Hosea 12

Mien Bible (Thai Script) © Thailand Bible Society, 2007

← Chapter 11 Jump to: Chapter 13 →

1เอฟาอิม หญั่น หฑยาว, เฒี่ยง ฮนอย หฒุ่น เจี๊ยน ตง ปูง เญย หฑยาว มี่ง. นิ่น ปุน ก๊อง-แปะ เหธา โหฒว โตะ เญย เจ๊า จา ธั้ม. นิ่น เหธา อัดซีเลีย แล์ง แหง่ง หว่า, หย่า เปี้ยน กะลั้น โย่ว มี่ง ปุน อียิบ.

2เฒี้ยว โก๋ ยูดา, หย่า หฒิว ยาโค้บ โหฒว เญย เจ๊า อ๋อย ตี่ง นิ่น เญย ฒุ์ย, หย่า เอย นิ่น โหฒว เญย สี่ วิ่น ปุน นิ่น.

3เยียม มา เญย กะเซีย กะญั์ว นิ่น นั้น เจี๊ยน นิ่น ก๋อ เญย เหฒา-โฆ. เป๋น ต้ม เมี่ยน เญย เฒี่ยง โห่ นิ่น เหธา ทิน-ฮู่ง ป์อง.

4นิ่น เหธา ฟิน-เมี่ยน ป์อง หย่า ป์อง ตุ๊ ฮี่ง, นิ่น เญี้ยม หย่า โท้ ฟิน-เมี่ยน ค้อ-เลี่ยน. เยียม เบดเอน นิ่น ปวั้ง หฒุ ทิน-ฮู่ง, เยียม วั้ว ทิน-ฮู่ง หย่า เหธา นิ่น ก๊อง หว่า,

5เซ เฒี้ยว, เน่น เจี๋ย เญย ทิน-ฮู่ง. นิ่น เญย บั๋ว เห่ว เฒี้ยว.

6ฮนั้ง หน่าย เม่ย อ๋อย หฒุ เขา ทิน-ฮู่ง เถง หฑวน ต้าย. อ๋อย หฒุ โก๋ว หลง ฮนั้ม เมี่ยน เญย เฮญี้ยว เหธา แป้ง ฟิม เญย เจ๊า, หย่า หฒั่นๆ ฒั้ว เจี๊ยน เม่ย เญย ทิน-ฮู่ง.

7แซง-เอ๋ย เมี่ยน, ปั์ว นั้น เจี๊ยน ไม้ หอบ เญย เหฑียง. นิ่น อะเฮน้ย เหฒย เมี่ยน.

8เอฟาอิม ก๊อง, “อา, เยีย เป๋น ปุ๊ด-ฒ่อย เมี่ยน อ๊ะ. เยีย หฒ่อน ตุ๊ ฒิ่น ฒ่อย เป๋น เยีย กั้น เญย.” มป่า นิ่น เญย เหยียด ฒู้ง ฒิ่น ฒ่อย เหยียด ลิ์ว ไม้ ไฮ่ เก๋า หฑาว นิ่น ป์าม เญย ฒุ์ย.

9เยียม เม่ย ธ้วด อียิบ เต่ย-ปูง ต้าย เยีย โหฒว เฒี้ยว, เม่ย เญย ทิน-ฮู่ง. เยีย แอ๋ง อ๋อย ปุน เม่ย เยียม ด๊บ-ลิ่ว, ฮนั้ง เจี๋ย ตี่ง ต้าย เญย ฒิบ เญย ฮนอย-เหญียะ.

10เยีย เหธา โต่ว หว่า เมี่ยน ก๊อง หว่า, เซ เยีย ปุน หล่าว ย่าง เญย สี่ จา ธั้ม. เยีย หล่ง โต่ว หว่า เมี่ยน ก๊อง หว่า-เป๊ย.

11เยียม กิเลอาด ม่าย ฒุ์ย เญย ไฟ? นิ่น บัว ด่ง หาย ฒู้ง ไม้ ลั่ม หล่ง. นิ่น บัว เยียม กินกาน ฝ่ง ห่อ ง่ง โก๊ว เหฒี่ย. นิ่น บัว เญย เหฒี่ย-ต้อง ฮนั้ง เยียม เด่ย ไล่ ลิ์ว เญย หฒวน เญย หละเปย๊ย-ดุย.

12(ฒิ่น ด่าง ยาโค้บ เปย๋า เถา อาลัม เต่ย, เยียม วั้ว อิสะลาเอน โหฒว กง เปี๊ยด เอ๊า หล่ง, นิ่น เถง เมี่ยน ปู๋ง ปะกี ยู่ง เหว่ย เปี๊ยด เอ๊า.)

13เฒี้ยว หล่ง โต่ว หว่า เมี่ยน ต้อ อิสะลาเอน เยียม อียิบ ธ้วด ต้าย. อิสะลาเอน หย่า ปั่ง เต้า โต่ว หว่า เมี่ยน เปว เจี๊ยน นิ่น.

14เอฟาอิม หฒะเก้ง! ธัวะ เฒี้ยว โน์ว ไห่. นิ่น ไต๋ เมี่ยน เญย ฒุ์ย นิ่น กั้น อ๋อย หฒุ ดาม-ตอง. หลาย นิ่น หมั่ง เผีย เฒี้ยว, เฒี้ยว อ๋อย วิ่น ปุน นิ่น.

← Chapter 11 Jump to: Chapter 13 →