bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Mark 14
Mark 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Na ĩtina wa mĩthenya ĩlĩ kwaĩ mboka ya vasaka na kĩmũtũ kĩte ĩlawa: na athembi anene na aandĩki mamantha ũndũ matonya kũmũkwata na ũseleke na kũmũaa:
2
nũndũ maasya, Tũikaamũkwate ĩvinda ya mboka, kũikese kwĩthĩwa kĩtuu andũnĩ.
3
Na yĩla waĩ Vethania nyũmbanĩ ya Simoni ũla ũwaĩte mangũ, ailyĩ lĩunĩ, kwooka mũndũ mũka e na sũva wa mauta matheu, me thooa mũnene mũno; na ooaa sũva amwĩtĩkĩsye mũtwenĩ wake.
4
Ĩndĩ kwaĩ amwe mathatie ngoonĩ syoo, makyasya, Wanango ũũ wa mauta nĩ wa kĩ?
5
Nũndũ mauta aa meĩ matonya kũtewa mbee wa silingi maana atatũ, ikanengwa ngya. Na mamũnyungunyĩĩsya ũla mũndũ mũka.
6
Ĩndĩ Yesũ asya, Ekanai nake; nĩkĩ mũũmũthĩn’ya? Ambĩka wĩa mũseo.
7
Nĩkwĩthĩwa ngya mwĩ nasyo mavinda onthe, na yĩla mũkwenda nĩmũtonya kũmeka nesa; ĩndĩ nyie mũi nakwa mavinda onthe.
8
Nĩweka ũla ũtonya; amba ũmbĩtĩkĩsya mwĩĩ wakwa mauta kwondũ wa kũthikwa kwakwa.
9
Na nĩ w’o nĩngũmwĩa, O kũla kũkatavanw’a ũvoo mũseo nthĩ yonthe ũndũ ũũ naw’o weekwa nĩ mũndũ mũka ũũ ũkawetwa wĩthĩwe wa kũmũlilikana we.
10
Na Yutasi Isikalioti, ũmwe wa ala ĩkũmi na elĩ, athi kwa athembi anene, ni kana amũnengane kwoo.
11
Nao, meew’a ũu, matana, na mamwatha kũmũnenga mbesa. Na amantha ũndũ ũtonya na ũvũthũ kũmũnengane kwoo.
12
Na mũthenya wa mbee wa kĩmũtũ kĩte ĩlawa, yĩla mooaie katena ka vasaka, amanyĩw’a make mamũkũlya, Wĩenda tũende tũkaũseũvisye va ũye vasaka?
13
Na atũma elĩ ma amanyĩw’a make, amea, Endai ndũanĩ, na mũndũ ũkuĩte kĩkuu kya manzĩ ekomana nenyu: mũvikĩlei ũsu;
14
na o vala wĩlika, tavyai mwene wa nyũmba, Mũmanyĩsya akũlya, Ĩĩva nyũmba yakwa ya aeni, vala ngũĩa vasaka vamwe na amanyĩw’a makwa?
15
Nake mwene akamwon’ya nyũmba nene ya ĩũlũ, nzeũvye yĩ na mĩio: mũtũseũvĩsye vo.
16
Na amanyĩw’a maũmaala, mathi ndũanĩ, na moona o ũndũ ũmatavisye: na maseũvya vasaka.
17
Na kwavika wĩoo ooka vamwe na ala ĩkũmi na elĩ.
18
Na mailyĩ makĩya, Yesũ asya, Nĩ w’o nĩngũmwĩa, Ũmwe wenyu akambũnyanĩa, nake nũnũũya vamwe nakwa.
19
Mambĩlĩlya kwĩw’a woo na kũmũkũlya ũmwe na ũmwe, Ninyie?
20
Na amea, Nĩ ũmwe wa ala ĩkũmi na elĩ, ũla ũnũkwĩkĩanĩa kw’oko ĩsaaninĩ vamwe nakwa.
21
Nũndũ Mwana wa mũndũ ethi, o ũndũ waandĩkĩwe: ĩndĩ woo nĩ wa mũndũ ũsu ũla wĩmũvũnyanĩa Mwana wa mũndũ! Wĩthĩwa wi ũseo kwa mũndũ ũsu kethĩwa ndaasyawa.
22
Na makĩya, oosa kĩmũtũ, na akĩathima, akĩtilanga, na amanenga, amea, Osai: kĩĩ nĩkyo mwĩĩ wakwa.
23
Na oosa kĩkombe, na atũnga mũvea, amanenga: na onthe manyw’a yakyo.
24
Na amea, Ĩno nĩyo nthakame yakwa ya ũtianĩo mweũ, ĩla ĩĩtĩkwa kwondũ wa andũ aingĩ.
25
Nĩw’o nĩngũmwĩa, Ndikanyw’a ĩngĩ ya ũsayo wa mũsavivũ, mũvaka mũthenya ũla ngamĩnyw’a yĩ nzaũ ũsumbĩnĩ wa Ngai.
26
Na maina wathi, maumaala mathi kĩĩmanĩ kya Mĩthata.
27
Na Yesũ amea, Inyw’onthe nĩmũũlulutĩkw’a nũndũ wakwa: nũndũ nĩkũandikĩtwe, Ngakũna mũĩthi na malondũ makanyaĩĩkw’a.
28
Ĩndĩ ĩtina wa kũthayũũka kwakwa, ngaenda mbee wenyu kũvika Kalilii.
29
Ĩndĩ Vetelo amwĩa, O na ethĩwa onthe makalulutĩkw’a, nyie ndilulutĩkw’a nongi.
30
Na Yesũ amwĩa, Nĩ w’o nĩngũkwĩa, kana we ũtukũ ũũ wa ũmũnthĩ, mbee wa nzamba ĩtanasya kelĩ, ũkangaĩa katatũ.
31
Ĩndĩ ongeleka kũneena na vinya, O na ethĩwa no mũvaka nĩkw’e naku ndikakũkaĩa. Na onthe masya o ta ũu.
32
Na mavika vandũ vetawa Ngesemanii: na amea amanyĩw’a make, Ĩkalai vaa ĩvinda yĩla ngũvoya.
33
Na athi e na Vetelo na Yakovo na Yoana, na ambĩlĩlya kũmaka na kũũũya mũno.
34
Na amea, Ngoo yakwa nĩkũũũya mũno o na kũvika kĩkw’ũ: ĩkalai vaa, mũsyaĩĩsye.
35
Nake aendanga mbee vanini, na eevalũkya nthĩ, na avoya kana ethĩwa ũũ nũtonyeka, saa ũsu ũmũthonoke.
36
Na asya, Nau, Asa, maũndũ onthe nĩmatonyeka kwaku; mbĩtĩthya kĩkombe kĩĩ: ĩndĩ ti ũndũ ngwenda nyie, ĩndĩ ũndũ ũkwenda we.
37
Na ooka amethĩa makomete, na amũkũlya Vetelo, Simoni, kaĩ nũkomete? Ndũnatonya kũsyaĩĩsya o na saa ũmwe?
38
Syaĩĩsyai na voyai, nĩ kana mũikalike ũtatwanĩ: veva nĩ w’o ũkwenda, ĩndĩ mwĩĩ ndwĩ na vinya.
39
Na athi ĩngĩ, avoya, akyasya o ila ndeto.
40
Na ooka ĩngĩ na amethĩa makomete, nũndũ metho moo maĩ na too mũno; na maiaamanya ũndũ wa ũmũsũngĩa.
41
Na ooka ya katatũ na amea, Komai yu, mũthũmũe: nũu; ũla saa nĩ mũviku; sisyai, Mwana wa mũndũ nũnũũnenganwe mokonĩ ma andũ athe.
42
Ũkĩlai, tũthi: sisyai, ũla ũnũũmbũnyanĩa nũthengee.
43
Na oyu akĩneena, Yutasi, ũmwe wa ala ĩkũmi na elĩ, ooka, vamwe na ĩkomano yĩ na mbyũ na mathimbũ, maumĩte kwa athembi anene na aandĩki na atumĩa.
44
Na ũla ũmũvũnyanĩe amanengete wonan’yo, akyasya, O ũla nĩmũmumunya, nĩwe ũsu; mũkwatei, mũmũtwae mũmũsũvĩe.
45
Nake ooka, oyu athi vala ũĩ, na amwĩa, Lavai; na amũmumunya.
46
Na matambũũkya moko moo, na mamũkwata.
47
Ĩndĩ ũmwe wa ala maũngeme vo akũa ũvyũ wake, na amĩtema ngombo ya mũthembi mũnene, amĩtila kũtũ.
48
Na Yesũ asũngĩa, amea, Nĩmwaumĩla mwĩ na mbyũ na mathimbũ, na mwoka kũngwata ta nĩ mũvutani?
49
Kĩla mũthenya naĩ nenyu ĩkalũnĩ ngĩmanyĩsya, na mũiaangwata: ĩndũ ũu nĩwĩkiwe nĩ kana maandĩko meanĩw’e.
50
Na onthe mamũtia, makĩa.
51
Na mwanake ũmwe amũatĩĩa, evw’ĩkĩte ngũa ya katane mwĩĩ wake: na mamũkwata;
52
ĩndĩ atia ngũa ya katane, akĩa e mũthei
53
Na mamũtwaa Yesũ kwa mũthembi ũla mũnene: na mamũmbanĩa vo athembi onthe anene, na atumĩa, na aandĩki.
54
Na Vetelo amũatĩĩa e kũasa, o na nthĩnĩ, ku nza kwa mũthembi mũnene; na ekala nthĩ vamwe na makanga, makyota mwaki.
55
Na ĩndĩ athembĩ anene na nzama yonthe mamũmanthĩa Yesũ ũkũsĩ nĩ kana mamũae; na maiaawona.
56
Nũndũ aingĩ mamũkũsĩĩa ũvũngũ, na ũkũsĩ woo ndwaosana.
57
Na amwe maũngama mamũkũsĩĩa ũvũngũ, makyasya,
58
Ithyĩ nĩtũneewie akyasya, Ngaananga ĩkalũ yĩĩ yĩla yaakiwe na moko, na matukũ atatũ ngaaka yĩngĩ yĩtekwakwa na moko.
59
O na ũu, ũkũsĩ woo ndwaosana.
60
Na ũla mũthembi mũnene aũngama katĩ, amũkũlya Yesũ, akyasya, Ndũsũngĩa ũndũ? Aa makũkũsĩĩa ata?
61
Ĩndĩ avindya, o na ndaasũngĩa ũndũ. Na mũthembi mũnene amũkũlya ĩngĩ, amwĩa, We nue Klĩsto Mwana wa Mũtaĩwa?
62
Na Yesũ asya, Ninyie we: na mũkamwona Mwana wa mũndũ ailyĩ ngalĩ ya kw’oko kwa aũme kwa Vinya, akyũka na mathweo ma ĩtu.
63
Na mũthembi mũnene atembũanga ngũa syake, akyasya, Twĩ na vata ũngĩ mwaũ wa ngũsĩ?
64
Nĩmweew’a kũumana kwake; mwĩona ata? Na onthe matw’a kana aĩlwe nĩ kĩkw’ũ.
65
Na amwe mambĩlĩlya kũmũtw’ĩla mata, na kũmũvw’ĩka ũthyũ, na kũmũlumangya, na kũmwĩa, Athana: na ala makanga mamũmandũla.
66
Na Vetelo e ĩtheo ku nza, kwooka ũmwe wa eĩtu athũkũmi ma mũthembi mũnene;
67
na oona Vetelo akyota mwaki, amũsisya, na asya, We naku wĩĩ vamwe na ũla Mũnasaleti, Yesũ.
68
Ĩndĩ akaĩa, akyasya, Ndyĩsĩ, o na ndiũmanya ũndũ ũkwasya; na aumaala nza valasyanĩ, na nzamba yasya.
69
Na ũla mwĩĩtu mũthũkũmi amwona ĩngĩ, na ambĩlĩlya kũmea ala maũngeme vakuvĩ, Ũũ nĩ ũmwe woo.
70
Ĩndĩ akaĩa ĩngĩ. Na ĩtina vandũ vanini, ala maũngeme vakuvĩ mamwĩa Vetelo, Nĩw’o wĩ ũmwe woo; nĩkwĩthĩwa wĩ Mũkalilii.
71
Ĩndĩ ambĩlĩlya kũumana, na kwĩvĩta, Ndimwĩsĩ mũndũ ũsu mũũweta.
72
Na oyu, nzamba yasya ya kelĩ. Na Vetelo alilikana ndeto ila ũtaviw’e nĩ Yesũ, Nzamba ĩtanasya kelĩ, ũkangaĩa katatũ. Na aililikana, aĩa.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16