Leviticus 9

Mien Bible (Thai Script) © Thailand Bible Society, 2007

← Chapter 8 Jump to: Chapter 10 →

1เถา ตะเป๊ด ฮนอย, โมเซ เห่ว อาโลน เหธา นิ่น เญย ตอน เหธา อิสะลาเอน เมี่ยน เญย หฒวัง เมี่ยน โก๋ ต้าย ฒุ้น.

2นิ่น ก๊อง บั๋ว อาโลน, “เม่ย อ๋อย หฒุ ต้อ เต้า ง่ง โก๊ว ตอน ต้าย เหฒี่ย ฟิ ฒุ์ย หย่า ต้อ เต้า ปะกี ยู่ง โก๊ว โหฒว ปั๊ว เหฒี่ย เญย กะน้าย. อี เต้า ฒู้ง ไม้ หว่าย ฝัง เญย, หย่า อ๋อย หฒุ ฝ่ง ห่อ เหฒี่ย ปุน เฒี้ยว.

3หย่า อ๋อย หฒุ บั๋ว อิสะลาเอน เมี่ยน, ‘ต้อ เต้า ยู่ง โก๊ว ต้าย เหฒี่ย ฟิ ฒุ์ย. แอ๋ง ต้อ เต้า ง่ง ตอน เหธา เต้า ปะกี ยู่ง ตอน, อี เต้า ฒู้ง ต๋อย หฮญัง เญย, ไม้ หว่าย ฝัง เญย, โหฒว ปั๊ว เหฒี่ย เญย แซง-คู้.

4อ๋อย หฒุ แอ๋ง ต้อ เต้า ง่ง เหธา เต้า ปะกี ยู่ง โก๊ว ต้าย เหฒี่ย ปุน เฒี้ยว, โหฒว เหฒี่ย เหว่ย จิว ทง เญย กะน้าย. หย่า อ๋อย หฒุ ต้อ โช้ว เจี๊ยน กะลั้น โย่ว ฝ่ง ห่อ เหฒี่ย เญย ล่าง หฒิ, เหว่ย หฒุ อี้ ฮนอย เฒี้ยว อ๋อย หิ่น ธ้วด ปุน เม่ย บัว.’”

5นิ่น บัว ฯฒฯ เฒาะ โมเซ บั๋ว เญย เหยียด ฒู้ง ต้อ เถา หวุ่ย ปวั้ง ด๊บ-ลิ่ว เญย แก้ง ด่าง. หฒวัง เมี่ยน กั๊บ ฒุ้น ต้าย ฟัด เญย, โซ้ว เจี๊ยน เฒี้ยว เญย หฑะเฮมียน.

6โมเซ ก๊อง, “น้าย เซ เฒี้ยว บั๋ว เม่ย บัว โหฒว เญย เจ๊า, เฒี้ยว เญย ฌัง-หล่าง ฯฒฯ หิ่น ธ้วด ปุน เม่ย บัว.”

7โมเซ บั๋ว อาโลน, “ต้าย ฟัด เต๋ย เถา เหฒี่ย-ต้อง เญย หฑะเฮมียน, เฒาะ เม่ย เหฒี่ย ฟิ ฒุ์ย เญย กะน้าย เหธา ปั๊ว เหฒี่ย เญย กะน้าย เหฒี่ย ฟิ กั้น เญย ฒุ์ย เหธา แปะ ฝีง เญย ฒุ์ย. แอ๋ง เฒาะ ต้ง แปะ ฝีง ต้อ ต้าย ฝ่ง ห่อ เหฒี่ย เญย กะน้าย เถง ฟิ นิ่น บัว เญย ฒุ์ย หฒิว เฒี้ยว บั๋ว เญย หว่า.”

8อาโลน ฯฒฯ ต้าย เถา เหฒี่ย-ต้อง ไต๋ เหว่ย ฟิ กั้น เญย ฒุ์ย วั้ว เต้า ง่ง ตอน.

9นิ่น เญย ตอน ต้อ ง่ง เญย ฑย้าม ต้าย ปุน นิ่น, นิ่น ฯฒฯ หล่ง ปั์ว-โด๊ะ โธะ ฑย้าม ไหฒ เจี๊ยน เหฒี่ย-ต้อง เญย เปยย นอม จอง. เหฒ่ง เหฌี่ย เญย ฑย้าม นิ่น โต๋ เหฒี่ย-ต้อง เญย กอน.

10นิ่น แอ๋ง เฒาะ เหฒี่ย ฟิ ฒุ์ย วั้ว เต้า แซง-คู้ เญย เฮมย, เหธา หญุด เฒ้ย, เหธา ปวัง เจี๊ยน ฮลัน เญย อ๊อ-บย์อง อัน เหฒี่ย-ต้อง ปั๊ว, หฒิว เฒี้ยว บั๋ว โมเซ นอ.

11นิ่น เฒาะ ง่ง ด๊บ เหธา อ๊อ ต้อ ธ้วด กะเหญี่ย หฒิ เธี้ยง ปั๊ว กวั่ง.

12อาโลน หย่า ไต๋ ปั๊ว เหฒี่ย วั้ว เต้า แซง-คู้. นิ่น เญย ตอน ต้อ แซง-คู้ ฑย้าม ปุน อาโลน, นิ่น ฯฒฯ เพี้ยด เหฒี่ย-ต้อง เปยย ปูง.

13นิ่น บัว แอ๋ง เฒาะ ปั๊ว เหฒี่ย เญย แซง-คู้ เหยียด หฆัน เหยียด หฆัน, เลี่ยม มฆ้อง, ธุ้น ปุน อาโลน. อาโลน ฯฒฯ อัน เหฒี่ย-ต้อง กู้ หงว่าย ปั๊ว.

14นิ่น หฑาว เยียม เฮญี้ยว เญย กะน้าย เหธา ฒุ่ย อัน เหฒี่ย-ต้อง เหธา ปั๊ว เหฒี่ย เญย กะน้าย เหยียด เหฌี่ย ปั๊ว.

15อาโลน แอ๋ง เฒาะ แปะ ฝีง ฝ่ง ห่อ เญย กะน้าย ต้าย เหฒี่ย. นิ่น เฒาะ เหว่ย ฟิ แปะ ฝีง เญย ฒุ์ย วั้ว เต้า ยู่ง โก๊ว ไต๋ ต้าย เหฒี่ย ฟิ ฒุ์ย ฮนั้ง ต้าว หฑุ่น เหฒี่ย ฟิ ฒุ์ย วั้ว นอ.

16นิ่น หย่า เฒาะ ปั๊ว เหฒี่ย เญย กะน้าย ต้าย เอย เจี๊ยน เล์ย เหฒี่ย.

17แอ๋ง เฒาะ เหยียด เญา ฝ่ง ห่อ เหฒี่ย เญย ล่าง หฒิ อัน เหฒี่ย-ต้อง ปั๊ว. น้าย หย่า ไม้ ฝุน เปียะ ดอมๆ ปั๊ว เหฒี่ย เญย กะน้าย.

18อาโลน ไต๋ เหฒี่ย เหว่ย เถง แปะ ฝีง จิว ทง วั้ว เต้า ง่ง เหธา ปะกี ยู่ง โก๊ว. นิ่น เญย ตอน บัว แอ๋ง ต้อ ฑย้าม ต้าย ปุน นิ่น, นิ่น ฯฒฯ เพี้ยด เหฒี่ย-ต้อง เปยย ปูง.

19ง่ง เญย เฮมย เหธา ยู่ง เญย เฮมย, จุ่น เญย เตว๊ย, แธะ-จ้าง เฮมย, หญุด เฒ้ย เหธา ปวัง ฮลัน เญย อ๊อ-บย์อง,

20นิ่น บัว เฮยี้ยด เจี๊ยน เหลาะ ฮยวัง อ๊อ กู้ หงว่าย. อาโลน ฯฒฯ เฒาะ เฮมย อัน เหฒี่ย-ต้อง ปั๊ว.

21มป่า เหลาะ ฮยวัง อ๊อ เหธา บย่าว ปูง เหฒา-ฒุ่ย อาโลน เยียม เฒี้ยว เญย หฑะเฮมียน ธุ้น กีง เหว่ย โหฒว ธุ้น กีง ฝ่ง ห่อ เญย กะน้าย, หฒิว โมเซ บั๋ว เญย หว่า.

22อาโลน ฯฒฯ ฮวิน เจี๊ยน แปะ ฝีง วั้ว ปูง, ซูง ปั์ว ปวัง หว่า นิ่น บัว. เหฒี่ย ลิ์ว ฟิ ฒุ์ย เญย กะน้าย เหธา ปั๊ว เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย, อาโลน เยียม เหฒี่ย-ต้อง เหฌี่ย ต้าย.

23โมเซ เหธา อาโลน เปียะ หวุ่ย ปวั้ง เญย ด๊บ-ลิ่ว. ธ้วด ต้าย วั้ว หฒั่น, นิ่น บัว ปวัง หว่า ปุน แปะ ฝีง. เฒี้ยว เญย ฌัง-หล่าง ฯฒฯ หิ่น ปุน หฒวัง เมี่ยน ปวัด.

24ม่าย โต์ว เยียม เฒี้ยว ธ้วด ต้าย ปั๊ว เยียม เหฒี่ย-ต้อง ปั๊ว เหฒี่ย เญย กะน้าย เหธา เหยียด ฒู้ง เฮมย. หฒวัง เมี่ยน ปวัด, นิ่น บัว เฌียน-โย่ว เญย เห่ว แอ๋ง บ๊าบ เหฌี่ย เถา เดา.

← Chapter 8 Jump to: Chapter 10 →