Hosea 13

Mien Bible (Thai Script) © Thailand Bible Society, 2007

← Chapter 12 Jump to: Chapter 14 →

1ฒิ่น ด่าง เอฟาอิม ก๊อง หว่า, เมี่ยน ซิน หฒิน. นิ่น เยียม อิสะลาเอน ตุ๊ เมี่ยน ท่าย. มป่า หลาย นิ่น หฒั่ง บาอัน เฒี่ยน นิ่น ป์าม ฒุ์ย ฯฒฯ ไต่ หมี่ อ๊ะ.

2อี้ หฒั่น นิ่น บัว กุ๊น โหฒว กุ๊น ป์าม ฒุ์ย ธั้ม เจี๊ยน ฝาว, หย่า หล่ง ญ่าน หฒิว กั้น เญย ธง-เม่ง โต๋ หมิ่ว-ฝัง, เหยียด ฒู้ง หมิ่ว-ฝัง เซ หฒั่ง เมี่ยน โหฒว เญย กง. นิ่น บัว ก๊อง, “ฝ่ง ห่อ เหฒี่ย ปุน น้าย เต๋ย ม่าะ!” เมี่ยน ฯฒฯ ฒม ง่ง ตอน.

3เหว่ย น้าย นิ่น บัว ฯฒฯ ฮนั้ง ลู่ง ดอม เฑี้ยว เญย โหม่ว, ไฟ ฮนั้ง บยู่ง-ซุ้ย เฑี้ยว เญย ฆาย หมี่ อ๊ะ, หย่า ฮนั้ง เยียม เบ๊าะ เบย้า เธี้ยง เญย ธุ-เหมา หฒุ หฑยาว ป่วน หฑาน มี่ง, ไฟ ฮนั้ง โต์ว-เสียว ธ้วด ฟง ม่วน.

4“เยียม อียิบ ธ้วด ต้าย เยีย เซ เฒี้ยว, เม่ย บัว เญย ทิน-ฮู่ง. ธ้วด ลิ์ว เยีย, เม่ย บัว ไม้ ฮิ้ว กั้น เต้า ทิน-ฮู่ง. ธ้วด ลิ์ว เยีย หย่า ไม้ ม่าย กั้น เต้า เหฌียว เฒี้ยว.

5เซ เยีย เยียม เต่ย-ปูง-ฮวาง, เยียม ฮ์าน เญย เต่ย-ปูง เยีย โก๋ว เม่ย บัว.

6น้าย เต๋ย แปะ ฝีง หฒิว เยีย เหธย เญย หญั่น ฮบ ตุ๊ หญั่น เป๊ว. นิ่น บัว เป๊ว, นิ่น บัว ฯฒฯ เฮญี้ยว เหมา, หย่า หละคุ เยีย หมี่ อ๊ะ.

7เยีย ฯฒฯ ต๋อย นิ่น บัว ฮนั้ง เต้า เซี่ยน, หย่า ฮนั้ง เต้า ดะม่าว เบ๋ว เยียม เจ๊า-เฮลน ฒั้ว เจี๊ยน.

8เยีย อ๋อย ธา เจี๊ยน นิ่น บัว ฮนั้ง หฒุ กวั่ง ตอน เญย เจี๊ยบ-เญ์ย, เยีย อ๋อย เป๊ด ทง นิ่น บัว เญย หละค้วด, เยียม วั้ว เยีย ฯฒฯ ฮนั้ง เซี่ยน นะ นิ่น บัว, หย่า ฮนั้ง เฮยี่ย ฒ่อย เป๊ด นิ่น บัว.

9“อิสะลาเอน อ้า! เยีย อ๋อย เหมียด เม่ย, หาย เต้า ไฮ่ เถง เม่ย?

10ต้ง เม่ย ก๊อง, ‘โท้ เหลียบ ฮู่ง เตี๋ย เหธา เจียน ปุน เยีย,’ อี้ หฒั่น เม่ย เญย ฮู่ง เหธา เยียม เม่ย บัว เญย เหยียด ฒู้ง ฒี่ง เญย เจียน เยียม หาย? ปุน นิ่น บัว เยียม เม่ย เญย ฒี่ง เหฌียว เม่ย ม่าะ!

11เยีย เฉีย เจี์ย เจี๊ยน เฒาะ ฮู่ง ปุน เม่ย, แอ๋ง โน์ว เจี๊ยน เฒาะ ฮู่ง มี่ง.

12เอฟาอิม เญย ฒุ์ย-หนิบ เฟี้ย เจี๊ยน อ๊ะ, นิ่น เญย ฒุ์ย หย่า เซียว เจี๊ยน.

13นิ่น ฮิ้ว ตุ๊ นิ่น เญย มา มุน กู้งว์า อ๋อย ยู์ง นิ่น, มป่า นิ่น เซ ไม้ ธง-เม่ง เญย ตอน, เหว่ย หฒุ เถา ยู์ง เญย เฒี่ยง โห่ นิ่น ไม้ คั้ง ธ้วด เสย.

14เยีย หอบ หฒุ หฒัวะ นิ่น บัว เล่ย ดุ๊ด เยี่ยม เกน เญย ชะ ไฟ? เยีย หอบ หฒุ หฒัวะ นิ่น บัว เปย๋า ดุ๊ด หฒุ ไต่ เญย ชะ ไฟ? โอ หฒุ ไต่ เญย ชะ อ้า! เม่ย เญย เหฒะ หน่าน เยียม หาย? โอ เยี่ยม เกน อ้า! เม่ย ป่าย เหมียด เญย ชะ เยียม หาย? “เยียม เยีย เญย หฑะเฮมียน เซ ฮนั้ง ปวัง เจี๊ยน, ไม้ ม่าย เหยียด เต๋ย ค้อ-เลี่ยน เมี่ยน เญย เจ๊า.

15ไม้ กุ๊น นิ่น เยียม ก๋อ-โย์ว บุด๋ง หฮยาง, ตง ปูง แหมง เญย หฑยาว, เซ เฒี้ยว เญย หฑยาว, อ๋อย ต้าย, อ๋อย เยียม เต่ย-ปูง ฮวาง ธ้วด ต้าย. นิ่น เญย ววม-ฒี้ง อ๋อย ฆาย มี่ง, นิ่น เญย ววม-ญ่วน หย่า บ๋อง ฆาย เญย. นิ่น เซียว ฒิ่น ฒ่อย เญย ต๋อง อ๋อย หฒุ วิน-วั้ง ลู้ เหฑ่ง, เฒาะ เหฑ่ง เหยียด ฒู้ง จ๋าย เญย กะน้าย.

16สะมาเลีย เมี่ยน อ๋อย หฒุ เหว่ย กั้น เญย ฒุ์ย ดาม-ตอง, เหว่ย หฒุ นิ่น บัว แหง่ง นิ่น บัว เญย ทิน-ฮู่ง. นิ่น บัว ฒู้ง อ๋อย หฒุ หฑุ ด๊าว ไต๋, นิ่น บัว เญย ฝุเจว๊ย-ไฝ หฒุ ฒง เหฌี่ย เดา ไต่, ม่าย เจี๊ยน ซิน เญย มเซียะ ตอน เญย กะเซีย หย่า หฒุ เป๊ด ทง.

← Chapter 12 Jump to: Chapter 14 →