1 Chronicles 24

Kamba (MBIVILIA ŨVOO MŨSEO)

← Chapter 23 Jump to: Chapter 25 →

1Ii nĩsyo ikundi sya ana ma Alũni. Ana ma Alũni maĩ ana: Natavu, Aviu, Eleasali, na Ĩthamali.

2Natavu na Aviu makwie ĩthe woo atanamba kũkw'a, na mayaatia nzyawa; kwoou Eleasali na Ĩthamali ana-a-inyia moo nĩmatw'ĩkie athembi.

3Mũsumbĩ Ndeviti nĩwaanisye nzyawa sya Alũni ikundi kwĩanana na wĩa wasyo. Atetheeiw'e kũiaany'a nĩ Nzatoki nzyawa ya Eleasali na Aimeleki nzyawa ya Ĩthamali.

4Nzyawa sya Eleasali syaaniw'e ikundi ĩkũmi na thanthatũ, nasyo nzyawa sya Ĩthamali syaanw'a ikundi nyanya; ũu weekiwe nũndũ vaĩ aũme aingĩ atongoi ma nzyawa sya Eleasali kũte ma nzyawa sya Ĩthamali.

5Mamaanisye kwa nzĩa ya kũkũna kula vate kwendeesya, nũndũ kwaĩ atongoi ma vala Vandũ Vatheu, na atongoi ma maũndũ ma ũthaithi kuma nzyawanĩ sya Eleasali na sya Ĩthamali.

6Mũandĩki Semaia mwana wa Nethaneli ũla waĩ Mũlivai, nĩwaandĩkie masyĩtwa moo e mbee wa Mũsumbĩ Ndeviti, anini make, mũthembi Nzatoki, Aimeleki mwana wa Aviathali, na atongoi ma mĩsyĩ ya athembi na ya Alivai; asu onthe maĩ ngũsĩ. Mũsyĩ ũmwe nĩwanyuviwe kuma nzyawanĩ sya Eleasali, na mũsyĩ ũmwe kuma nzyawanĩ sya Ĩthamali.

7Kula ya mbee yavalũkĩle Yeoialivu, na ya kelĩ yavalũkĩla Yetaia.

8Kula ya katatũ yavalũkĩle Alimu, na ya kana yavalũkĩla Seolimu.

9Kula ya katano yavalũkĩle Malikiya, na ya thanthatũ yavalũkĩla Miyamini.

10Kula ya mũonza yavalũkĩle Akosi, na ya nyanya yavalũkĩla Aviya.

11Kula ya kenda yavalũkĩle Yesua, na ya ĩkũmi yavalũkĩla Sekania.

12Kula ya ĩkũmi na ĩmwe yavalũkĩle Eliasivu, na ya ĩkũmi na ilĩ yavalũkĩla Yakimu.

13Kula ya ĩkũmi na itatũ yavalũkĩle Uva, na ya ĩkũmi na inya yavalũkĩla Yeseveavu.

14Kula ya ĩkũmi na itano yavalũkĩle Mbilika, na ya ĩkũmi na thanthatũ yavalũkĩla Imeli.

15Kula ya ĩkũmi na mũonza yavalũkĩle Esili, na ya ĩkũmi na nyanya yavalũkĩla Avisesi.

16Kula ya ĩkũmi na kenda yavalũkĩle Vethaia, na ya mĩongo ĩlĩ yavalũkĩla Yeesikeli.

17Kula ya mĩongo ĩlĩ na ĩmwe yavalũkĩle Yakini, na ya mĩongo ĩlĩ na ilĩ yavalũkĩla Ngamuli.

18Kula ya mĩongo ĩlĩ na itatũ yavalũkĩle Ndelaia, na ya mĩongo ĩlĩ na inya yavalũkĩla Maasia.

19Asu nĩmo andũ ala manyuviwe kwĩanana na mawĩa ala maaĩwe kũtethya yĩla mathi Ĩkalũnĩ, kwĩanana na motw'ĩo ala manengiwe nĩ Alũni ũmae woo, o tondũ Mwĩai Ngai, Ngai wa Ĩsilaeli wamwĩaĩĩte.

20Aa nĩmo atongoi ala angĩ ma nzyawa sya Livai: Yeteia kuma andũnĩ ma mũsyĩ wa Suvaeli nzyawa ya Amilamu;

21Isia, nzyawa ya Leavia;

22Yaathi kuma andũnĩ ma mũsyĩ wa Selomothi, nzyawa ya Isali;

23Yelia, Amalia, Yeasieli na Yekameamu, ana ma Eviloni maatĩanĩe kwĩanana na ũkũũ woo;

24Samili kuma andũnĩ ma mũsyĩ wa Mika, nzyawa ya Usieli;

25Nzekalia kuma andũnĩ ma mũsyĩ wa Isia mwana-a-inyia wa Mika, nzyawa ya Usieli;

26Mali na Musi kuma andũnĩ ma mũsyĩ wa Melali. Mbeno kuma andũnĩ ma mũsyĩ wa Yaasia.

27Mbeno, Soamu, Nzakuli na Ivili kuma andũnĩ ma mũsyĩ wa Yaasia, nzyawa ya Melali;

28Eleasali ũla ũtaĩ na ana, kuma andũnĩ ma mũsyĩ wa Mali.

29Yelameeli mwana wa Kisi, kuma andũnĩ ma mũsyĩ wa Kisi.

30Mali, Eteli na Yelimothi kuma andũnĩ ma mũsyĩ wa Musi. Asu nĩmo maĩ Alivai kwĩanana na mĩsyĩ yoo.

31Alivai asu o namo nĩmakũnie kula me mbee wa Ndeviti, Nzatoki, Aimeleki na atongoi ma mĩsyĩ ya athembi na ya Alivai, o ũndũ ana-a-ĩthe moo nzyawa sya Alũni meekĩte. Mĩsyĩ ya ana ala akũũ yeekawa o ũndũ ũmwe na ya ana ala ma ĩtina.

← Chapter 23 Jump to: Chapter 25 →