Leviticus 3

Mien Bible (Thai Script) © Thailand Bible Society, 2007

← Chapter 2 Jump to: Chapter 4 →

1“‘สี ก๊อง เมี่ยน ฝ่ง ห่อ กะน้าย เหฒี่ย เหว่ย จิว ทง, นิ่น หย่า หล่ง เยียม ง่ง กวั้น เฒาะ ธ้วด ต้าย เญย, ไม้ กุ๊น ง่ง โก๊ว ไฟ เญ์ย, อ๋อย หฒุ เยียม เฒี้ยว เญย หฑะเฮมียน ฝ่ง ห่อ ไม้ หว่าย ฝัง เญย แซง-คู้.

2อ๋อย หฒุ ต้อ ปั์ว มาน เจี๊ยน นิ่น เหฒี่ย วั้ว เต้า แซง-คู้ เญย มฆ้อง, เยียม หวุ่ย ปวั้ง ด๊บ-ลิ่ว เญย แก้ง ด่าง ไต๋. อาโลน เญย ตอน, ไซ เมี่ยน บัว, ฯฒฯ เฒาะ ฑย้าม ต้าย เพี้ยด ฮวีง ก๋อม เหฒี่ย-ต้อง เปยย ปูง.

3เยียม น้าย เต๋ย เหฒี่ย เหว่ย จิว ทง เญย กะน้าย, นิ่น อ๋อย หฒุ เฒาะ เต๋ย หล่ง โต์ว ปั๊ว เหฒี่ย ฝ่ง ห่อ ปุน เฒี้ยว. อ๋อย หฒุ เฒาะ เยียม เฮญี้ยว เญย เฮมย เหธา เหยียด ฒู้ง แธะ-จ้าง เฮมย,

4เหธา อี นอม หญุด เฒ้ย, เหธา แน้ด หญุด เฒ้ย เญย ปั๊น โย่ว. ปวัง เจี๊ยน ฮลัน เญย อ๊อ-บย์อง หย่า อ๋อย หฒุ เหธา หญุด เฒ้ย เฒาะ ธ้วด.

5อาโลน เญย ตอน ฯฒฯ เฒาะ น้าย ปั๊วะ กะน้าย อัน เหฒี่ย-ต้อง, ปั๊ว เหฒี่ย เญย กะน้าย กู้ หงว่าย. ปั๊ว เหฒี่ย เญย กะน้าย เยียม เหฒียะ เจี๊ยน โต์ว เญย ฒ่าง กู้ หงว่าย. น้าย เซ หล่ง โต์ว ปั๊ว เหฒี่ย ฝ่ง ห่อ เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว.

6“‘สี ก๊อง ต้อ เยียม ปะกี ยู่ง ไฟ ยู่ง กวั้น เญย แซง-คู้ ต้าย เหฒี่ย ปุน เฒี้ยว เหว่ย จิว ทง, อ๋อย หฒุ ต้อ ไม้ หว่าย ฝัง เญย ปะกี ยู่ง ไฟ ยู่ง, ไม้ กุ๊น โก๊ว ไฟ เญ์ย.

7นิ่น หล่ง เต้า ปะกี ยู่ง ตอน เหฒี่ย นอ, อ๋อย หฒุ ต้อ มี่ง เยียม เฒี้ยว เญย หฑะเฮมียน.

8อ๋อย หฒุ ต้อ ปั์ว มาน เจี๊ยน นิ่น เหฒี่ย วั้ว เต้า แซง-คู้ เญย มฆ้อง, เยียม หวุ่ย ปวั้ง ด๊บ-ลิ่ว เญย แก้ง ด่าง ไต๋. อาโลน เญย ตอน บัว ฯฒฯ เฒาะ ฑย้าม เพี้ยด ฮวีง ก๋อม เหฒี่ย-ต้อง เปยย ปูง.

9เยียม น้าย เต๋ย เหฒี่ย เหว่ย จิว ทง เญย กะน้าย อ๋อย หฒุ ต้อ เต๋ย หล่ง โต์ว ปั๊ว เหฒี่ย ฝ่ง ห่อ ปุน เฒี้ยว. อ๋อย หฒุ ต้อ เหยียด ฒู้ง เฮมย, จุ่น เญย เตว๊ย ก๊าด เถา กอน, ก๊าด เถา ติ ต์าน เมว์ย-บู๊ง, เหธา เหยียด ฒู้ง เยียม เฮญี้ยว เญย เฮมย, เลี่ยม แธะ-จ้าง เฮมย,

10อี นอม หญุด เฒ้ย เหธา แน้ด หญุด เฒ้ย เญย ปั๊น โย่ว. ปวัง เจี๊ยน ฮลัน เญย อ๊อ-บย์อง หย่า อ๋อย หฒุ เหธา เจี๊ยน หญุด เฒ้ย เฒาะ ธ้วด.

11ไซ เมี่ยน ฯฒฯ อัน เหฒี่ย-ต้อง กู้ หงว่าย หล่ง โต์ว ปั๊ว เหฒี่ย โหฒว หญั่น เญย กะน้าย ฝ่ง ห่อ ปุน เฒี้ยว.

12“‘สี ก๊อง เมี่ยน เหฒี่ย เญย กะน้าย เซ ยู่ง, อ๋อย หฒุ ต้อ ต้าย เยียม เฒี้ยว เญย หฑะเฮมียน ฝ่ง ห่อ.

13อ๋อย หฒุ ต้อ ปั์ว มาน เจี๊ยน ยู่ง เญย มฆ้อง, เยียม หวุ่ย ปวั้ง ด๊บ-ลิ่ว เญย แก้ง ด่าง ไต๋. อาโลน เญย ตอน บัว ฯฒฯ เฒาะ ฑย้าม เพี้ยด เหฒี่ย-ต้อง เปยย ปูง.

14เยียม นิ่น ฝ่ง ห่อ เญย ยู่ง อ๋อย หฒุ เฒาะ เต๋ย หล่ง โต์ว ปั๊ว เหฒี่ย ฝ่ง ห่อ ปุน เฒี้ยว. อ๋อย หฒุ เฒาะ เหยียด ฒู้ง เยียม เฮญี้ยว เญย เฮมย, เลี่ยม แธะ-จ้าง เฮมย,

15อี นอม หญุด เฒ้ย เหธา แน้ด หญุด เฒ้ย เญย ปั๊น โย่ว. ปวัง เจี๊ยน ฮลัน เญย อ๊อ-บย์อง หย่า อ๋อย หฒุ เหธา เจี๊ยน หญุด เฒ้ย เฒาะ ธ้วด.

16ไซ เมี่ยน ฯฒฯ อัน เหฒี่ย-ต้อง กู้ หงว่าย หล่ง โต์ว ปั๊ว เหฒี่ย โหฒว หญั่น เญย กะน้าย ฝ่ง ห่อ ปุน เฒี้ยว เว่ย ดาง เญย เฉีย. เฮมย เหยียด ฒู้ง เป๋น เฒี้ยว เญย.

17“‘ไม้ กุ๊น เม่ย บัว เยียม หาย, ไม้ ตู๋ง หญั่น เฮมย ไฟ ฑย้าม. น้าย เซ เม่ย บัว ต่อย เจี๋ย ต่อย, เหยียด ลิ์ว อ๋อย หฒุ กัน เญย เล์ย.’”

← Chapter 2 Jump to: Chapter 4 →