bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Chronicles 15
1 Chronicles 15
Kamba (MBIVILIA ŨVOO MŨSEO)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 16 →
1
Ndeviti nĩweeyakĩie nyũmba syake Ndũanĩ ya Ndeviti, na aseũvya vandũ kwondũ wa Ĩsandũkũ ya Ũtianĩo ya Ngai na ayambĩa Ĩeema.
2
Nĩvo ĩndĩ weeaie asya atĩĩ, “No Alivai me oka maĩlĩte kũkua Ĩsandũkũ ya Ũtianĩo, nũndũ nĩmo Mwĩai Ngai wanyuvie mayĩkuae na maimũthũkũmaa tene na tene.”
3
Kwoou Ndeviti nĩweetie andũ onthe ma Ĩsilaeli mombanĩe Yelũsalemu, nĩ kana maete Ĩsandũkũ ya Ũtianĩo vala vandũ waseũvĩtye kwondũ wayo.
4
O ta ũu Ndeviti nĩwoombanisye nzyawa sya Alũni na sya Alivai vamwe.
5
Kuma Nzyawanĩ sya Koathi, Ulieli nĩwookie na ana-a-ĩthe ĩana na mĩongo ĩlĩ ala watongoesye.
6
Kuma nzyawanĩ sya Melali, Asaia nĩwookie e na ana-a-ĩthe maana elĩ na mĩongo ĩlĩ ala watongoesye.
7
Kuma nzyawanĩ sya Ngelisoni, Yoeli nĩwookie e na ana-a-ĩthe ĩana na mĩongo ĩtatũ ala watongoesye.
8
Kuma nzyawanĩ sya Elisavani, Semaia nĩwookie e na ana-a-ĩthe maana elĩ ala watongoesye.
9
Kuma nzyawanĩ sya Eviloni, Elieli nĩwookie e na ana-a-ĩthe mĩongo nyanya ala watongoesye.
10
Kuma nzyawanĩ sya Usieli, Aminatavu nĩwookie e na ana-a-ĩthe ĩana na ĩkũmi na elĩ ala watongoesye.
11
Ndeviti nĩweetie mũthembi Nzatoki, na mũthembi Aviathali, na ala Alivai thanthatũ: Ulieli, Asaia, Yoeli, Semaia, Elieli na Aminatavu.
12
Nĩwaneenie na Alivai asu amea atĩĩ, “Ninyw'ĩ atongoi ma mĩsyĩ ya Alivai; inyw'ĩ vamwe na Alivai ala angĩ no nginya mwĩthesye, nĩ kana mwĩthĩwe mũtonya kũete Ĩsandũkũ ya Ũtianĩo ya Mwĩai Ngai, Ngai wa andũ ma Ĩsilaeli vandũnĩ vala nĩyĩseũvĩsye.
13
Nũndũ nĩmwaleile kũyĩkua ĩvindanĩ ya mbee, Mwĩai Ngai, Ngai waitũ nĩwatũkanisye mũno nũndũ tũyaayĩsũvĩa ũndũ wĩaĩte.”
14
Kwoou athembi na Alivai nĩmeetheisye, nĩ kana makaete Ĩsandũkũ ya Ũtianĩo ya Mwĩai Ngai, Ngai wa Ĩsilaeli.
15
Alivai nĩmayĩkuie mayilĩĩle ituonĩ makwete ĩla mĩtĩ ya kũyĩkua, o tondũ Mwose weeaĩte, kwĩanana na ũndũ Mwĩai Ngai wamũtavĩtye.
16
O ta ũu Ndeviti nĩweeaĩie atongoi ma Alivai manyuve amwe ma nzyawa syoo mathi mainĩte na ũtanu, na kũkũna ngitaa nene, ngitaa nini na tũmasaya maumye wasya mũnene.
17
Kwoou nĩmanyuvie andũ aa kuma andũnĩ ma mĩsyĩ ya aini: Emani mwana wa Yoeli, na kuma mũsyĩnĩ woo, Asavu mwana wa Mbelekia, na Ethani mwana wa Kusaia kuma nzyawanĩ sya Melali.
18
O ta ũu nĩmanyuvie Alivai aa nĩ kana methĩwe atetheesya moo ala me vakuvĩ: Nzekalia, Yaasieli, Semilamothi, Yeieli, Uni, Eliavu, Mbenaia, Maaseia, Matithia, Eliveleũ na Mikineia, vamwe na Oveti-etomu na Yeieli ala masungaa mĩomo.
19
Emani, Asavu na Ethani nĩmo aini ala makũnaa tũmasaya twa kyũma kĩtawa mbulonzi, tũla twakayaa na wasya mũnene.
20
Nzekalia, Asieli, Semilamothi, Yeieli, Uni, Eliavu, Maaseia na Mbenaia nĩmo makũnaa ngitaa nene ila syainaa na wasya mũtheke.
21
Matithia, Eliveleũ, Mikineia, Oveti-etomu, Yeieli na Asasia maĩ na ngitaa nini ila syainaa na wasya wa ĩumĩ.
22
Kenaia mũtongoi wa Alivai ala maĩ aini nĩwe waĩ mwinĩthya, nũndũ aĩ na ũmanyi wa wini.
23
Mbelekia na Elikana nĩmo masungaa Ĩsandũkũ ya Ũtianĩo.
24
Sevania, Yosavati, Nethaneli, Amasai, Nzekalia, Mbenaia na Elieseli nĩmo athembi ala mavuvaa masoo, me mbee wa Ĩsandũkũ ya Ũtianĩo. Oveti-etomu na Yeia o namo nĩmasungaa Ĩsandũkũ ya Ũtianĩo.
25
Ndeviti na atumĩa ma Ĩsilaeli vamwe na anene ma asikalĩ ngili, nĩmaendie me na ũtanu makaete Ĩsandũkũ ya Ũtianĩo ya Mwĩai Ngai, kuma mũsyĩ kwa Oveti-etomu.
26
Ngai nĩwanengie Alivai vinya wa kũkua Ĩsandũkũ ya Ũtianĩo, na kwoou nĩmathembie tũsalũ mũonza na ndũũme mũonza.
27
Ndeviti eekĩĩte ngũa ndaasa ĩtumĩtwe na ndii nzeo ndũmu. O ta ũu Alivai ala makuĩte Ĩsandũkũ ya Ũtianĩo, aini na Kenaia mũtongoi wa aini nĩmeekĩĩte ngũa iilyĩ o ta ĩsu. Ndeviti nĩweekĩĩte ngũa ya ĩũlũ ndũmu yĩtawa evoti.
28
Kwoou andũ onthe ma Ĩsilaeli nĩmaetie Ĩsandũkũ ya Ũtianĩo ya Mwĩai Ngai malonzanĩtye me na ũtanu. Nĩmavuvĩte masoo, mbya na makakũnangany'a tũmasaya. O ta ũu nĩmainĩte makũnĩte ngitaa nene na ngitaa nini.
29
Yĩla Ĩsandũkũ yĩu yaendee kũlikw'a Ndũanĩ ya Ndeviti, Mikali mwĩĩtu wa Saũlo nĩwasyaĩlye ndĩlĩsyanĩ na oona Mũsumbĩ Ndeviti asũngĩte na kũthaanyũkanga nĩ mũyo, na amũvũthya ngoonĩ yake.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29