraburna caniac, saan a nagbalin nga awan capapay-anna; no di ket nagbannogac iti ad-adu ngem cadacuada amin; ngem saan a siac no di ti parabur ti Dios a kinaduac.
11
Uray siac ngarud, uray isuda castoy ti panangascasabami, ket castoy ti pinatiyo.
12
Ngem no maicascasaba ni Cristo a napagungar cadagiti natay, casano ti panagcuna dagiti dadduma cadacayo nga awan ti panagungar dagiti natay?
13
No ngarud no awan ti panagungar dagiti natay, saan met a napagungar ni Cristo:
14
Ket no ni Cristo saan a napagungar, ngarud ti cascasabami awan capapay-anna; ket ti pammatiyo awan met capapay-anna.
15
Castamet, rumsuacami a naulbod a sacsi ti Dios agsipud ta sinacsianmi ti maipapan iti Dios a pinagungarna ni Cristo; isu a saanna a pinagungar, no casta a dagiti natay saanda nga agungar.
16
Ta no dagiti natay saanda nga agungar, saan met a napagungar ni Cristo.
17
Ket no ni Cristo saan a napagungar, awan capapay-an ti pammatiyo; addacayo pay laeng cadagiti basbasolyo.
18
Casta met, dagiti naturog ken Cristo napucawda.
19
No iti agdama a biag laeng, isu ti caadda ti pananginanamatayo ken Cristo, datayo dagiti nacacaasi unay cadagiti tattao.
20
Ngem ita ni Cristo napagungar cadagiti natay, nga isu ti umuna a bunga cadagiti matmaturog.
21
Ta yantangay gapu iti tao immay ni patay, gapu iti tao umay met ti panagungar dagiti natay.
22
Ta cas matayda amin ken Adam, casta met mabiagdanto amin ken Cristo.
23
Ngem tunggal maysa iti batangna: ni Cristo ti umuna a bunga; sumaruno dagiti tao ni Cristo iti iyaayna.
24
Calpasanna umay ti panungpalan, intono iyawatna ti pagarian iti Dios ken Ama; intono maiccatna aminen a panagturay ken amin a panguloen ken pannacabalin.
25
Ta isu masapul nga agari agingga iti panangicabilna cadagiti cabusorna iti babaen dagiti sacsacana.
26
Ti maudi a cabusor a mapucawto, isu ni patay.
27
Ta: Isu incabilna dagiti amin a banag iti babaen dagiti sacsacana. Ngem no cunana: Dagiti isu-amin a banag addada a paiturayan kencuana, nalawag a saan a mairaman daydiay mangicabil cadagiti isu-amin a banag iti babaen ti pannacabalinna.
28
Ket intono dagiti isu-amin a banag paiturayandan kencuana, no casta, uray ti Anac met laeng paiturayanton iti daydiay nangicabil iti babaen ti panagturayna cadagiti isu-amin a banag, tapno ti Dios isu coma amin cadagiti isu-amin.
29
No saan coma a casta, ania ti aramidento dagiti mabautizaran a maipaay cadagiti natay? No dagiti natay saanda nga agungar uray caanoman, apayapay ngarud agbautizarda a maipaay cadacuada?
30
Apayapay nga agpeggadtayo met iti inoranhoras?
31
Wen, panecnecac gapu iti ragoc cadacayo, cacabsat, a cupicupac ken Cristo Jesus, nga Apotayo, matayac nga inaldaw-aldaw.
32
No siac, cas ugali ti tao, nakicabilac cadagiti narungsot nga animal idiay Efeso, ania ti magongonac, no dagiti natay saanda nga agungar? Mangantayo ken uminumtayo, yantangay intono bigat mataytayto.
33
Saancayo a maallilaw; dagiti dakes a pannakicuyog dadaelenda dagiti nasayaat a cababalin.
34
Agriingcayo a maipaay iti kinalinteg, ket saancayo nga agbasol, ta dagiti dadduma saanda nga ammo ti Dios: cunac daytoy tapno pagbainanyo.
35
Ngem addanto agcuna: casano ti panagungar dagiti natay? ket anianto a kita ti bagida?
36
Nanengneng: ti imulan met laeng saan nga agbiag, no di umuna a matay:
37
Ket no imulan, saanmo nga imula ti bagi nga tumaudto, no di ti bukel a lamolamo, uray no trigo ngata, wenno maysa cadagiti sabali a bukel;
38
Ngem ti Dios iccanna ti bagi, cas iti nagayatanna, ket iti tunggal bukel iccanna ti bucudna a bagi.
39
Saan nga isu-amin a lasag padapadada; no di ket adda maysa a lasag dagiti tao, ken sabali a lasag dagiti animal, ken sabali a lasag dagiti tumatayab, ken sabali dagiti ic-ican.
40
Adda met bagbagi a nailangitan ken bagbagi a naidagaan: ngem maysa ti dayag dagiti nailangitan, ket sabali ti dayag dagiti naidagaan.
41
Maysa ti dayag ti init, ket sabali ti dayag ti bulan, ket sabali ti dayag dagiti bitbituen; ta ti maysa a bituen maisupadi ti dayagna iti sabali.
42
Casta met ti panagungar dagiti natay, Maimula nga agrupsa, mapagungarto a di agrupsa:
43
Maimula iti pannacaibabain, mapagungarto iti pannacaidayaw; maimula iti kinacapuy, mapagungarto iti pannacabalin:
44
Maimula a bagi a linalasag, mapagungarto a bagi a naespirituan. No adda bagi a linalasag, adda met bagi a naespirituan.
45
Casta met nga adda a naisurat: Ti umuna a tao, ni Adam, immay nagbalin a cararua a sibibiag; ngem ti maudi nga Adam, nagbalin a maysa nga espiritu a mambiag.
46
Ngem saan nga immuna ti naespirituan, no di ket ti linalasag, ket calpasanna naespirituan.
47
Daydi immuna a tao nabukel iti daga, naidagaan; ngem daydi maicadua a tao nailangitan.
48
No casano idi daydi naidagaan, castada met dagiti naidagaan; ket no casano daydi nailangitan, castada met dagiti nailangitan.
49
Ket no casano ti pannacaalatayo ti ladawan daydi naidagaan, maalatayto met ti ladawan daydiay nailangitan.
50
Cunac ngarud daytoy, cacabsat, a ti lasag ken dara saanda a mabalin a tawiden ti pagarian ti Dios, ket ti panagrupsa dina tawiden ti saan nga agrupsa.
51
Adtoy, ibagac cadacayo ti maysa a palimed: Saantayto a maturog amin, ngem mabaliwantayto amin.
52
Iti maymaysa a canito, iti apagdaricmat, iti camaudianan a trompeta: ta aguninto ti trompeta, ket dagiti natay agungardanto a di agrupsa, ket mabaliwantayto.
53
Ta masapul a daytoy bagi nga agrupsa, agcawes iti saan a panagrupsa, ket daytoy bagi a matay, agcawes iti saan nga ipapatay.
54
Ket intono daytoy bagi nga agrupsa agcawesto iti saan a panagrupsa, ket daytoy bagi a matay agcawesto iti saan nga ipapatay, iti casta matungpalto ti sao nga adda a naisurat: Ti patay inabac ti balligi.
55
Adino ti yanna, O patay ti panagbal-ligim? Adino ti yanna, O patay ti panniludmo?
56
Ti pannilud ni patay isu ti basol ket ti pigsa ti basol isu ti linteg:
57
Ngem yaman pay iti Dios a mangted cadatayo ti bal-ligi, gapu ken Apotayo a Jesu-Cristo.
58
Gapuna, ay-ayatec a cacabsat; agtaengcayo a sititibker, saan a magaraw, nga aduancayo laeng iti aramid ti Apo, nga ammoyo a ti aramidyo addanto capapay-anna iti Apo.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16