bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilokano
/
Ilokano (Ti Biblia (1973))
/
Numbers 20
Numbers 20
Ilokano (Ti Biblia (1973))
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Ket dagiti annac ti Israel, a dagup ti gimong simrecda iti let-ang ti Zin iti umuna a bulan; ket ti ili nagnaed iti Cades; ket ni Miriam natay idiay, ket naitabon idiay.
2
Ket idiay awan danum a nagservi iti gimong; ket naguurnongda a nagtitipon iti maibusor cada Moises ken Aaron.
3
Ket ti ili nakisubangda ken Moises, a kinunada, Dicami coma ket natay idi natay dagiti cacabsatmi iti sango ni Jehova!
4
Ket apayapay nga inyegyo ti gimong ni Jehova iti daytoy a let-ang tapno mataycami agraman dagiti an-animalmi?
5
Ket isu ti gapuna aya a pinasangat-dacami nga impanaw iti Egipto saan a lugar ti bin-i, wenno ti higos, wenno ti uvas, wenno ti granada; wenno ti danum nga inumen ti adda la coma ditoy.
6
Ket ni Moises ken ni Aaron pimmanawda iti sango ti gimong a napan iti ruangan ti tolda ti gimong, ket nagpaclebda: ket ti dayag ni Jehova nagparang cadacuada,
7
Ket ni Jehova nakisao ken Moises, a kinunana,
8
Alaenyo ti sarucod ket tiptiponenyo ti gimong, sica ken ni Aaron a cabsatmo, ket saoenyo iti bato iti sango dagiti matmatada, nga itedna coma ti danumna, ket sica ipanmonto cadacuada ti danum nga aggapu iti bato; iti casta itedmonto ti inumen ti gimong ken dagiti an-animalda.
9
Ket ni Moises innalana nga ingapu iti sango ni Jehova ti sarucod cas imbilinna kencuana.
10
Ket da Moises ken Aaron inummongda ti gimong a tiniptipon iti sangoanan ti bato, ket kinunada cadacuada, Denggenyo ita, dacayo a nasungit; yegandacayto ti danum nga aggapu iti daytoy a bato?
11
Ket ni Moises inngatona ti imana, ket pinangorna ti bato idi sarucodna, iti namindua: ket ti danum rimmuar iti nagluplupias, ket ti gimong imminumda, casta met dagiti an-animalda.
12
Ket ni Jehova kinunana cada Moises ken Aaron, Gapu ta dicayo namati caniac, tapno santificarendac cadagiti matmata dagiti annac ti Israel, isu ti gapuna dicayto ipan daytoy a gimong iti daga nga intedco cadacuada.
13
Dagitoy isuda dagiti dandanum ti Meriba; gapu ta dagiti annac ti Israel nakisubangda ken Jehova, ket isu nasantificar idi cadacuada.
14
Ket ni Moises namalubos nanipud Cades cadagiti nabaon a napan iti ari ti Edom, Castoy ti sao ni cabsatmo nga Israel, Sica ammom amin ti rigat a napasamacmi:
15
No casano ti isasalog dagiti ammami iti Egipto, ken panagnaedmi sadi Egipto iti nabaybayag nga aldaw; ket dagiti taga Egipto dakes ti inaramidda cadacami, ken cadagiti ammami:
16
Ket idi immawagcami ken Jehova, dinengngegna ti timecmi; ket imbaonna ti maysa nga angel, ket inaonnacami sadi Egipto: ket, adtoy, addacami iti Cades maysa nga ili a pungto ti beddengmo:
17
Dawatec kenca palasatennacami coma, iti dagam; dicamto lasaten ti talon wenno inuvasan, dicamto uminum iti danum dagiti bobbobon: magnacamto nga agcanayon iti napatac a dalan ti ari, dicamto sumiasi ti bangir a macanawan wenno macatigid, inggana iti macalasatcami iti beddengmo.
18
Ket ti Edom kinunana kencuana, Sica dicanto lumasat caniac, di la ket ta rumuarac a sicacampilan a bumusor kenca.
19
Ket dagiti annac ti Israel kinunada kencuana, Sumang-atcamto iti dalan a napatac; ket no uminumcamto iti danummo, siac ken dagiti animalco, itedconto kenca ti pategna: isuna la nga ipalubosmo caniac, nga awan ket a lumasat dagiti sacac ti aniaman.
20
Ket isu kinunana, Sica dicanto lumasat, Ket ti Edom rimmuar a bimmusor kencuana agraman adu a tattao, ken maysa a napigsa nga ima.
21
Castoy ti pinagmadi ti Edom iti panangtedna iti Israel iti pagdalanan iti beddengna: gapuna a ti Israel immadayo kencuana.
22
Ket nagrubbuatda sadi Cades: ket dagiti annac ti Israel, a dagup ti gimong, dimmanonda iti bantya Hor.
23
Ket ni Jehova nagsao cada Moises ken Aaron idiay bantay Hor, nga igid ti beddeng ti daga nga Edom, a kinunana,
24
Ni Aaron maitiponto iti ilina: ta isu saanto a sumrec iti daga nga intedco cadagiti annac ti Israel, gapu ta sinupringyo ti saoc idiay dandanum ti Meriba.
25
Alaem ni Aaron ken ni Eleazar nga anacna a lalaki, ket yulim ida iti bantay Hor;
26
Ket ucsubam ni Aaron cadagiti cawesna, ket icapetmo ida ken Eleazar nga anacna: ket ni Aaron maitiponto iti ilina, ket matayto idiay.
27
Ket ni Moises inaramidna ti cas imbilin ni Jehova: ket simmang-atda iti bantay Hor iti imatang ti amin a gimong.
28
Ket ni Moises inucsubanna ni Aaron cadagiti cawesna, ket incapetna ida ken Eleazar nga anacna: ket ni Aaron natay idiay tapaw ti bantay: ket ni Moises ken Eleazar simmalogda iti bantay.
29
Ket idi nakita ti dagup ti gimong a natay ni Aaron, sinangitanda ni Aaron cadagiti tallopulo nga aldaw, dagup iti amin a balay ti Israel.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36