Hosea 11

Mien Bible (Thai Script) © Thailand Bible Society, 2007

← Chapter 10 Jump to: Chapter 12 →

1“อิสะลาเอน หฮญัง-เจ๊ย หลุน เญย เฒี่ยง โห่ เยีย ฮนั้ม นิ่น, หย่า เห่ว เยีย เญย ตอน เยียม อียิบ ธ้วด ต้าย.

2เยีย เหยียด เฒย เห่ว นิ่น บัว, นิ่น บัว เหยียด เฒย เล่ย โก เยีย. นิ่น บัว หฒั่นๆ ฝ่ง ห่อ เหฒี่ย ปุน บาอัน เฒี่ยน, หย่า ปั๊ว ฮูง ปุน หมิ่ว-ฝัง.

3มป่า เซ ต้ง เยีย หฌาว เอฟาอิม ยั่ง เจ๊า, เยีย หล่ง เยีย เญย ปั์ว ฮล้อบ เจี๊ยน นิ่น บัว, นิ่น บัว หย่า ไม้ ฮิ้ว ตุ๊ เซ เยีย หฒ่อ นิ่น บัว หลง.

4เยีย หล่ง ค้อ-เลี่ยน เมี่ยน เญย เฮญี้ยว โหฒว ฮลาง เคน นิ่น บัว, หย่า หล่ง ฮนั้ม เมี่ยน เญย เฮญี้ยว โหฒว โคว โคว เจี๊ยน นิ่น บัว. เยีย ปุน นิ่น บัว เญย เดี๋ยง-ก์า เฮง เหฌี่ย, หย่า โด๊ะ เหฌี่ย หวุย นิ่น บัว.

5นิ่น บัว อ๋อย หฒุ หฑวน อียิบ เต่ย-ปูง, อัดซีเลีย ตุ๊ กุ๊น นิ่น บัว, หลาย นิ่น บัว ไม้ คั้ง หฑวน ต้าย ล์อ เยีย.

6เมี่ยน อ๋อย หล่ง หฑุ ด๊าว เยียม นิ่น บัว เญย ฒี่ง เบ๊าะ จ๋า, ป่าย หว่าย นิ่น บัว เญย ฒี่ง เญย แก้ง ซอน, หย่า หลาย นิ่น บัว ธ่าง ล่าง ต๊า เญย หฒะเอ๋ย ปุน นิ่น บัว หฒุ เหมียด.

7เยีย เญย แปะ ฝีง ขูง ม่าย เฮญี้ยว อ๋อย เล่ย ฆอย เยีย, นิ่น บัว ฯฒฯ หฒุ ตี่ง เหฒียง อ๋อย หฒุ ก์า เดี๋ยง-ก์า, หย่า ไม้ ม่าย หาย เต้า ไฮ่ เถง นิ่น บัว เฒาะ ฆอย.

8“เอฟาอิม อ้า! เยีย ฮนั้ง หาย นอ ไฮ่ ปู๋ง กวั่ง เม่ย? อิสะลาเอน อ้า! เยีย ฮนั้ง หาย นอ ไฮ่ เฒาะ เม่ย จิว ปุน กั้น เต้า? เยีย ฮนั้ง หาย นอ ไฮ่ ปุน เม่ย ฮนั้ง อัดมา? เยีย ฮนั้ง หาย นอ ไฮ่ โหฒว ปุน เม่ย ฮนั้ง โหฒว ปุน เสโบยิม? เยีย เญย เฮญี้ยว ฟ้าน-เฟย หลุ่น, เหว่ย หฒุ เยีย หฒะเก้ง ค้อ-เลี่ยน นิ่น บัว.

9เยีย ไม้ เอย เยีย เฉีย เจี์ย ไห่ เญย เจ๊า โหฒว ปุน เม่ย บัว. เยีย ไม้ แอ๋ง เหมียด เอฟาอิม, เหว่ย หฒุ เยีย เซ ทิน-ฮู่ง, ไม้ เฒ์ย ป้าม เมี่ยน. เยีย เซ เยียม เม่ย บัว บุด๋ง เญย ธีง-เหฑ่ง ทิน-ฮู่ง. เยีย หย่า ไม้ เฒ์ย เฉีย เจี์ย เญย ต้าย ล์อ เม่ย บัว.

10นิ่น บัว อ๋อย กัน เจี๊ยน เฒี้ยว, นิ่น อ๋อย ฮนั้ง เซี่ยน นอ ฌุ่น. เฒ์ย เญย, นิ่น หฒะเก้ง อ๋อย ฌุ่น. นิ่น เญย น่าม โญ์ว ฯฒฯ เยียม ไฟ ปูง ซิน หฒิน เจี๊ยน ต้าย.

11นิ่น บัว ฯฒฯ ซิน หฒิน เจี๊ยน ต้าย ฮนั้ง อียิบ ต้าย เญย เหนาะ, หย่า ฮนั้ง เยียม อัดซีเลีย ต้าย เญย แปะ ก๊บ. เยีย อ๋อย ต้อ นิ่น บัว หฑวน นิ่น บัว กั้น เญย เปย๊า.” น้าย เซ เฒี้ยว ก๊อง เญย หว่า.

12เอฟาอิม หล่ง ก๊อง-แปะ เญย หว่า, อิสะลาเอน หล่ง กู๊ ไกว๋ เญย เจ๊า เว่ย เจี๊ยน เยีย. ยูดา แหง่ง ทิน-ฮู่ง, เซ แหง่ง เจี๊ยน เหฒียบ ฒัวะ เญย ธีง-เหฑ่ง ทิน-ฮู่ง.

← Chapter 10 Jump to: Chapter 12 →