Numbers 1 — Ilokano (Ti Biblia (1973))

1Ket ni Jehova nakisao ken Moises sadiay let-ang ti Sinai, iti tolda ti gimong, iti umuna nga aldaw ti maicadua a bulan, iti maicadua a tawen a calpasan ti ipapanawda iti daga nga Egipto, a kinunana,

2Alaenyo ti bilang ti dagup ti gimong dagiti annac ti Israel, cadagiti finamfamiliada, cadagiti balbalay dagiti ammada a mayannurot iti bilang dagiti nagnagan, tunggal lalaki, mayannatup cadagiti ol-oloda;

3Manipud agtawen iti duapulo ken nasuroc, amin iti Israel a mabalinda ti mapan iti gubat, sica ken ni Aaron bilangenyonto ida a mayannurot cadagiti buybuyotda.

4Ket addanto cadacayo maysa a lalaki iti tunggal caputotan; tunggal maysa a pangolo ti balay dagiti ammana.

5Ket dagitoy isuda dagiti nagnagan dagiti lallaki a makipagtacderdanto cadacayo. Iti Ruben: ni Elisur nga anac ni Sedeur.

6Iti Simeon: ni Selumiel nga anac ni Surisaddai.

7Iti Juda: ni Naason nga anac ni Aminadab.

8Iti Issacar: ni Natanael nga anac ni Suar.

9Iti Zabulon: ni Eliab nga anac ni Helon.

10Cadagiti annac ni Jose: Iti Efraim: ni Elisama nga anac ni Ammiud: iti Manases: ni Gamaliel nga anac ni Pedasur.

11Iti Benjamin: Ni Abidan nga anac ni Gedeon.

12Iti Dan: ni Ahiezer nga anac ni Ammisaddai.

13Iti Aser: ni Pagiel nga anac ni Ocran.

14Iti Gad: ni Eliasaph nga anac ni Dehuel.

15Iti Neftali: ni Ahira nga anac ni Enan.

16Dagitoy isuda dagiti naayaban iti gimong, dagiti pangpangoloen dagiti capcaputotan dagiti ammada; isuda idi dagiti pangpangolo dagiti rinibribu nga Israel.

17Ket ni Moises ken Aaron innalada dagitoy a tattao a nainaganan:

18Ket inummongda a tiniptipon amin ti gimong iti umuna nga aldaw ti maicadua a bulan; ket isuda impalawagda dagiti capuonanda a mayannurot iti finamfamiliada, cadagiti balbalay dagiti ammada a catutupan ti bilang dagiti nagnagan, manipud iti agtawen iti duapulo ken nasuroc, mayannatup cadagiti ol-oloda.

19Cas ti imbilin ni Jehova ken Moises, casta ti pinangbilangna cadacuada idiay tay-ac ti Sinai.

20Ket dagiti annac ni Ruben, nga inauna nga anac ni Israel, dagiti caputotanda iti finamfamiliada, cadagiti balbalay dagiti ammada a mayannurot iti bilang dagiti nagnagan mayannatup cadagiti ol-oloda, tunggal lalaki nga agtawen manipud iti duapulo ken nasuroc, amin dagiti tumutup a mapan iti gubat.

21Dagidiay a nabilang cadacuada iti caputotan ni Ruben, uppat a pulo ket innem, a ribu ket limagasutda.

22Cadagiti annac ni Simeon, dagiti caputotanda, iti finamfamiliada, cadagiti balbalay dagiti ammada, dagidiay a nabilang cadacuada a mayannurot iti bilang dagiti nagnagan a mayannatup cadagiti ol-oloda, tunggal lalaki nga agtawen iti duapulo ken nasuroc, amin dagiti tumutop a mapan iti gubat;

23Dagidiay a nabilang cadacuada, iti caputotan ni Simoen, limapulo ket siam a ribu ket tallogasutda.

24Cadagiti annac ni Gad, dagiti caputotanda, iti finamfamiliada, cadagiti balbalay dagiti ammada a mayannurot iti bilang dagiti nagnagan manipud iti agtawen iti duapulo ken nasuroc, amin dagiti tumutop a mapan iti gubat;

25Dagidiay a nabilang cadacuada iti caputotan ni Gad, uppat a pulo ket lima a ribu, innem a gasut ket limapuloda.

26Cadagiti annac ni Juda, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

27Dagidiay a nabilang cadacuada iti caputotan ni Juda pitopulo ket uppat a ribu ket innem a gasutda.

28Cadagiti annac ni Issacar, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti duapulo ti tawenna ken nasuroc, amin dagiti tumutop a mapan iti gubat;

29Dagidiay a nabilang cadacuada iti caputotan ni Issacar, limapulo ket uppat a ribu ket uppat a gasutda.

30Cadagiti annac ni Zabulon, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat,

31Dagidiay a nabilang cadacuada, iti caputotan ni Zabulon limapulo ket pito a ribu ket uppat a gasutda.

32Cadagiti annac ni Jose, nainagan cadagiti annac ni Efraim, dagiti caputotanda, iti finamfamiliada, cadagiti balbalay dagiti ammada a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

33Dagidiay a nabilang cadacuada, iti caputotan ni Efraim uppat a pulo a ribu ket lima gasutda.

34Cadagiti annac ni Manases, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

35Dagidiay a nabilang cadacuada, iti caputotan ni Manases, tallopulo ket dua a ribu ket duagasutda.

36Cadagiti annac ni Benjamin, dagiti caputotanda, iti finamfamiliada cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

37Dagidiay a nabilang cadacuada, iti caputotan ni Benjamin, tallopulo ket lima a ribu ket uppat a gasutda.

38Cadagiti annac ni Dan, dagiti caputotanda, iti finamfamiliada, cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

39Dagidiay a nabilang cadacuada, iti caputotan ni Dan, innem a pulo ket dua a ribu ket pitogasutda.

40Cadagiti annac ni Aser, dagiti caputotanda, iti finamfamiliada, cadagiti balbalay dagiti ammada, a mayannurot iti bilang, dagiti nagnagan, manipud iti agtawen iti duapulo ken nasuroc, amin dagiti tumutop a mapan iti gubat;

41Dagidiay a nabilang cadacuada, iti caputotan ni Aser, uppat a pulo ket maysa a ribu ket limagasutda.

42Cadagiti annac ni Neftali, dagiti capcaputotanda, iti finamfamiliada cadagiti balbalay dagiti ammada, a mayannurot iti bilang dagiti nagnagan, manipud iti agtawen iti duapulo ken nasuroc, amin a tumutop a mapan iti gubat;

43Dagidiay a nabilang cadacuada iti caputotan ni Neftali, limapulo ket tallo a ribu ket uppat a gasutda.

44Dagitoy isuda ti nabilang a binilang ni Moises ken ni Aaron, ken dagiti pangpangoloen ti Israel a sangapulo ket dua a lallaki; tumunggal maysa cadacuada ti pannacabagi ti balay dagiti ammana.

45Iti casta amin dagidiay a nabilang cadagiti annac ti Israel, mayannurot cadagiti balbalay dagiti ammada, nanipud iti agtawen iti duapulo ken nasuroc, amin iti Israel a tumutop a mapan iti gubat;

46Nga amin met laeng dagidiay a nabilang innem a gasut ket tallo a ribu, limagasut ket limapuloda.

47Ngem dagiti Levitas cas iti caputotan dagiti ammada saanda a naibilang cadacuada.

48Ta ni Jehova nakisao ken Moises, a kinunana,

49Ngem ti caputotan ni Levi dicanto ibilang, wenno dicanto idagup cadagiti annac ti Israel;

50Ngem itudingmo dagiti Levitas nga agaywan iti tabernaculo ti pamanecnec, ken amin nga al-alicamenna, ken iti amin nga ar-aruatenna: isuda ti mangawitto iti tabernaculo ken amin nga al-alicamenna; ket isuda ti mangannongto kencuana, ket agtoldadanto iti lawlaw ti tabernaculo.

51Ket no ti tabernaculo umacar, dagiti Levitas lasanngendanto, ket no ti tabernaculo mabangonto, dagiti Levitas sangalendanto; ket ti gangannaet nga umasideg mapapatayto.

52Ket dagiti annac ti Israel patacderendanto dagiti toltoldada, tunggal lalaki iti cabuyotanna met laeng, ken tunggal lalaki iti wagaywayna met laeng a mayabuloy cadagiti buybuyotda.

53Ngem dagiti Levitas agtoldadanto iti lawlaw ti tabernaculo ti pamanecnec, tapno awanto ti pungtot a lac-amen ti gimong dagiti annac ti Israel: ket dagiti Levitas aluadandanto ti pannacaaywan ti tabernaculo ti pamanecnec.

54Castoy ti inaramid dagiti annac ti Israel; a mayannurot iti isu-amin nga imbilin ni Jehova ken Moises, casta ti inaramidda.