bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Numbers 10
Numbers 10
Ilokano (Ti Biblia (1973))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
Ket ni Jehova nagsao ken Moises, a kinunana,
2
Mangaramidca iti dua a tangguyob a pirac: mangaramidcanto cadagiti napitpit: ket aramatemto ida a pagayab iti gimong ken pamagluas cadagiti nagpacarso.
3
Ket no pagtimkenda ida, amin a gimong aguummongdanto iti yanmo iti ruangan ti tolda ti gimong.
4
Ket no maymaysa laeng ti pagtimkenda, dagiti pangolo dagiti rinibu nga Israel aguummongdanto ngarud iti yanmo.
5
Ket no pagunienyo iti naariwawa, dagiti buybuyot nga adda iti bangirna iti daya, yussuatdanto ti pannagnada.
6
Ket no paguniendanto ti naariwawa iti maicadua a daras, dagiti buybuyot nga adda iti bangirna ti abagatan yussuatdanto ti pannagnada: paguniendanto ti naariwawa a maipanggep iti panagluasda.
7
Ngem no ti gimong maummongda nga agtitipon pagtimkenyonto, ngem dicayto pagunien iti naariwawa.
8
Ket dagiti annac a lallaki ni Aaron a dagiti papadi pagtimkendanto dagiti tangguyob; ket dagitoy dagiti agservinto cadacayo nga al-alagaden iti agnanayon cadagiti putputotyo.
9
Ket no incayo makigubat iti dagayo a maisupring iti cabusor a mamarigat cadacayo, no casta pagunienyonto iti naariwawa dagiti tangguyob; ket maipalagipcayto iti sango ni Jehova a Diosyo, ket maispalcayto cadagiti cabusoryo.
10
Casta met iti aldaw dagiti ragragsacyo, ken cadagiti nakedngan a fifiestayo, ken cadagiti panangrugi dagiti bulbulanyo, pagtimkenyonto dagiti tangguyob iti rabaw dagiti datdatonyo a mapuuran, ken rabaw dagiti sacrificio dagiti datdatonyo gapu iti cappia; ket isudanto cadacayo ti maysa a pacalaglagipan iti sango ti Diosyo; siac ni Jehova a Diosyo.
11
Ket naaramid nga iti maicadua a tawen, iti maicadua a bulan, iti maicaduapulo nga aldaw ti bulan, ti ulep naipangato nanipud iti rabaw ti tabernaculo ti pamanecnec.
12
Ket dagiti annac ti Israel nagrubbuatda cas mayannurot iti pannagnada a pumanaw iti let-ang ti Sinai; ket ti ulep nagsardeng iti let-ang ti Paran.
13
Ket isuda immuna nga inyussuatda ti panangnada cas mayannatup iti bilin ni Jehova nga intalecna ken Moises.
14
Ket iti umuna a lugar, ti bandera ti sangapacarsoan dagiti annac ni Juda nagrubbuat a nagna cas iti ornos dagiti buybuyotda: ket ti nangipangolo iti buyotna isu idi ni Naason nga anac a lalaki ni Aminadab.
15
Ket ti nangipangolo iti buyot ti caputotan dagiti annac ni Issacar isu idi ni Natanael nga anac a lalaki ni Suar.
16
Ket ti nangipangolo iti buyot ti caputotan dagiti annac ni Zabulon isu idi ni Eliab nga anac a lalaki ni Helon.
17
Ket ti tabernaculo nalasang idi; ket dagiti annac a lallaki ni Gerson ken dagiti annac a lallaki ni Merari, isuda a nagawit iti tabernaculo, nagrubbuatda.
18
Ket ti bandera ti sangcapacarsoan ni Ruben nagrubbuat a nagna cas mayannurot cadagiti buybuyotda; ket ti nangipangolo iti buyotna isu idi ni Elisur nga anac a lalaki ni Sedeur.
19
Ket ti nangipangolo iti buyot ti caputotan dagiti annac ni Simeon isu idi ni Selumiel nga anac a lalaki ni Zurisaddai.
20
Ket ti nangipangolo iti buyot ti caputotan dagiti annac ni Gad isu idi ni Eliasaph nga anac a lalaki ni Deuel.
21
Ket dagiti Coatitas nagrubbuatda a nagna, a siaawit iti santuario: ket iti panagsangsangpetda, bangbangonenda ti tabernaculo.
22
Ket ti bandera ti sangcapacarsoan dagiti annac ni Efraim nagrubbuatda a nagna cas mayannurot cadagiti buybuyotda; ket ti nangipangolo iti buyotda isu idi ni Elisama nga anac a lalaki ni Ammiud.
23
Ket ti nangipangolo iti buyot ti caputotan dagiti annac ni Manases isu idi ni Gamaliel nga anac a lalaki ni Pedasur.
24
Ket ti nangipangolo iti buyot ti caputotan dagiti annac ni Benjamin isu idi ni Abidam nga anac a lalaki ni Gedeon.
25
Ket ti bandera ti sangcapacarsoan dagiti annac ni Dan nga isu idi ti akinudi cadagiti isu-amin a nagpacarso nagrubbuat a nagna cas mayannurot cadagiti buybuyotda: ket ti nangipangolo idi iti buyotna isu ni Ahiezer nga anac a lalaki ni Ammisaddai.
26
Ket ti nangipangolo iti buyot ti caputotan dagiti annac ni Aser isu idi ni Pagiel nga anac a lalaki ni Ocran.
27
Ket ti nangipangolo iti buyot ti caputotan dagiti annac ni Neftali isu idi ni Ahira nga anac a lalaki ni Enan.
28
Castoy idi dagiti panagussuat dagiti annac ti Israel a mayannatup cadagiti buybuyotda, ket nagrubbuatda.
29
Ket ni Moises kinunana ken Hobab nga anac a lalaki ni Raguel a taga Madian, a catugangan ni Moises, Agbariw-ascami a mapan iti disso a sinao ni Jehova, Itedconto cadacayo: Umayca cadacami, ket naimbagto ti aramidenmi kenca: ta ni Jehova naimbag ti sinaona maipapan iti Israel.
30
Ket isu kinunana kencuana, Saanacto nga umay; ngem innacto iti bucodco a daga, ken cadagiti cacabagiac.
31
Ket ni Moises kinunana, Dinacami baybay-an, dawatec kenca; yantangay ammom no casano ti panagtaengmi iti let-ang, ket sicanto ti pannacamatami.
32
Ket castoyto a no umayca cadacami, pudno a maaramidto nga uray ania nga imbag nga ipaayto ni Jehova cadacami, casta met ti aramidenminto kenca.
33
Ket nagluasda nanipud iti bantay ni Jehova a nagnada iti tallo nga aldaw ket ti lacasa ti tulag ni Jehova immununa ngem isuda iti pagnaen ti tallo nga aldaw, nga agsapulda iti disso a paginanaanda.
34
Ket ti ulep ni Jehova nagyan iti ngatoenda iti aldaw idi a nagluasda nanipud iti nagpacpacarsoanda.
35
Ket naaramid nga idi a nagluas di lacasa, ni Moises kinunana, Tumacderca, O Jehova, ket dagiti cabusormo mawarada coma; ket agtalaw coma iti sangoanam dagiti gumura kenca.
36
Ket idi nagsardeng, isu kinunana, Agsublica, O Jehova, cadagiti linacsa a ribu nga Israel.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36