bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Numbers 29
Numbers 29
Ilokano (Ti Biblia (1973))
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Ket iti maicapito a bulan, iti umuna nga aldaw ti bulan, addanto maysa a nasantoan a panaguummongyo; dicayto agaramid iti trabajo a panggedan isu ti maysa nga aldaw a panagaweng dagiti tangguyob cadacayo.
2
Ket idatagyonto ti maysa a daton a mapuuran a maipaay a nabanglo a sayamusom ken Jehova, maysa a bumaro a vaca, maysa a carnero a lalaki, pito a cordero a lallaki a maysa ti tawenda, nga awan ti pilawda:
3
Ket ti datonda a macan, namayecmec nga harina a nagamayan iti lana, tallo nga apagcapullo a nayon ti vaca, dua nga apagcapullo a nayon ti carnero.
4
Ken maysa nga apagcapullo a nayon ti tunggal cordero cadagiti pito a cordero;
5
Ken maysa a calding a lalaki a maipaay a daton gapu iti basol, tapno aramiden a pacaabbonganyo.
6
Sabali laeng ti daton a mapuuran iti baro a bulan, ken ti datonna a macan, ken ti cancanayon a daton a mapuuran ken ti datonna a macan, ken dagiti datdatonda a mainum, cas mayannurot iti alagadenda, a maipaay a nabanglo a sayamusom, maysa a daton a maaramid iti apuy ken Jehova.
7
Ket iti maicasangapullo nga aldaw ti daytoy maicapito a bulan, addanto maysa a nasantoan a panaguummongyo; ket agladingitto dagiti cararuayo; dicayto agaramid iti uray ania a pagbannogan;
8
Ngem mangipaaycayto iti maysa a daton a mapuuran ken Jehova, a maipaay a nabanglo a sayamusom; maysa a bumaro a vaca, maysa a carnero a lalaki, pito a cordero a lallaki nga apagtawenda, isuda awanto cadacayo ti pacapilawanda;
9
Ket ti datonda a macan, namayecmec nga harina a nagamayan iti lana, tallo nga apagcapullo a nayon ti vaca, dua nga apagcapullo a nayon ti carnero,
10
Maysa nga apagcapullo a nayon ti tunggal cordero cadagiti pito a cordero;
11
Maysa a calding a lalaki a maipaay a daton gapu iti basol; sabali laeng ti daton gapu iti basol ti pannacaabbong, ket ti daton mapuuran a cancanayon, ken ti datonna a macan, ken dagiti datdatonda a mainum.
12
Ket iti maicasangapullo ket lima nga aldaw ti maicapito a bulan, addanto maysa a nasantoan a panaguummongyo; dicayto aramiden ti nadagsen a panagbannog, ket ngilinenyonto ti maysa a fiesta ken Jehova cadagiti pito nga aldaw:
13
Ket ipaayyonto ti maysa a daton a mapuuran, a maysa a daton a maaramid iti apuy, a nabanglo a sayamusom ken Jehova; sangapulo ket tallo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda; isuda awanto ti pilawda.
14
Ket ti datonda a macan, namayecmec nga harina a nagamayan iti lana, tallo nga apagcapullo a nayon ti tunggal vaca cadagiti sangapulo ket tallo a vaca, dua nga apagcapullo a nayon ti tunggal carnero cadagiti dua a carnero.
15
Ken maysa nga apagcapullo a nayon ti tunggal cordero cadagiti sangapulo ket uppat a cordero:
16
Ken maysa a calding a lalaki a maipaay a daton gapu ti basol; sabali laeng ti cancanayon a daton a mapuuran, ti datonna a macan, ken ti datonna a mainum.
17
Ket iti maicadua nga aldaw idatagyonto ti sangapulo ket dua a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda, nga awan ti pilawda.
18
Ket ti datonda a macan, ken dagiti datdatonda a mainum a nayon dagiti vacvaca, nayon dagiti carcarnero, ken nayon dagiti corcordero, cas mayannurot iti bilangda, a mayalubog iti alagadenda:
19
Ken ti maysa a calding a lalaki a maipaay a daton gapu iti basol; sabali laeng ti cancanayon a daton a mapuuran, ken datonna a macan ken datonda a mainum.
20
Ket iti maicatlo nga aldaw, sangapulo ket maysa a bumbumaro a vaca, dua a carnero a lallaki, sangapulo ket uppat a cordero a lallaki nga agtawen iti maysa, nga awan ti pilawda;
21
Ken ti datonda a macan, ken datdatonda a mainum, a nayon dagiti vacvaca, a nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:
22
Ken maysa a calding a lalaki a maipaay a daton gapu iti basol; sabali laeng ti daton a mapuuran a cancanayon, ken datonna a macan, ken ti datonna a mainum.
23
Ket iti maicapat nga aldaw, sangapulo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda, nga awan ti pilawda:
24
Ti datonda a macan, ken datdatonda a mainum a nayon dagiti vacvaca, a nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:
25
Ken ti maysa a calding a lalaki a maysa a daton gapu iti basol; sabali laeng ti cancanayon a daton a mapuuran, ti datonna a macan ken ti datonna a mainum.
26
Ket iti maicalima nga aldaw, siam a bumbumaro a vaca, dua a carnero a lallaki a maysa ti tawenda, nga awan ti pilawda;
27
Ken ti datonda a macan, ken datdatonda a mainum a nayon dagiti vacvaca, a nayon dagiti carcarnero, ken nayon dagiti corcordero, a mayannurot iti bilangda, a mayalubog iti alagaden:
28
Ken maysa a calding a lalaki a daton gapu iti basol; sabali laeng ti cancanayon a daton a mapuuran ken ti datonna a macan, ken ti datonna a mainum.
29
Ket iti maicanem nga aldaw, walo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda nga awan ti pilawda:
30
Ken ti datonda a macan, ken datdatonda a mainum a nayon dagiti vacvaca, nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:
31
Ken maysa a calding a lalaki a daton gapu iti basol; sabali laeng ti daton a mapuuran a cancanayon, ti datonna a macan, ken ti datonna a mainum.
32
Ket iti maicapito nga aldaw, pito a bumbumaro a vaca, dua a carnero a lallaki, sangapulo ket uppat a cordero a lallaki a tumawenen nga awan ti pilawda:
33
Ken ti datonda a macan, ken dagiti datdatonda a mainum, a nayon dagiti vacvaca, nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:
34
Ken maysa a calding a lalaki a daton gapu iti basol; sabali laeng ti cancanayon a daton a mapuuran, ti datonna a macan, ken datonna a mainum.
35
Ket iti maicawalo nga aldaw addanto maysa a gimong a nadaeg; dacayo dicayto agaramid iti trabajo a panggedan;
36
Ngem ipaayyonto ti maysa a mapuuran, maysa a daton a maaramid iti apuy, a nabanglo a sayamusom ken Jehova: maysa a lalaki a vaca, maysa a carnero a lalaki, pito a cordero a lallaki, a tumawendan nga awan ti pilawda:
37
Ti datonda a macan ken dagiti datonda a mainum a nayon ti vaca, nayon ti carnero a lalaki, ken nayon dagiti corcordero, mayannurotdanto iti bilangda, a mayalubog iti alagaden:
38
Ken maysa a calding a lalaki a daton gapu iti basol; sabali laeng ti cancanayon a daton a mapuuran, ken ti daton a macan, ken datonna a mainum.
39
Dagitoy ti ipaayyonto ken Jehova cadagiti natudingan a fifiestayo sabali laeng dagiti carcariyo, ken dagiti datdaton ti sibubulos a nakemyo, a mapuuran, ken maipaay a datdatonyo a macan, ken maipaay a datdatonyo a mainum, ken maipaay cadagiti datdatonyo iti cappia.
40
Ket ni Moises imbagana cadagiti annac ti Israel cas mayannurot iti amin nga imbilin ni Jehova ken Moises.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36