bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Mark 15
Mark 15
Kamba (Mbivilia) 1956
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
Na oyu kĩoko athembi anene vamwe na atumĩa na aandĩki, na nzama yonthe, masũanĩa ene kwa ene, na mamwova Yesũ, na mamũtwaa, na mamũnengane kwa Vilato.
2
Na Vilato amũkũlya, We nue Mũsumbĩ wa Ayuti? Na asũngĩa, amwĩa, We nĩwaneena.
3
Na athembi anene mamũvinganĩsya na maũndũ maingĩ.
4
Na Vilato amũkũlya ĩngĩ, akyasya, Ndũsũngĩa ũndũ? Sisya maũndũ ũndũ meana ala meũkũvinganĩsya namo.
5
Ĩndĩ Yesũ ndaasũngĩa ũndũ ĩngĩ; na Vilato aseng’a.
6
Na ĩndĩ ĩvinda ya mboka akothaa kũmathaĩsya mwovwa ũmwe, o ũla mamwĩtasya.
7
Na vaĩ mũndũ ũmwe wetawa Valava wovetwe vamwe na ala mang’endie, andũ ala mooaie angĩ ũng’endũnĩ ũsu.
8
Na yĩla ĩkomano yambata yambĩlĩlya kũmũvoya eke o tondũ wakothaa kũyĩka.
9
Na Vilato amasũngĩa, akyasya, Mwĩenda nĩmũthaĩsya Mũsumbĩ wa Ayuti?
10
Nũndũ amanyie kana athembi anene manamũnenganie nũndũ wa kĩwĩu.
11
Ĩndĩ athembi anene mathing’ĩĩsya ĩkomano yĩneene atĩ nĩ kavaa amathaĩsye Valava.
12
Na Vilato asũngĩa ĩngĩ amea, Nĩmwĩke ata ĩndĩ ũũ mũũmwĩta Mũsumbĩ wa Ayuti?
13
Nao maneena ĩngĩ na mawasya manene, Mwambe.
14
Na Vilato amakũlya, Nĩkĩ, nĩ ũthũku mwaũ wĩkĩte? Ĩndĩ maneena na mawasya manene mũno, Mwambe.
15
Na Vilato akyenda kũyendeesya ĩkomano, ayĩthaĩsya Valava, na amũkũna Yesũ na kĩvoko kyatũange, amũnengane ambwe.
16
Na asikalĩ mamũtwaa Yesũ nthĩnĩ wa nza, na vo nĩ kĩsilĩlonĩ, na moomban’ya nguthu yonthe ya asikalĩ.
17
Na mamwĩkĩa ngũa ĩilyĩ ta ndune, na mavĩlangan’ya ngovia ya mĩw’a, mamwĩkĩa mũtwe wake;
18
na mambĩlĩlya kũmũkethya, Nũvoo, Mũsumbĩ wa Ayuti!
19
Na mamũkũna mũtwe na mũangi, na mamũtw’ĩla mata, na matulya ndu mamũthaitha.
20
Na mamina ũmũthekeea na kĩvũthya, mamumya ĩla ngũa ĩilyĩ ta ndune, mamwĩkĩa ngũa syake. Na mamumaalya mamwambe.
21
Na mamũkwata mũndũ avĩtĩte, aumĩte ũtee wa ndũa, wetawa Simoni Mũkulene, ĩthe wa Alesanda na Luvusi, athi nao, nĩ kana amũkuĩe ngelan’yo yake.
22
Na mamũtwaa vandũ vetwa Kolokotha, ũalyũlo wayo nĩ, Vandũ va kĩng’ala.
23
Na mamũnenga mbinyu ĩvũlanĩtw’e na manemane: ĩndĩ ndaaosa.
24
Na mamwamba, na maaan’ya ngũa syake, makĩlimana, ũndũ kĩla mũndũ wĩosa.
25
Na kwaĩ saa itatũ, na mamwamba.
26
Na ũandĩko wa kũvinganĩw’a kwake nĩwaandĩkiwe ĩũlũ, MŨSUMBĨ WA AYUTI.
27
Na mamwamba vamwe na avutani elĩ; ũmwe ngalĩ ya kw’oko kwake kwa aũme, na ũmwe ngalĩ ya kw’oko kwake kwa aka.
28
Na ũandĩko weanĩw’a ũla waĩtye, Akatalwa vamwe na avĩtan’ya.
29
Na ala mavĩtaa nzĩanĩ mamũuma, makĩthingithya mĩtwe yoo, makyasya, A! We ũla wanangaa ĩkalũ, noiyaka na mĩthenya ĩtatũ,
30
ĩtangĩĩe mwene, noitheea wume ngelan’yonĩ.
31
No ta ũu ala athembi anene makĩmũthekeea na kĩvũthya ene kwa ene, vamwe na aandĩki, masya, Nĩwatangĩĩe angĩ; ndatonya kwĩtangĩĩa mwene.
32
Klĩsto, Mũsumbĩ wa Isilaeli, natheee yu aume ngelan’yonĩ, nĩ kana twone na kwĩtĩkĩla. Na ala mambiwe vamwe nake mamũvũthya.
33
Na syũa yaũngama, kwatulya kĩvindu nthĩ yonthe kũvika saa kenda.
34
Na saa kenda Yesũ aneena na wasya mũnene, Eloi, Eloi, lama savakathani? Ũalyũlo wayo nĩ, Ngai wakwa, Ngai wakwa, ũndekee kĩ?
35
Na amwe ma ala maũngeme vakuvĩ, meew’a ũu, masya, Sisyai, emwĩta Eliya.
36
Na ũmwe asemba, na anyw’ĩthya sivanzi siki yakola, na amĩkĩa mũanginĩ, na amũnenga avivite, akyasya, Ekai; tũsisye kana Eliya nũnũkũka kũmumya.
37
Na Yesũ aneena na wasya mũnene, na aumya veva.
38
Na ngũa ya tũtũ ya ĩkalũ yatembũka ilungu ilĩ kuma ĩũlũ kũvika nthĩ.
39
Na ũla mũnene wa asikalĩ ĩana, ũla waũngeme amwelekele, oona kana nĩwaumya veva ta ũũ, asya, Nĩ w’o mũndũ ũũ eĩ Mwana wa Ngai.
40
Na vaĩ aka nao makĩsisya me kũasa: na amwe moo maĩ Meli Makatalene, na Meli, inyĩa wa Yakovo ũla mũnini na wa Yose, na Salome;
41
asu mamũatĩĩaa yĩla waĩ Kalilii na kũmũthũkũmaa; na aka angĩ aingĩ ala mambatie vamwe nake kũvika Yelusaleme.
42
Na kwavika wĩoo, nĩkwĩthĩwa nĩ Ũseũvyo, nĩw’o mũthenya ũla ũatĩĩwe nĩ savato,
43
kwathi Yosevu wa Alimathia, mũndũ wa nzama wĩ ndaĩa, nake mwene nĩweteele ũsumbĩ wa Ngai; na athi na ũnyiaukwa Vilato, amwĩtya mwĩĩ wa Yesũ.
44
Na Vilato aseng’a ethĩwa nũminie kũkw’a: na amwĩta ũla mũnene wa asikalĩ ĩana, amũkũlya kana nũkwie tene.
45
Na amanyĩthw’a nĩ ũla mũnene wa asikalĩ ĩana, amũnenga Yosevu ũla mwĩĩ.
46
Na athooa ngũa ya katane, na amumya nthĩ, na amũlingĩla ĩla ngũa ya katane, na amwia mbũanĩ ĩla yasĩtwe ĩvianĩ ĩnene; na avingilitya ĩvia mũomonĩ wa mbũa.
47
Na Meli Makatalene na Meli inyia wa Yose moona vala waiiwe.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16