Leviticus 26

Mien Bible (Thai Script) © Thailand Bible Society, 2007

1“‘เยียม เม่ย บัว เญย เต่ย-ปูง ไม้ ตู๋ง โหฒว หาย หญู่ง หมิ่ว-ฝัง ไฟ เหลียบ หาย หญู่ง เญย ฝัง เฒ้ย ไฟ หละเปย๊ย-เดี้ยว ไฟ หฒุ ต้าย เญย หละเปย๊ย เหว่ย กั้น เกว่ย เหฌี่ย ป๋าย. เยีย เซ เฒี้ยว, เม่ย บัว เญย ทิน-ฮู่ง.

2“‘อ๋อย หฒุ กัน หลง เยีย เญย นอมๆ ตี้ง กง ฮนอย, หย่า อ๋อย หฒุ ท่าย เยีย เญย สีง ติ่น. เยีย เซ เฒี้ยว.

3“‘สี ก๊อง เม่ย บัว กัน หลง เยีย เญย หลี่ง, หมวัง หลง เยีย เญย เล์ย, หย่า เอย เจี๊ยน โหฒว,

4เยีย อ๋อย หฒิว ธุน-เธียว ปุน ลู่ง ตุ้ย บยู่ง. เดา ฯฒฯ ธ้วด แกง-หฒวัง. เปี๊ยว-เด่ย เญย เดี๋ยง หย่า อ๋อย เฒี่ยง เปี๊ยว.

5เบ๊าะ เบย้า ฯฒฯ ตุ๊ เบ๊าะ เถา แก๊ะ อะหงุ่น เปี๊ยว เญย เฒี่ยง โห่. แก๊ะ อะหงุ่น เปี๊ยว หย่า ตุ๊ แก๊ะ เถา แอ๋ง หฒวัง กะน้าย เญย เฒี่ยง โห่. เม่ย บัว ฯฒฯ ม่าย หญั่น ม่าย ฮบ เป๊ว. เม่ย บัว หย่า ตุ๊ แป้ง ออน เญย เยียม เม่ย บัว เญย เต่ย-ปูง.

6“‘เยีย อ๋อย ปุน วั้ว นอม เต่ย-ปูง ถาย-แป้ง. เม่ย บัว อ๋อย ตุ๊ เปว๋ย เหฌี่ย หย่า ไม้ ม่าย หาย เต้า ปุน เม่ย บัว กั้ม เหฑีย. เยีย อ๋อย ปุน วั้ว นอม เต่ย-ปูง เธี้ยว เญย เฮยี่ย ฒ่อย หฒุด เหฑ่ง. เม่ย บัว เญย เต่ย-ปูง หย่า ไม้ ม่าย เบ๊าะ จ๋า เญย สี่.

7เม่ย บัว อ๋อย หฒุ่น เม่ย บัว เญย วิน-วั้ง, นิ่น บัว ฯฒฯ เยียม เม่ย บัว เญย วั้ว ด่าง แหมง หฒุ หฑุ ด๊าว ไต๋.

8เม่ย บัว ปยา เต้า อ๋อย หฒุ่น เหยียด แป๊ะ เต้า. เหยียด แป๊ะ เต้า อ๋อย หฒุ่น เหยียด หว่าน เต้า. เม่ย บัว เญย วิน-วั้ง ฯฒฯ เยียม เม่ย บัว เญย วั้ว ด่าง แหมง หฒุ หฑุ ด๊าว ไต๋.

9“‘เยีย อ๋อย จั๋ง เม่ย บัว, เหธย ฟุ ปุน เม่ย บัว ม่าย เฒ้ย-ฟุน หฮยาง เจี๊ยน ฝาว, หย่า อ๋อย เอย เจี๊ยน เยีย เหธา เม่ย บัว เหลียบ เจี์ย เญย แหง่ง หว่า.

10เม่ย บัว หธ่อ หญั่น เจี๊ยน โล์-เบย้า, ฒู้ง อ๋อย หฒุ เฒาะ ธ้วด โล์ เญย เหว่ย ปุน ม่าย ต๋อง ตั๊บ เซียง เญย.

11เยีย อ๋อย เหลียบ เยีย เยียม เญย ต๋อง เยียม เม่ย บัว บุด๋ง. เยีย หย่า ไม้ ฑอง เม่ย บัว.

12เยีย อ๋อย เยียม เม่ย บัว บุด๋ง หย่า โหฒว เม่ย บัว เญย ทิน-ฮู่ง. เม่ย บัว หย่า อ๋อย โหฒว เยีย เญย แปะ ฝีง.

13เยีย เซ เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อียิบ เต่ย-ปูง ต้าย เหว่ย ปุน เม่ย บัว ไม้ หฒุ โหฒว อียิบ เมี่ยน เญย โน่ว. เยีย ว้วด เน้า เม่ย บัว เญย เดี๋ยง-ก์า ปุน เม่ย บัว ตุ๊ โซ้ว หฒะ ต้าย ยั่ง เจ๊า.

14“‘มป่า สี ก๊อง เม่ย บัว ไม้ หมวัง เยีย, หย่า ไม้ เอย เยีย เญย ติ้วๆ เล์ย-หลัด โหฒว,

15หย่า สี ก๊อง เม่ย บัว แหง่ง เจี๊ยน เยีย เญย หลี่ง, โหยว เยีย หัด เญย หว่า, ไม้ กัน เยีย เญย เหยียด ฒู้ง เล์ย, ฯฒฯ ปุน เยีย เญย แหง่ง หว่า ด๊อด,

16เยีย อ๋อย ฮนั้ง น้าย นอ โหฒว ปุน เม่ย บัว. เยีย อ๋อย ปุน เม่ย บัว เลี่ยม เฒ่ย หฒุ ต้ม เฮ้ย สี่, ปุ๊ด แป่ง-ง์าย, ปุ๊ด ซิน จอม แป่ง, มฒีง กุ๊น โหฒว กุ๊น บั๊ว, แหม่ง หมั่นๆ โคว ฆาย เหฑ่ง. เม่ย บัว หย่า แปะๆ หฒวัง กะน้าย เหว่ย หฒุ เม่ย บัว เญย วิน-วั้ง อ๋อย ต้าย หญั่น เหฑ่ง.

17เยีย อ๋อย เบี๊ยน เฮมียน ปุน เม่ย บัว. เม่ย บัว ฯฒฯ เซวย เม่ย บัว เญย วิน-วั้ง. ฑอง เม่ย บัว วั้ว เต๋ย อ๋อย ตุ๊ กุ๊น เม่ย บัว. เม่ย บัว อ๋อย เปย๋า ไม้ กุ๊น ไม้ ม่าย หาย เต้า หฒุ่น ฆาง.

18“‘สี ก๊อง เม่ย บัว ปวั้ง ลิ์ว ด่ง หน่าย เญย สี่ หธ่อ ไม้ หมวัง เยีย, เยีย ฯฒฯ หฒิว เม่ย บัว โหฒว เญย ตี่ง ฒุ์ย เถา เสี่ย โก๊ว.

19เยีย อ๋อย เหมียด เหฑ่ง เม่ย บัว เฮญี้ยว แหง่ง, โหฒว เหมา เญย ชะ. เยีย อ๋อย ปุน ลู่ง ฮ์าน, ปุน เดา บัง แหง่ง เญย.

20เม่ย บัว ฯฒฯ แปะๆ ด๊อด ชะ, เหว่ย หฒุ เม่ย บัว เญย เดา ไม้ ธ้วด แกง-หฒวัง. วั้ว นอม เต่ย-ปูง เญย เดี๋ยง หย่า ไม้ เฒี่ยง เปี๊ยว.

21“‘สี ก๊อง เม่ย บัว หธ่อ แหง่ง เจี๊ยน ไม้ คั้ง หมวัง เยีย, เยีย ฯฒฯ ปุน เหฒะ หน่าน ห่อย เม่ย บัว หฒิว เม่ย บัว โหฒว เญย จา ตี่ง ฒุ์ย เถา เสี่ย โก๊ว.

22เยีย อ๋อย ปุน เฮยี่ย ฒ่อย เปียะ เม่ย บัว บุด๋ง. นิ่น บัว อ๋อย เป๊ด เม่ย บัว เญย ฝุเจว๊ย, นะ เม่ย บัว เญย แซง-คู้, ปุน เม่ย บัว เญย เมี่ยน โหฒะ เหฑ่ง, เม่ย บัว เญย เจ๊า ฒู้ง หฒุ เป๋น เจ๊า-ฮวาง.

23“‘สี ก๊อง ฮนั้ง น้าย นอ เบ๊าะ หฌาว มป่า เม่ย บัว หธ่อ ไม้ หมวัง เยีย, หธ่อ แหง่ง เจี๊ยน เยีย,

24เยีย กั้น อ๋อย แหง่ง เจี๊ยน เม่ย บัว, เหว่ย เม่ย บัว โหฒว เญย ฒุ์ย ปุน เม่ย บัว หฒุ โค้ว เถา เสี่ย หฑุ่น.

25หลาย เม่ย บัว ปู๋ง ด๊อด เหธา เยีย แล์ง เญย แหง่ง หว่า, เยีย อ๋อย ปุน เม่ย บัว หฒุ เบ๊าะ จ๋า เญย สี่ จ๊าว วิน. สี ก๊อง เม่ย บัว กั๊บ ฒุ้น เยียม ฒี่ง กะญั์ว, เยีย อ๋อย ปุน เม่ย บัว ปุ๊ด ต้ม ววน-แป่ง. เม่ย บัว ฒู้ง อ๋อย หฒุ จิว ปุน เยียม เม่ย บัว เญย วิน-วั้ง เญย ปั์ว-เดี๊ย.

26เยีย โหฒว ปุน เม่ย บัว เญย ล่าง หฒิ ตั๋ง วั้ว หฒั่น, เหฒียบ เต้า มเซียะ ตอน อ๋อย จวั่ง เหยียด นอม โหฑ ฒิ ฌั้ว. ฌั้ว หย่า อ๋อย หฒุ หฒิว เฮนี้ย-ต้าว เฑียง ปุน ฆอย. เม่ย บัว ตุ๊ หญั่น หย่า หญั่น ไม้ เป๊ว.

27“‘สี ก๊อง หฒุ ด่ง หน่าย เม่ย บัว หธ่อ ไม้ หมวัง เยีย, แหง่ง เจี๊ยน เยีย,

28เยีย ฯฒฯ เฉีย เจี์ย! ไห่, แหง่ง เจี๊ยน เม่ย บัว, เหว่ย เม่ย บัว โหฒว เญย ตี่ง ฒุ์ย เถา เสี่ย หฑุ่น.

29เม่ย บัว ฯฒฯ หญั่น เม่ย บัว เญย ตอน เญย อ๊อ, หญั่น เม่ย บัว เญย เซียะ เญย อ๊อ.

30เยีย หย่า อ๋อย เหมียด เม่ย บัว เยียม ฮลัง หฒั่ง เฒี่ยน เญย ต๋อง, โหฒว ป่าย เม่ย บัว เญย ปั๊ว ฮูง เตี้ย หย่า เฒาะ เม่ย บัว เญย เซย ฒอย อัน เจี๊ยน บาง วั้ว เต๋ย หมิ่ว-ฝัง กู้ หงว่าย. เยีย เญย เฮญี้ยว หย่า อ๋อย ฑอง ไห่ เม่ย บัว.

31เยีย อ๋อย ปุน เม่ย บัว เญย ฒี่ง เป๋น ฒี่ง ฮวาง, โหฒว หว่าย ป๋าย เฒี่ยน เญย ต๋อง. เม่ย บัว ต้อ กะน้าย ต้าย เหฒี่ย โหฒว ดาง เญย เฉีย เยีย หย่า ไม้ อะเฮน้ย.

32เยีย อ๋อย ปุน เต่ย-ปูง เป๋น เต่ย-ปูง-ฮวาง, เลี่ยม ต้าย เยียม เจี๊ยน เญย วิน-วั้ง อ๋อย บัวะ ฮ่อง ไห่.

33เยีย อ๋อย โหฒว ปุน เม่ย บัว หฑาน มี่ง เยียม หม่าน กั๊วะ บุด๋ง, หย่า อ๋อย แปง หฑุ ด๊าว ธ้วด ไพ้ หฒุ่น เม่ย บัว. เม่ย บัว เญย เดา ฯฒฯ เป๋น เดา-ฮวาง. เม่ย บัว เญย ฒี่ง หย่า เป๋น ฒี่ง ฮวาง.

34ฮนั้ง หน่าย, เม่ย บัว เยียม วิน-วั้ง เญย เต่ย-ปูง, เม่ย บัว เญย เต่ย-ปูง เป๋น เดา-ฮวาง เญย เฒี่ยง โห่, เดา ฯฒฯ ตุ๊ เจี๋ย นิ่น เญย ตี้ง กง หฮญัง. เถา วั้ว หฒั่น, เดา ฯฒฯ ตุ๊ ฮิด ขวน, เฌียน-โย่ว เญย เจี๋ย นิ่น เญย ตี้ง กง หฮญัง.

35เต่ย-ปูง เป๋น เดา-ฮวาง ด่ง หาย เล่า ฯฒฯ ตุ๊ ฮิด ด่ง วั้ว. เซ เดา ตุ๊ ฮิด ขวน ฮนั้ง เม่ย บัว เยียม เจี๊ยน เจี๋ย ตี้ง กง หฮญัง, เดา ไม้ ตุ๊ ฮิด ขวน นอ.

36“‘เม่ย บัว เหฒ่ง เหฌี่ย เญย เมี่ยน, เยีย อ๋อย ปุน เยียม วิน-วั้ง เญย เต่ย-ปูง, เฮญี้ยว กั้ม เหฑีย เจี๊ยน เยียม. ไฮ์ หฑยาว ป่วน เหยียด คว้าย เดี๋ยง-น่อม บุย ฯฒฯ แฮะ นิ่น บัว เปย๋า. นิ่น บัว อ๋อย ถิว ฮนั้ง เปย๋า หฑุ ด๊าว. นิ่น บัว หย่า อ๋อย ดอบ, ไม้ กุ๊น ไม้ ม่าย หาย เต้า หฒุ่น ฆาง.

37ล่าน อ๋อย ดิ๊ หฒุ ล่าน ดอบ ฮนั้ง เปย๋า หฑุ ด๊าว นอ, ไม้ กุ๊น ไม้ ม่าย หาย เต้า หฒุ่น. นิ่น บัว ฒู้ง ไม้ ม่าย ชะ เหธา เม่ย บัว เญย วิน-วั้ง เบ๊าะ จ๋า.

38เม่ย บัว อ๋อย เยียม ฝีงๆ เมี่ยน บุด๋ง หฒุ เหมียด. เม่ย บัว เญย วิน-วั้ง เญย เต่ย-ปูง หย่า อ๋อย นะ เม่ย บัว.

39เม่ย บัว เหฒ่ง เหฌี่ย เญย เมี่ยน, หลาย กั้น โหฒว เญย ฒุ์ย เหธา อง-ถาย เญย ฒุ์ย, อ๋อย เยียม วิน-วั้ง เญย เต่ย-ปูง หมั่นๆ หฒุด เหฑ่ง หมี่ อ๊ะ.

40“‘มป่า สี ก๊อง นิ่น บัว เหญี่ยม กั้น เญย ฒุ์ย เหธา นิ่น บัว เญย อง-ถาย เญย ฒุ์ย, เซ นิ่น บัว ป์าม เยีย, แหง่ง เจี๊ยน เยีย,

41เยีย หธีง แหง่ง เจี๊ยน นิ่น บัว, ต้อ นิ่น บัว เปียะ วิน-วั้ง เญย เต่ย-ปูง วั้ว หฒั่น, สี ก๊อง นิ่น บัว เฮญี้ยว แหง่ง เญย เมี่ยน, ฒัด กั้น เหฌี่ย หย่า หฒิว นิ่น บัว ป์าม เญย หฒุ ตี่ง ลิ์ว ฒุ์ย,

42เยีย ฯฒฯ จั๋ง เถา เยีย เหธา ยาโค้บ เหลียบ เญย แหง่ง หว่า, เหธา อีสัก เหลียบ เญย แหง่ง หว่า, หย่า เหธา อับลาฮัม เหลียบ เญย แหง่ง หว่า. เยีย หย่า จั๋ง เถา วั้ว นอม เต่ย-ปูง อ๊ะ.

43มป่า นิ่น บัว อ๋อย หฒุ กวั่ง นิ่น บัว เญย เต่ย-ปูง. ไม้ ม่าย นิ่น บัว เยียม เญย เฒี่ยง โห่, เดา ฯฒฯ เฮ่น, เฌียน-โย่ว เญย ฮิด ขวน. หลาย นิ่น บัว เฆ่ม เยีย เญย เล์ย-หลัด, ฑอง เยีย เญย หลี่ง, นิ่น บัว อ๋อย หฒุ หฒิว นิ่น บัว ป์าม เญย ฒุ์ย หฒุ ตี่ง ฒุ์ย.

44ไม้ กุ๊น ฮนั้ง หน่าย, นิ่น บัว เยียม วิน-วั้ง เญย เต่ย-ปูง, เยีย ไม้ โหยว นิ่น บัว, ไฟ ฑอง นิ่น บัว เหว่ย เฒาะ นิ่น บัว เหมียด เหฑ่ง. สี ก๊อง ฮนั้ง น้าย โหฒว, เยีย เหธา นิ่น บัว เหลียบ เจี์ย เญย แหง่ง หว่า ฯฒฯ ป่า หมี่ อ๊ะ. เยีย เซ เฒี้ยว, นิ่น บัว เญย ทิน-ฮู่ง.

45เยีย อ๋อย เหว่ย นิ่น บัว เญย กอน จั๋ง เยีย เหธา นิ่น บัว เญย อง-ถาย เหลียบ เญย แหง่ง หว่า, ต้ง เยีย ตอง เจี๊ยน ฝีงๆ เมี่ยน ต้อ ธ้วด อียิบ เต่ย-ปูง เหว่ย โหฒว นิ่น บัว เญย ทิน-ฮู่ง. เยีย เซ เฒี้ยว. ’”

46น้าย เต๋ย หลี่ง เหธา เล์ย-หลัด เหธา ติ้วๆ เล์ย เซ เฒี้ยว เยียม ซีนาย บง, หล่ง โมเซ เหว่ย อิสะลาเอน เมี่ยน เหลียบ ต้าย.

← Chapter 25 Jump to: Chapter 27 →