bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Mark 10
Mark 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Na ookĩla auma vo, athi mĩvakanĩ ya Yutia, na mũingo wa Yolotani: na makomano mamũkomanĩa ĩngĩ; na amamanyĩsya ĩngĩ, o ũndũ wakothaa kwĩka.
2
Na Avalisi mooka vala ũĩ, mamũkũlya, makĩmũtata, Nĩkwosana na ĩla mĩao mũndũ kũmũeka mũka wake?
3
Nake asũngĩa, na amea, Mose amwĩaĩe ata?
4
Masya, Mose nĩwetĩkĩlile valũa wa kũtaanĩsya ũandĩkwe, na kũmũeka.
5
Ĩndĩ Yesũ amea, Nĩ kwondũ wa wũmũ wa ngoo syenyu wamũandĩkĩe mwĩao ũsu.
6
Ĩndĩ kuma mwambĩlĩlyonĩ wa syĩndũ kũmbwa, Ngai oombie mũũme na mũka.
7
Kwondũ wa ũu mũndũ akatia ĩthe na nyinyia, na akalũman’ya na mũka wake;
8
namo elĩ makeethĩwa mwĩĩ ũmwe: o na maikethĩwa me elĩ ĩngĩ, ĩndĩ nĩ mwĩĩ ũmwe.
9
Ĩndĩ ala Ngai ũlũmanĩtye, mũndũ ndakamataan’ye.
10
Na me nyũmbanĩ amanyĩw’a mamũkũlya ĩngĩ ũvoo ũsu.
11
Na amea, O ũla ũkamũeka mũka wake, na aitwaa ũngĩ, nĩwamũvĩtanĩsya mũka kwa kwĩka ũlaalai:
12
na ethĩwa mũka ewe akamũeka mũũme, na aitwawa nĩ ũngĩ, nũnũũlaalaa.
13
Na mamũteee syana nini nĩ kana aikiite; na amanyĩw’a mamakan’ya.
14
Ĩndĩ Yesũ oona ũu, athatw’a, na amea, Iekeĩ syana nini syũke kwakwa; mũikaivate: nũndũ ũsumbi wa Ngai nĩ wa ala mailyĩ ta isu.
15
Nĩ w’o nĩngũmwĩa, O ũla ũtosaa ũsumbĩ wa Ngai ta kana kanini, ndakalika vo nongi.
16
Na aivĩtĩĩsya moko make, na aiathima, akĩsilĩĩla moko ĩũlũ wasyo.
17
Na akĩthi na nzĩa, mũndũ ũmwe ooka vala ũĩ asembete, na amũtulĩlya ndu, amũkũlya, Mũmanyĩsya mũseo, nĩke ũndũ wĩva nĩ kana nĩtiĩwe thayũ ũtathela?
18
Na Yesũ amũkũlya, Nĩkĩ ũũmbĩta mũseo? Kũi mũseo ate o ũmwe, nake nĩ Ngai.
19
Nũmĩsĩ ĩla mĩao, Ndũkoae, Ndũkalaalae, Ndũkoye, Ndũkaneene ũkũsĩ wa ũvũngũ, Ndũkavutane, Taĩa au na mwenyu.
20
Nake amwĩa, Mũmanyĩsya, maũndũ asu onthe nĩnamakwatie kuma nĩ mũnini.
21
Na Yesũ aimũsisya amwenda, na amwĩa, Ve ũndũ ũmwe ũtiele: thi, ũkathoosye o ila wĩ nasyo, ũnenge ngya, na ũkethĩwa na ũthwii ĩtunĩ: na ĩndĩ ũkyũka, ũngatĩĩe.
22
Ĩndĩ ũthyũ wake waalyũka eew’a ndeto ĩsu, nake athi na woo: nĩkwĩthĩwa aĩ na ũthwii mwingĩ.
23
Na Yesũ asisya ngalĩ syonthe, na amea amanyĩw’a make, Ko nĩ vinya ala athwii kũlika ũsumbĩnĩ wa Ngai!
24
Na amanyĩw’a make maseng’a nũndũ wa ndeto syake. Indĩ Yesũ asũngĩa ĩngĩ, amea, Syana, ko nĩ ũndũ wĩ vinya ala mekũĩkĩĩa ũthwii makĩlika ũsumbĩnĩ wa Ngai!
25
Nĩ ũvũthũ ngamĩle kũvotela kalimanĩ ka singano, kwĩ mũndũ mũthwii kũvota ũsumbĩnĩ wa Ngai.
26
Na maseng’a mũno mũnene, makĩmwĩa, Nũũ ĩndĩ ũtonya kũtangĩĩwa?
27
Na Yesũ amasisya, amea, Kwa andũ ndũtonyeka, ĩndĩ kwa Ngai ti ũu: nũndũ maũndũ onthe nĩmatonyeka kwa Ngai.
28
Vetelo ambĩlĩlya kũmwĩa, Sisya, ithyĩ nĩtũtiĩte syonthe na twakũatĩĩa.
29
Yesũ asya, Nĩ w’o nĩngũmwĩa, Kũi mũndũ waatia nyũmba, kana ana‐a‐inyia, kana eĩtu‐a‐inyia, kana nyinyia, kana ĩthe, kana syana, kana mĩũnda, kwondũ wakwa, na kwondũ wa ũvoo mũseo,
30
ũtakosa yu ĩvinda yĩĩ vandũ va kĩmwe ĩana, nyũmba, na ana‐a‐inyia, na eĩtu‐a‐inyia, na aanyinyia, na syana, na mĩũnda, vamwe na mathĩna; na ĩvinda yĩla yũkĩte thayũ ũtathela.
31
Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.
32
Na me nzĩanĩ, mambatĩte Yelũsaleme, Yesũ eethĩwa amatongoesye: na maseng’a; na mamũatĩĩa me na w’ĩa. Na oosa ĩngĩ ala ĩkũmi na elĩ, n ambĩlĩlya kũmatavya maũndũ ala makamũkĩtĩkĩa,
33
akyasya, Sisyai, nĩtũkwambata Yelusaleme; na Mwana wa mũndũ akanenganwe mokonĩ ma athembi anene na aandĩki; nao makamũsilĩla oawe, na makamũnengane mokonĩ ma Andũ‐ma‐mbaĩ‐ingĩ;
34
na makamũthekeea na kĩvũthya, na kũmũtw’ĩlanga mata, na kũmũvũa, na kũmũaa; na ĩtina wa matukũ atatũ akathayũũka.
35
Na Yakovo na Yoana, ana ma Sevetii, mamũthengeea, makĩmwĩa, Mũmanyĩsya, nĩtũkwenda ũtwĩke o ũla tũũkũvoya.
36
Na amakũlya, Mwĩenda nĩmwĩke ata?
37
Nao mamwĩa, Tũnenge ithyĩ kwĩkala, ũmwe ngalĩ ya kw’oko kwaku kwa aũme, na ũmwe ngalĩ ya kw’oko kwaku kwa aka, ũtheunĩ waku mũtisu.
38
Ĩndĩ Yesũ amea, Mũtyĩsĩ ũndũ mũũvoya. Nĩmũtonya kũnyw’a kĩkombe kĩla nĩnyw’a nyie, kana kũvatiswa na ũvatiso ũla nĩvatiswa naw’o?
39
Na mamwĩa, Nĩtũtonya. Na Yesũ amea, Kĩkombe kĩla nĩnyw’a mũkanyw’a; na ũvatiso ũla nĩvatiswa naw’o mũkavatiswa naw’o:
40
ĩndĩ kwĩkala ngalĩ ya kw’oko kwakwa aũme, kana ngalĩ ya kw’oko kwakwa kwa aka, ti ũndũ wakwa kũnengane; ĩndĩ nĩ kwa ala maseũvĩw’e.
41
Na ala ĩkũmi meew’a ũu, mambĩlĩlya kũmathatĩa Yakovo na Yoana.
42
Na Yesũ ameta moke vala ũĩ, na amea, Nĩmwĩsĩ kana ala matalawa kwĩthĩwa anene ĩũlũ wa Andũ‐ma‐mbaĩ‐ingĩ, nĩmasumbĩkaa ĩũlũ woo; na anene moo nĩmameaĩaa.
43
Ĩndĩ ũu tiw’o katĩ wenyu: ĩndĩ o ũla ũkwenda kwĩthĩwa e mũnene katĩ wenyu, akeethĩwa e mũthũkũmi wenyu;
44
na o ũla ũkwenda kwĩthĩwa wa mbee katĩ wenyu, akeethĩwa e ngombo ya onthe.
45
Nũndũ o na Mwana wa mũndũ nake ndaaũka kũthũkũmwa, ĩndĩ nĩ kũthũkũma, na kũnengane thayũ wake wĩthĩwe wovosyo kwondũ wa aingĩ.
46
Na mavika Yeliko: na akyuma Yeliko, vamwe na amanyĩw’a make na ĩkomano inene, Valitimeo, mwana wa Timeo, mũvoyi kĩlilinda, ailyĩ ũtee wa nzĩa.
47
Na eew’a kana nĩ Yesũ Mũnasaleti, ambĩlĩlya kũneena na wasya mũnene, na kwasya, Yesũ, mwana wa Ndaviti, mbĩw’ĩa tei.
48
Na aingĩ mamũkan’ya, nĩ kana avindye: ĩndĩ ookĩlya wasya mũno mũnene mbee, We mwana wa Ndaviti, mbĩw’ĩa tei.
49
Na Yesũ aũngama, na asya, Mwĩtei. Na mamwĩta mũvoyi ũla kĩlilinda, mamũtavya, Ĩthĩwa na ũtanu: ũkĩla, nũnũũkwĩta.
50
Nake alekya ngũa yake nthĩ, athaanyũka, na ooka vala ve Yesũ.
51
Na Yesũ amũsũngĩa, asya, Wĩenda ngwĩke ata? Na ũsu kĩlilinda amwĩa, Lavai, nĩenda kwona.
52
Na Yesũ amwĩa, Enda; mũĩkĩĩo wakũ nĩwakũvosya. Na oyu anengwa kwona, na amũatĩĩa Yesũ nzĩanĩ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16