Leviticus 5

Mien Bible (Thai Script) © Thailand Bible Society, 2007

← Chapter 4 Jump to: Chapter 6 →

1“‘สี ก๊อง เมี่ยน เห่ว เต้า เมี่ยน มี่ง โหฒว ฒอง-เหฒง หฒิว นิ่น ปวัด เญย ฮิ้ว เญย มป่า นิ่น ไม้ คั้ง โหฒว ฒอง-เหฒง, นิ่น ม่าย ฒุ์ย อ๊ะ. นิ่น กั้น อ๋อย หฒุ ดาม-ตอง.

2“‘ไฟ สี ก๊อง ม่าย เมี่ยน ธะ-โป่ว มัวะ หฒุ ม่าย หวุย เญย กะน้าย ฮนั้ง เฮยี่ย ฒ่อย เญย เซย, แซง-คู้ เญย เซย, ไฟ ญอง เดา ม่าย หวุย เญย กะน้าย-ไต่, หย่า ไม้ เกาะ จาง, นิ่น ม่าย หวุย ฯฒฯ ม่าย ฒุ์ย อ๊ะ.

3“‘ไฟ สี ก๊อง ธะ-โป่ว มัวะ หฒุ เมี่ยน เญย หวุย, ไม้ กุ๊น ปุน เมี่ยน ม่าย หวุย เญย หาย หญู่ง กะน้าย, หย่า ไม้ เกาะ จาง, นิ่น เยี้ยด ฮิ้ว ตุ๊, นิ่น ม่าย ฒุ์ย หมี่ อ๊ะ.

4“‘ไฟ สี ก๊อง เมี่ยน จั๋ง ไม้ หฒ่าย ฯฒฯ โฮ้ว อ๋อย โหฒว เหยียด หญู่ง, ไม้ กุ๊น หลง ไฟ เธี้ยว, เซ หละไกว้ โฮ้ว เถา หาย หญู่ง หย่า ไม้ เกาะ จาง, นิ่น เยี้ยด ฮิ้ว ตุ๊ นิ่น โหฒว เญย, นิ่น ฯฒฯ ม่าย ฒุ์ย หมี่ อ๊ะ.

5“‘ต้ง ก๊อง ลิ์ว น้าย เต๋ย หญู่งๆ, หาย เต้า โหฒว ต่อง เหยียด หญู่ง, วั้ว เต้า อ๋อย หฒุ เหญี่ยม นิ่น โหฒว ต่อง เญย ฒุ์ย.

6หลาย นิ่น โหฒว ต่อง หฒุ ตี่ง เญย ฒุ์ย, อ๋อย หฒุ ต้อ เต้า เยียม ยู่ง กวั้น ต้าย เญย ยู่ง เหฒ่ย ไฟ ปะกี ยู่ง เหฒ่ย เถา เฒี้ยว เญย หฑะเฮมียน โหฒว เหฒี่ย ฟิ ฒุ์ย เญย กะน้าย. ไซ เมี่ยน ฯฒฯ เหว่ย นิ่น ป์าม เญย ฒุ์ย เถง นิ่น ฟิ ซูง เหฑ่ง.

7“‘สี ก๊อง เมี่ยน ธ้วด ไม้ เจี์ย เหยียด เต้า ปะกี ยู่ง ตอน, อ๋อย หฒุ เหว่ย นิ่น ป์าม เญย ฒุ์ย ต้อ อี นอม เหนาะ โฆ ไฟ อี นอม หลุน เญย แปะ ก๊บ ต้าย เถา เฒี้ยว เญย หฑะเฮมียน. อ๋อย หฒุ หล่ง นอม ฟิ ฒุ์ย, แอ๋ง หล่ง นอม โหฒว ปั๊ว เหฒี่ย เญย กะน้าย.

8นิ่น อ๋อย หฒุ ต้อ น้าย เต๋ย อี นอม เหนาะ เถา ไซ เมี่ยน วั้ว. ไซ เมี่ยน ฯฒฯ หล่ง นอม ฟิ ฒุ์ย. นิ่น อ๋อย หฒุ เนี้ยว เหนาะ เญย จาง เน้า มป่า ไม้ ตู๋ง ปุน มฆ้อง ดุ๊ด.

9เฒาะ เต๋ย หล่ง ฟิ ฒุ์ย น้าย นอม เหนาะ เญย ฑย้าม ฟุ เหฒี่ย-ต้อง กะเฮลน. เหฒ่ง เหฌี่ย เญย ฑย้าม อ๋อย หฒุ เหลี่ยว เหฌี่ย เหฒี่ย-ต้อง เญย กอน. น้าย เซ เหฒี่ย ฟิ ฒุ์ย เญย กะน้าย.

10ไซ เมี่ยน อ๋อย หฒุ แอ๋ง เฒาะ ตะเหญ่ย นอม เหนาะ หฒิว เหฒี่ย เญย เล์ย-เหญ่ย หล่ง โหฒว ปั๊ว เหฒี่ย เญย กะน้าย. ฮนั้ง หน่าย, ไซ เมี่ยน เหว่ย น้าย ล่าน เมี่ยน ป์าม เญย ฒุ์ย ฟิ ลิ์ว, นิ่น เญย ฒุ์ย ฯฒฯ ตุ๊ กวั่ง หมี่ อ๊ะ.

11“‘มป่า สี ก๊อง เมี่ยน ธ้วด ไม้ เจี์ย อี นอม เหนาะ โฆ ไฟ อี นอม แปะ ก๊บ หลุน, นิ่น อ๋อย หฒุ เหว่ย นิ่น เญย ฒุ์ย ต้อ อี เมาะ บ๊วน-หม่วน หล่ง โหฒว เหฒี่ย ฟิ ฒุ์ย เญย กะน้าย. ไม้ ตู๋ง โต๋ กะลั้น โย่ว ไฟ อัน ฮูง, เหว่ย หฒุ น้าย เซ ฝ่ง ห่อ ฟิ ฒุ์ย เญย กะน้าย.

12อ๋อย หฒุ ต้อ น้าย เต๋ย บ๊วน-หม่วน ต้าย จิว ปุน ไซ เมี่ยน. ไซ เมี่ยน ฯฒฯ เฒาะ เหยียด เญา บ๊วน-หม่วน เหว่ย ปุน เฒี้ยว จั๋ง ฝ่ง ห่อ เญย เมี่ยน. ไซ เมี่ยน ฯฒฯ อัน เจี๊ยน เหฒี่ย-ต้อง, หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย กะน้าย กู้ หงว่าย ปั๊ว. น้าย เซ เหฒี่ย ฟิ ฒุ์ย เญย กะน้าย.

13ฮนั้ง น้าย โหฒว ลิ์ว, ไซ เมี่ยน เหว่ย น้าย เต้า เมี่ยน ฟิ ต้ง นิ่น โหฒว ต่อง น้าย เต๋ย เญย หาย หญู่ง ฒุ์ย. นิ่น เญย ฒุ์ย ฯฒฯ ตุ๊ กวั่ง หมี่ อ๊ะ. เหฒ่ง เหฌี่ย เญย บ๊วน-หม่วน เป๋น ไซ เมี่ยน เญย, ฮนั้ง ฝ่ง ห่อ เญย ล่าง หฒิ วั้ว นอ.’”

14เฒี้ยว ก๊อง บั๋ว โมเซ,

15“สี ก๊อง หาย เต้า ธะ-โป่ว ป์าม ฒุ์ย โหฒว ต่อง เล์ย ฯฒฯ ต่อง เฒี้ยว เญย หาย หญู่ง ธีง-เหฑ่ง กะน้าย, วั้ว เต้า อ๋อย หฒุ เหว่ย นิ่น โหฒว เญย ฒุ์ย ต้อ เต้า เยียม ปะกี ยู่ง กวั้น, ไม้ หว่าย ฝัง เญย ปะกี ยู่ง โก๊ว, ปุน เฒี้ยว. อ๋อย หฒุ ฝุน น้าย เต้า ยู่ง เญย จ๋า-ฒิ่น ผุย สีง ติ่น เญย ญ่าน เญย เฮนี้ย-ต้าว. น้าย เซ โหฒว ต่อง ฒุ์ย เหฒี่ย ฟิ ฒุ์ย เญย กะน้าย.

16วั้ว เต้า หย่า อ๋อย หฒุ จ๊าว ซูง ต้ง นิ่น เฉียม เจี๊ยน, ไม้ แก้ง ธ้วด เญย ป่วน ธีง-เหฑ่ง กะน้าย, แอ๋ง ปุ้ย ปยา โก๊ว เญย เหยียด โก๊ว ปุน ไซ เมี่ยน. ไซ เมี่ยน ฯฒฯ หล่ง ยู่ง โก๊ว เถง นิ่น ฟิ ฒุ์ย. นิ่น เญย ฒุ์ย ฯฒฯ ตุ๊ กวั่ง หมี่ อ๊ะ.

17“สี ก๊อง เมี่ยน ป์าม ฒุ์ย, โหฒว ต้ง เฒี้ยว หัด ไม้ ตู๋ง โหฒว เญย หาย ติ้ว เล์ย, ไม้ กุ๊น นิ่น ไม้ ฮิ้ว ตุ๊ นิ่น โหฒว เญย, นิ่น ต่อง หมี่ อ๊ะ. อ๋อย หฒุ ดาม ฒุ์ย อ๊ะ.

18นิ่น อ๋อย หฒุ ต้อ เต้า เยียม ยู่ง กวั้น, ไม้ หว่าย ฝัง เญย ยู่ง โก๊ว. อ๋อย หฒุ ฝุน น้าย เต้า ยู่ง โก๊ว เญย จ๋า-ฒิ่น ผุย หอบ เหว่ย โหฒว ต่อง ฒุ์ย เหฒี่ย เญย กะน้าย. ฮนั้ง หน่าย, ไซ เมี่ยน ฯฒฯ เหว่ย นิ่น ธะ-โป่ว โหฒว ต่อง เญย สี่ ฟิ ฒุ์ย. นิ่น เญย ฒุ์ย ฯฒฯ ตุ๊ กวั่ง ลิ์ว อ๊ะ.

19น้าย เซ ฟิ โหฒว ต่อง ฒุ์ย เญย กะน้าย, เหว่ย หฒุ นิ่น ป์าม ฒุ์ย ต่อง เฒี้ยว. ”

← Chapter 4 Jump to: Chapter 6 →