bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Mark 11
Mark 11
Kamba (Mbivilia) 1956
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
Na yĩla mathengeeie Yelusaleme, kũvika Vethivake na Vethania, kĩĩmanĩ kya Mĩthata, atũma elĩ ma amanyĩw’a make,
2
na amea, Endai mũsyĩ ũla ũmwelekele: na oyu mwavota nthĩnĩ waw’o, mũkoona ndena ya ĩng’oi yovetwe, ĩtaamba ũkũa mũndũ; mĩthasyei, mũmĩete.
3
Na ethĩwa mũndũ o na wĩva akamũkũlya, Mwĩĩka ũu nĩkĩ? Asyai, Mwĩaĩi e vata nayo; na akamĩtũnga mĩtũkĩ.
4
Na mathi, moona ndena ya ĩng’oi yovetwe mũomonĩ nza, nzĩanĩ nene; na mamĩthasya.
5
Na amwe ma ala maũngeme vo mamakũlya, Mwĩĩka ata, mũkĩthasya ndena ya ĩng’oi?
6
Na mamea o tondũ Yesũ waisye: na mamaeka mathi.
7
Na mamũetee Yesũ ĩla ndena, na mamilĩĩla ngũa syoo; nake amĩtũla.
8
Na aingĩ malan’ya ngũa syoo nzĩanĩ; na angĩ malan’ya tũũvonge twa mĩtĩ, tũla matemete mĩũndanĩ.
9
Na ala maendie mbee, na ala maĩ ĩtina, mookĩlya wasya mũnene, makyasya, Hosana; nĩ mũathime ũla wũkĩte syĩtwanĩ ya Mwĩaĩi:
10
Nĩ mũathime ũsumbĩ ũla wũkĩte, ũsumbĩ wa asa waitũ Ndaviti: Hosana, ku ĩũlũ mũno.
11
Na avota Yelusaleme na alika ĩkalũnĩ; na asyaangya syĩndũ syonthe ngalĩ syonthe, nũndũ kwaĩ ĩvinda ya wĩoo, aumaala athi Vethania vamwe na ala ikũmi na elĩ.
12
Na ũnĩ ũsu, mauma Vethania, eew’a nzaa.
13
Na oona mũkũyũ wĩ matũ wĩ kũasa, athi kũsisya kana nĩwĩthĩa wĩ na kĩndũ: na avika vo ndaaona kĩndũ ate o matũ; nũndũ kũtyaĩ ĩvinda ya makũyũ.
14
Na asũngĩa, awĩa, Kuma ũmũnthĩ vati mũndũ ũkaya ũsyao waku o na tene na tene. Naamanyĩw’a make meew’a ũu.
15
Na mavika Yelusaleme: nake avota ĩkalũnĩ, na ambĩlĩlya kũmakuthũa ala mathooasya na ala mathooaa ĩkalũnĩ, na ang’uthũlanga mesa sya ala meũvunzya mbesa, na ivĩla sya ala meũthoosya mavũĩ;
16
na ndaaĩtĩkĩla mũndũ o na wĩva avĩtĩlye mũio ĩkalũnĩ.
17
Na amamanyĩsya aimea, Kũiandĩkĩtwe, Nyũmba yakwa ĩkeetwa nyũmba ya ũvoyea nĩ mbaĩ syonthe? Ĩndĩ inyw’ĩ mũmĩtw’ĩte ngunga ya avutani.
18
Na athembi anene na aandĩki meew’a ũu, mamantha ũndũ matonya kũmũaa: nũndũ nĩmamũkĩie, nĩkwĩthĩwa ĩkomano yonthe yaseng’iw’e nĩ ũmanyĩsyo wake.
19
Na kĩla mũthenya kwavika wĩoo aumaa ndũanĩ.
20
Na kĩoko mavĩtĩte moona ũla mũkũyũ wũmĩte kuma mĩĩnĩ.
21
Na Vetelo alilikana, amwĩa, Lavai, sisya, mũkũyũ ũla ũnawĩvĩkie nĩwũmie.
22
Na Yesũ asũngĩa, amea, Ĩthĩwai na mũĩkĩĩo wa Ngai.
23
Nĩ w’o nĩngũmwĩa. O ũla ũkatavya kĩĩma kĩĩ, Kuwa nokĩkw’a ũkanganĩ; o na ndakethĩwa na nzika ngoonĩ yake, ĩndĩ akĩtĩkĩla kana ũndũ ũnũkwasya nũkwĩkwa; ũsu akeekwa ũu.
24
Kwondũ wa ũu nĩngũmwĩa, Maũndũ onthe o ala mũkwĩtya mũkĩvoya, ĩtĩkĩlai kana nĩmũũmosa na mũkeethĩwa mwĩ namo.
25
Na o yĩla mũkũũngama, mũkĩvoya, mũekeei, ethĩwa mwĩ ũndũ na mũndũ; nĩ kana Ĩthe wenyu ũla wĩ ĩtunĩ amũekee inyw’ĩ mavĩtyo menyu.
26
(Ĩndĩ mwalea kũekea angĩ mavĩtyo, o na Ĩthe wenyu ũla wiĩtũndakamũekea inywĩ mavĩtyo menyu.)
27
Na mooka ĩngĩ Yelusaleme: na aitambũka ĩkalũnĩ, athembi anene, na aandĩki, na atumĩa mooka vala ũĩ,
28
na mamũkũlya, Wĩkaa maũndũ aa na ũkũmũ wĩva? Kana nũũ ũkũnengete ũkũmũ kwĩka maũndũ aa?
29
Na Yesũ amea, Nakwa nĩngũmũkũlya ũkũlyo ũmwe, nenyu nzũngĩai, nakwa nĩngũmũtavya ũkũmũ ũla ũtumaa nĩka maũndũ aa.
30
Ũvatisi wa Yoana waumie ĩtunĩ kana waumie andũnĩ? Nzũngĩai.
31
Na masũanĩa ene kwa ene, makyasya, Ethĩwa nĩtũkwasya, Waumie ĩtunĩ; nake akasya, Nĩkĩ ĩndĩ mũtaamwĩtĩkĩla?
32
Ĩndĩ ethĩwa nĩtũkwasya, Waumie andũnĩ — nĩmakĩaa andũ: nũndũ andũ onthe nĩmeesĩ Yoana nĩ mwathani wa w’o.
33
Na mamũsũngĩa Yesũ masya, Tũtyĩsĩ. Na Yesũ amea, O nakwa ndimũtavya ũkũmũ ũla ũtumaa nĩka maũndũ aa.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16