bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Mark 9
Mark 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
Na amea, Nĩ w’o nĩngũmwĩa, Ve andũ amwe ma aa maũngeme vaa, ala matakasama kĩkw’ũ nongi, matanamba kwona ũsumbĩ wa Ngai wũkĩte na vinya.
2
Na matukũ thanthatũ mathela Yesũ oosa Vetelo, na Yakovo, na Yoana, ambata nao kĩĩmanĩ kĩtũlu me oka: na mũvw’ano wake waalyũka mene;
3
na ngũa syake syakaka, syeeũva kw’ũ, ũndũ mũthambya o na wĩva kũũ nthĩ ũtatonya kweũvya.
4
Na Eliya vamwe na Mose mamaumĩlĩa: nao nĩmaneenanasya na Yesũ.
5
Na Vetelo asũngĩa na amwĩa Yesũ, Lavai, nĩ ũseo kwitũ kwĩthĩwa vaa: na twake malwanda atatũ; yĩmwe yĩthĩwe yaku, na yĩmwe ya Mose, na yĩmwe ya Eliya.
6
Nũndũ ndaamanya ũndũ wa kũneena; nĩkwĩthĩwa nĩmalikilwe nĩ w’ĩa mũnene.
7
Na kwooka ĩthweo yamekĩa muunyĩ: na wasya wauma ĩthweonĩ, ũkyasya, Ũũ nĩwe Mwana wakwa mwendwa: mwĩw’ei we.
8
Na mĩtũkĩ masisya kũũ na kũũ, na matyaona mũndũ ĩngĩ, ate o Yesũ weka vamwe nao.
9
Na makĩtheea kuma kĩĩmanĩ, ameaĩa maikatavye mũndũ maũndũ ala monie, mũvaka o yĩla Mwana wa mũndũ ũkathayũũka kuma kwa akw’ũ.
10
Na masũvĩa ĩla ndeto, maikũlan’ya ene kwa ene ũndũ kũthayũũka kuma kwa akw’ũ kũilyĩ.
11
Na mamũkũlya, makyasya, Nĩkĩ ĩndĩ aandĩki mekwasya mũvaka Eliya ambe kũka?
12
Na amea, Nĩ w’o Eliya nĩwũkĩte mbee, na kũtũnga maũndũ onthe kwĩthĩwa meũ: ĩndĩ kũandĩkĩtwe ata ũndũ wa Mwana wa mũndũ, kana akathĩnw’a na mathĩna maingĩ na kũlewa?
13
Ĩndĩ nĩngũmwĩa kana Eliya nĩwokie, nao mamwĩkie o ũndũ mendie, o ũndũ waandĩkĩwe.
14
Na mavika vala ve amanyĩw’a, moona ĩkomano ĩnene yĩmathyũlũlũkĩte, na aandĩki maikũlangan’ya nao.
15
Na oyu ĩkomano yonthe yamwona, yaseng’a mũno, na yasemba vala ũĩ yamũkethya.
16
Na amakũlya ala aandĩki, Mwĩkũlan’ya nao ata?
17
Na ũmwe wa ĩkomano amũsũngĩa, Mũmanyĩsya, nĩnakũetee mwana wakwa wĩ na veva ũtaneenaa;
18
na o vala ũmũtwaaa nũũmũlumangan’ya na nthĩ: na ĩvũyũ nĩyĩũmuma, na nũnũkũvevetan’ya maeo, na nũnũkũsonzoma: na namatavya amanyĩw’a maku mawumye; na maemwa.
19
Na amasũngĩa asya, Ũsyao ũũ ũte na mũĩkĩĩo, ngeethĩwa nenyu ĩvinda yĩana ata? Nĩmũmĩĩsya ĩvinda yĩana ata? Mũetei vaa nĩĩ.
20
Na mamũete vala ũĩ: na amwona, oyu ũla veva wamũthingithangya mũno; na avalũka nthĩ, na eeyalalya akyumwa nĩ ĩvũyũ.
21
Na akũlya ĩthe, Nĩ kuma ĩvinda yĩva akwatwa nĩ ũndũ ũũ? Na amwĩa, Kuma e mũnini.
22
Na mavinda maingĩ nũmwĩkasya mwakinĩ, o na manzĩnĩ, ũmwanange: ĩndĩ ethĩwa nũtonya ũndũ, utwĩw’ĩe tei, noitũtethya.
23
Na Yesũ amwĩa, Ethĩwa we nũtonya! Maũndũ onthe nĩmatonyeka kwa ũla ũnũkũĩkĩĩa.
24
Na oyu ĩthe wa ũla mwana aneena na wasya mũnene, asya, Nĩngũĩkĩĩa; ndethya vala ndekũĩkĩĩa.
25
Na yĩla Yesũ wonie kana ĩkomano yooka yĩsembete vamwe, akan’ya ũla veva mũvuku akĩwĩa, We veva ũtaneenaa na ũtew’aa, nĩngũkwĩaĩa, mume, na ndũkaamũlike ĩngĩ.
26
Na wakaya, na wamũthingithangya mũno, wamuma: na ũla mwana eethĩwa ta wak’wa; mũvaka ala aingĩ masya, Nĩwakw’a.
27
Ĩndĩ Yesũ amũkwata kw’oko amũkĩlya; nake aũngama.
28
Na Yesũ avota nyũmba, amanyĩw’a make mamũkũlya me nzama, Nĩkĩ ithyĩ tũinatonya kũwumya?
29
Na amea, Mũthemba ũũ ndumĩka kwa ũndũ o na wĩva, ate o kwa kũvoya na kũtĩĩa ũya.
30
Na mauma vo, mavĩtĩla katĩ wa nthĩ ya Kalilii; nake ndendaa mũndũ o na wĩva amanye ũu.
31
Nũndũ amamanyĩasya amanyĩw’a make, na kũmea, Mwana wa mũndũ nũnũkũnenganwe mokonĩ ma andũ, na makamũaa; na mamũaa, ĩtina wa matukũ atatũ akathayũũka.
32
Ĩndĩ maiaamanya ndeto ĩsu na makĩa kũmũkũlya.
33
Na mavika Kavelinaumi: na yĩla waĩ nyũmba amakũlya, Mwĩsũanĩaa ata mwĩ nzĩanĩ?
34
Ĩndĩ mavindya: nũndũ nĩmakananĩaa ene kwa ene me nzĩanĩ, nũũ ũla mũnene.
35
Na ekala nthĩ, na ameta ala ĩkũmi na elĩ; na amea, Ethĩwa mũndũ nũkwenda kwĩthĩwa wa mbee, akeethĩwa e ĩtina kwĩ onthe, na mũthũkũmi wa onthe.
36
Na oosa kana kanini, akekalya katĩ woo: na akavĩtĩĩsya moko, amea,
37
O ũla ũkosa kamwe ka syana nini iilyĩ kaa syĩtwanĩ yakwa, embosa nyie: na o ũla ũnũũmbosa nyie, ndeũmbosa nyie, ĩndĩ nĩ ũla wandũmie.
38
Yoana amwĩa, Mũmanyĩsya, nĩtũnoonie mũndũ akyumya ndaimoni na syĩtwa yaku; na twamũvata, nĩkwĩthĩwa ndeũtũvikĩla.
39
Ĩndĩ Yesũ asya, Mũĩkamũvate: nĩkwithĩwa vai mũndũ ũla ũkeka wĩa wĩ vinya na syĩtwa yakwa, na oyu mĩtũkĩ akaneenea naĩ.
40
Nũndũ ũla ũte na ũndũ naitũ e ngalĩ ĩ yaitũ.
41
Nũndũ o ũla ũkamũnenga kĩkombe kya manzĩ mũnyw’e, nĩkwĩthĩwa mwĩ ma Klĩsto, nĩ w’o nĩngũmwĩa ndakaĩwa nĩ ĩtuvi yake.
42
Na o ũla ũkalulutĩkya kamwe ka tũũ tũnini tũla tũmbĩtĩkĩlaa, nĩ kavaa kwake kwoveewa ngingo ĩvia ĩnene ya kũthia, na akĩkw’a ũkanganĩ.
43
Na ethĩwa kw’oko kwaku nĩkũũkũlulutĩkya, kũtile: nĩ ũseo kwaku ũlike thayũnĩ na kĩthu kya kw’oko, kwĩ kũthi Ngienanĩ wĩ na moko elĩ, mwakinĩ ũla ũte ĩndĩ ũkavoa;
44
(vala kĩinyũ kyoo kĩtakw’a, na vala mwaki ũtavoa).
45
Na ethĩwa kũũ kwaku nĩkũũkũlulutĩkya, kũtile: nĩ ũseo kwaku ũlike thayũnĩ na kĩthu kya kũũ, kwĩ ũkĩkw’a Ngienanĩ wĩ maũũ elĩ, mwakinĩ ũte ĩndĩ ũkavoa:
46
(vala kĩinyũ kyoo kĩtakw’a, na vala mwaki ũtavoa).
47
Na ethĩwa itho yaku nĩyĩũkũlulutĩkya, yumye: nĩ ũseo kwaku ũlike ũsumbĩnĩ wa Ngai wĩ na nthongo, kwĩ ũkĩkw’a Ngienanĩ wĩ na metho elĩ:
48
vala kĩinyũ kyoo kĩtakw’a, na vala mwaki ũtavoa.
49
Nũndũ kĩla mũndũ akekĩwa mũnyũ nĩ mwaki, na kĩla nthembo ĩkasamĩthw’a mũnyũ nĩ mũnyũ.
50
Mũnyũ nĩ mũseo: ĩndĩ mũnyũ wathela mũsamo waw’o, mũkasamĩthya na kyaũ? Ĩthĩwai na mũnyũ nthĩnĩ wenyu, na ĩkalai na mũuo inyw’ĩ kwa inyw’ĩ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16