bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Mark 3
Mark 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
1
Na alika ĩngĩ ĩsinakokenĩ; na kwaĩ mũndũ vo waĩ na kw’oko kwau.
2
Na mamũsyaĩĩsya, kana nũnũũmũvosya mũthenya wa savato: nĩ kana mamũvinganĩsye.
3
Na amwĩa ũla mũndũ waĩ na kw’oko kwau, Ũngama katĩ.
4
Na amakũlya, Nĩkwosana na ĩla mĩao kwĩka nesa mũthenya wa savato, kana kwĩka ũthũku? Kũtangĩĩa thayũ kana kũaa? Indĩ mavindya.
5
Na amasiangya na ũthatu, akĩw’a woo nũndũ wa wũmũ wa ngoo syoo, amwĩa ũla mũndũ, Tambũũkya kw’oko kwaku. Na atambũũkya; na kw’oko kwake kwavoa kwethĩwa kũima.
6
Na Avalisi maumaala, na oyu mambĩlĩlya kũsaman’ya vamwe na ala ma Elote ũndũ matonya kũmũaa.
7
Na Yesũ eesomola vau, we na amanyĩw’a make, athi ũkanganĩ: na ĩkomano ĩnene kuma Kalilii yamũatĩĩa: o na kuma Yutia,
8
na kuma Yelusaleme, na kuma Itumea, na mbee was Yolotani, na ngalĩ sya Tile na Sitoni, ĩkomano ĩnene, ya ala meew’a maũndũ manene ala wĩkaa, mooka vala ũĩ.
9
Na atavya amanyĩw’a make kana kakalawa kekale vakuvĩ nake nũndũ wa ĩkomano, yĩikese kũmũvivinya;
10
nũndũ nũvoetye aingĩ; na onthe ala maĩ na mothĩn’yo mamũvivinyanĩa nĩ kana mamũkiite.
11
Na maveva mavuku, o yĩla mamwona, mavalũka nthĩ mbee wake, na kũneena na wasya mũnene, makyasya, We nue Mwana wa Ngai.
12
Na amakindĩlĩla mũno maikamumbũle.
13
Na ambata kĩĩmanĩ, na ameta o ala wendete we mwene moke kwake; nao mooka vala ũĩ.
14
Na anyuva ĩkũmi na elĩ kana methĩwae vamwe nake, na nĩ kana amatũme kũtavan’ya,
15
na kwĩthĩwa na ũkũmũ wa kũvosya mowau na kumya ndaimoni;
16
na amũtw’ĩĩa Simoni syĩtwa yĩngĩ, Vetelo;
17
na Yakovo mwana was Sevetii, na Yoana mwana‐a‐inyia wa Yakovo; namo amatw’ĩĩa syĩtwa yĩngĩ, Voaneliki, nayo nĩ, Ana ma kĩtundumo:
18
na Andalea, na Vilivu, na Valitholomayo, na Mathayo, na Thoma, na Yakovo mwana wa Aluvaio, na Thatayo na Simoni Mũkanaani,
19
na Yutasi Isikalioti, ũla wamũvũnyanĩe. Na mathi nyũmbanĩ.
20
Na yĩla ĩkomano yoombana ĩngĩ, ũndũ mo mataatonya ũndũ o na kũya lĩu.
21
Na andũ ma kwoo meew’a ũu, maumaala mamũkwate: nũndũ masya, E na ndũũka.
22
Na aandĩki ala matheeie kuma Yelusaleme masya, E na Veelisevuli, na eumya ndaimoni na vinya wa mũnene wa ndaimoni.
23
Na ameta moke vala ũĩ, na amatavya na ngelekan’yo, Satani atonya ata kumya Satani?
24
Na ethĩwa ũsumbĩ nĩwĩvathanĩtye, ũsumbĩ ũsu ndũtonya kũũngama.
25
Na ethĩwa nyũmba nĩyĩvathanĩtye, nyũmba ĩsu ndĩtonya kũũngama.
26
Na ethĩwa Satanĩ nũkwĩyũkita mwene, na kwĩvathan’ya, ndakaũngama, ĩndĩ e na mũminũkĩlyo.
27
Ĩndĩ vai mũndũ ũtonya kũvota nyũmbanĩ ya ũla wĩ vinya, akamũvuta mĩio yake, atambĩte kũmwova ũla wĩ vinya; na ĩndĩ aitava ila syĩ nyũmbanĩ yake.
28
Nĩ w’o nĩngũmwĩa, Naĩ syonthe ĩkaekewa ana ma andũ, na moumano moo ala maumanaa namo:
29
ĩndĩ o ũla wĩmũuma Veva Mũtheu nde ĩndĩ ũkaekewa, ĩndĩ e na ĩvĩtyo ya tene na tene;
30
nũndũ masya, E na veva mũvuku.
31
Na inyia wake na ana‐a‐inyia make mooka; na maũngama nza, na mamũtũmana maimwĩta.
32
Na ikomano yekala nthĩ yĩmũthyũlũlũkĩte; na mamwĩa, Sisya, mwenyu na ana‐a‐mwenyu me nza na nĩmeũkũmantha.
33
Na amasũngĩa, na asya, Mwaitũ na ana‐a‐ia naaũ?
34
Na amasiangya ala mekalĩte nthĩ mamũthyũlũlũkite, na asya, Sisyai, mwaitũ na ana‐a‐ia!
35
Nĩkwĩthĩwa o ũla wĩkaa kwenda kwa Ngai, ũsu nĩwe mwana‐a‐ia, na mwĩĩtu‐a‐ia, na mwaitũ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
All chapters:
1
2
3
4
5
6
7
8
9
10
11
12
13
14
15
16