Hosea 3

Mien Bible (Thai Script) © Thailand Bible Society, 2007

← Chapter 2 Jump to: Chapter 4 →

1เฒี้ยว ก๊อง บั๋ว เยีย, “แอ๋ง มี่ง ฮนั้ม ต้ง ม่าย กั้น เต้า เมี่ยน ฮนั้ม วั้ว เต้า เหฮยียน โหฆ เญย มเซียะ ตอน. เม่ย อ๋อย หฒุ ฮนั้ม นิ่น ฮนั้ง เยีย, เฒี้ยว, ฮนั้ม อิสะลาเอน เมี่ยน, ไม้ กุ๊น นิ่น บัว ฮวิน มี่ง ล์อ เหญี่ย เญย เฒี่ยน หย่า อะเฮน้ย ต้อ อะหงุ่น เปี๊ยว-ฆาย ฌั้ว มี่ง เหฒี่ย เฒี่ยน.

2ฮนั้ง หน่าย เยีย ฯฒฯ หล่ง เหฒียบ ฮม์ นอม ฒิ่น เหธา เหฒียบ หลัวะ ท้ง-เปี๋ยน เบย้า บาลี ม์าย น้าย เต้า มเซียะ ตอน.

3เยีย ฯฒฯ ก๊อง บั๋ว นิ่น, “เม่ย อ๋อย หฒุ ฒั้ว เยีย ธั้ม-ฮนอย. ไม้ ตู๋ง แอ๋ง มี่ง เหฮยียน, หย่า ไม้ ตู๋ง เป๋น กั้น เต้า มจั่ง ตอน เญย เอ๊า. เยีย ฯฒฯ ฮนั้ง วั้ว นอ ฒั้ว เม่ย.”

4เหว่ย หฒุ อิสะลาเอน เญย เฒ้ย-ฟุน อ๋อย หฒุ เยียม ไม้ ม่าย ฮู่ง, ไม้ ม่าย เจียน, ไม้ ม่าย ฝ่ง ห่อ เหฒี่ย เญย เจ๊า ไฟ เฒี่ยน เญย ต่ง, ไม้ ม่าย เอโฟ้ด หย่า ไม้ ม่าย เยียม เปย๊า หฒั่ง เญย หมิ่ว-ฝัง เล่า เญย.

5ฆะฮ้า อิสะลาเอน เญย เฒ้ย-ฟุน อ๋อย หฑวน ต้าย ล์อ เฒี้ยว, นิ่น บัว เญย ทิน-ฮู่ง, เหธา นิ่น บัว เญย ฮู่ง เตี๋ย, ดาวิด. เยียม ฆะฮ้า ลาย เญย ฮนอย นิ่น บัว อ๋อย ท่าย เฒี้ยว หย่า โท้ นิ่น หลง เญย ฟุ.

← Chapter 2 Jump to: Chapter 4 →