Amos 8

Kamba (Mbivilia) 1956

← Chapter 7 Jump to: Chapter 9 →

1Ũũ nĩw’o Mwĩaĩi Yeova wambonisye: na, sisya, kĩkavũ kĩ ũsyao wa ĩvinda ya syũa.

2Nake akũlya, Amosi, wĩona kyaũ? Nakwa nasũngĩa, Kĩkavũ kĩ ũsyao wa ĩvinda ya syũa. Nĩvo Yeova wambĩie, Mũminũkĩlyo nĩwooka ĩũlũ wa andũ makwa Isilaeli; ndikamavĩta ĩngĩ o na ĩndĩĩ.

3Na mbathi sya ĩkalũ ikatw’ĩka iĩo mũthenya ũsu, easya ũu Mwĩaĩi Yeova: simba ikeethĩwa nyingĩ; kĩla vandũ makasyĩkya nza mavindĩtye.

4Ĩw’ai ũũ, inyw’ĩ ala mwendaa kũmelya athĩni, na kũtuma ngya sya nthĩ ithela,

5mũkyasya, Mũtiso wa mwei ũkathela ĩndĩĩ, nĩ kana twĩthoosye lĩu wa mbaa ngetha? Na savato ũkathela ĩndĩĩ, nĩ kana tumĩlye nganũ, tũkĩnyivya eva, na tũkyongela sekeli, na kũkenga andũ na ithimi sya ũkengani;

6nĩ kana tũthooe ngya na vetha, na kũthooa mũthĩni na iatũ ilĩ, na kũthoosya nganũ ĩla ĩte nzeo?

7Yeova nĩwevĩtie na ũnene wa Yakovo, Vate ndĩi ndikolwa nongi nĩ wĩa woo o na ũmwe.

8Nthĩ ndĩkatetema nũndũ wa ũu, na kĩla ũmwe ũmĩtwĩe ndakameta? Ĩĩ, ĩkookĩla vyũ ta ũla Ũsĩ; na ĩkathokoana na kũusya ĩngĩ, ta Ũsĩ wa Misili.

9Na kũkeethĩwa mũthenya ũsu, ngathũsya syũa yĩ katambanga, na ngatulĩthya nthĩ kĩvindu kwĩ mũthenya kwĩsang’ũlĩtye, easya ũu Mwĩaĩi Yeova.

10Na ngaalyũla mboka syenyu itw’ĩke kĩmeto, na mbathi syenyu syonthe itw’ĩke kĩĩo; na ngatuma inyunyu syonthe ivotowa makunia, na ũvaa ĩũlũ wa kĩla mũtwe; na ngakĩtw’ĩkĩthya ta kũĩĩwa kwa mwana e ũmwe, na mũminũkĩlyo wamo ta mũthenya wĩ ũũ.

11Sisya, mĩthenya nĩyũkĩte, easya ũu Mwĩaĩi Yeova, ĩla ngaete yũa nthĩ, na ti yũa ya lĩu, o na waũni wa kĩw’ũ, ĩndĩ nĩ ya kwĩw’a ndeto sya Yeova.

12Na makangangaa kuma ũkanga kũvika ũkanga, na kuma ngalĩ ya ĩũlũ o na kũvika ngalĩ ya wumĩlonĩ wa syũa; makasemba kũũ na kũũ mamanthe ndeto ya Yeova, na matikamyona.

13Mũthenya ũsu eĩtu aseo atheu na anake makanyala nũndũ wa waũni.

14Ala mevĩtaa na naĩ ya Samalia, na kwasya, O tondũ ngai yaku, we Ndani, ĩ thayũ; na, O tondũ mwĩkalĩle wa Mbeeli‐sieva wĩ thayũ; makavalũka, na matikokĩla ĩngĩ.

← Chapter 7 Jump to: Chapter 9 →