bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Chronicles 21
1 Chronicles 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Satani nĩwendaa kũtuma andũ ma Ĩsilaeli methĩwa na thĩna, na kwoou atuma Ndeviti atala andũ.
2
Ndeviti nĩweeaĩie Yoavu na anene ala angĩ ma asikalĩ amea atĩĩ, “Endai mũkatale andũ ma Ĩsilaeli kuma Mbeeli-sieva ngalĩko ya ĩtheo, kũthi kũvika Ndani ngalĩko ya ĩũlũ, na mũyũka mũndavye ũndũ meana.”
3
Yoavu nĩwamũsũngĩĩie amwĩa atĩĩ, “Mwĩai Ngai nĩatume andũ ma Ĩsilaeli maingĩva kũndũ ĩana mbee wa ũndũ meana! Mũnene, andũ asu onthe nĩ athũkũmi maku. Wĩenda kwĩka ũu nĩkĩ na kũtuma nthĩ yonthe ya Ĩsilaeli yĩthĩwa na ĩvĩtyo?”
4
Ĩndĩ ndeto sya mũsumbĩ nĩsyeethĩiwe syĩ na vinya mbee wa sya Yoavu. Kwoou Yoavu nĩwaumaalile na esĩla nthĩ yonthe ya Ĩsilaeli, na ĩndĩ asyoka Yelũsalemu.
5
Nĩwanengie Ndeviti ũtalo wa andũ onthe ala maĩ matonya kũthi kaũnĩ: Ma Ĩsilaeli maĩ andũ milioni ũmwe na ngili ĩana yĩmwe, na ma Yuta maĩ andũ ngili maana ana na mĩongo mũonza.
6
Ĩndĩ Yoavu ndaatala andũ ma mbaĩ ya Livai na ya Mbengyameni, nũndũ ndaaendeew'a nĩ mwĩao wa mũsumbĩ.
7
Ngai ndaaendeew'a nĩ ũndũ ũsu Ndeviti weekie, na kwoou akany'a andũ ma Ĩsilaeli.
8
Nĩvo ĩndĩ Ndeviti weeie Ngai atĩĩ, “Nĩnĩvĩtĩtye mũno kwa kwĩka ũndũ ũũ, ĩndĩ Yu nĩngũkwĩsũva ũndekee naĩ yakwa nyie mũthũkũmi waku, nũndũ nĩkie ta mũndũ mũtumanu.”
9
Nĩvo ĩndĩ Mwĩai Ngai waneenie na Ngati, mwathani wa Ndeviti amwĩa atĩĩ,
10
“Enda ũkaneena na Ndeviti ũmwĩe, ‘Ũũ nĩw'o Mwĩai Ngai ũkwasya: Nĩngũũnenga maũndũ atatũ. Nyuva ũmwe katĩ wamo ũla ngũũkany'a naw'o.’ ”
11
Kwoou Ngati nĩwaendie kũla kwĩ Ndeviti na amwĩa atĩĩ, “Mwĩai Ngai easya ũũ, ‘Nyuva ũndũ ũmwe:
12
myaka ĩtatũ ya yũa, kana myei ĩtatũ ya kũvithũkĩwa nĩ amaitha menyu mũsembe mũmakĩĩte na maimũaa na ũvyũ, kana mĩthenya ĩtatũ ĩla Mwĩai Ngai wĩmũkany'a na ũvyũ wake na aiete ũwau mũthũku nthĩ yaku, aitũmĩa mũlaĩka wake aete kĩkw'ũ nthĩ yonthe ya Ĩsilaeli.’ Yu ĩndĩ, nyuva ũndũ ũmwe ũla ngũthi kũtavya ũla ũndũmĩte.”
13
Ndeviti nĩwasũngĩie Ngati amwĩa atĩĩ, “Nĩna thĩna mũnene mũno! Ĩndĩ ndikwenda kũkanw'a nĩ andũ. Eka Mwĩai Ngai angany'e nowe, nĩkwĩthĩwa e tei mwingĩ.”
14
Nĩvo ĩndĩ Mwĩai Ngai waeteie andũ ma Ĩsilaeli ũwau mũthũku mũno, na andũ ngili mĩongo mũonza makwa.
15
Mwĩai Ngai nĩwatũmie mũlaĩka wake akanange Yelũsalemu, ĩndĩ atanamba kũmyananga, Mwĩai Ngai nĩwavĩndũie mosũanĩo make, na eea mũlaĩka ũsu wa kwananga atĩĩ, “Eka nũu! Eka kwananga.” Ĩvindanĩ yĩu mũlaĩka wa Mwĩai Ngai aũngamĩte vakuvĩ na kĩvũĩo kya Mũyevusi weetawa Alaũna.
16
Ndeviti nĩwoonie mũlaĩka wa Mwĩai Ngai aũngamĩte katĩ wa ĩtu na nthĩ akwete ũvyũ waĩ mumye ndoonĩ, eyũmbanĩtye kwananga Yelũsalemu. Nĩvo ĩndĩ Ndeviti e na atongoi meekĩie ngũa ngaamu sya makunia, na makumana matina nthĩ na ũthyũ.
17
Ndeviti nĩweeie Ngai atĩĩ, “Ninyie nĩneeyĩaie asikalĩ ma Ĩsilaeli matalwe; ninyie nĩvĩtĩtye na ngeka naĩ. Andũ aa angĩ mai na ĩvĩtyo. Nĩngũkwĩsũva, ngany'e ne inyie vamwe na andũ ma mũsyĩ wa ĩthe wakwa, na ũivetangĩa andũ maku ũwau ũũ mũthũku.”
18
Nĩvo ĩndĩ mũlaĩka wa Mwĩai Ngai weeaĩie Ngati athi akee Ndeviti ambate akakĩe Mwĩai Ngai kĩthembeo kĩvũĩonĩ kya Alaũna ũla Mũyevusi.
19
Ndeviti nĩweewie ũndũ Mwĩai Ngai wamwĩaĩe, na athi o tondũ Ngati wamũtavĩtye.
20
Alaũna aendee kũvũa nganũ e na ana make ana, nĩwavĩndũkie na oona mũlaĩka, na ana asu make waĩ namo meevitha.
21
Nĩvo ĩndĩ Ndeviti wathengeeie, na yĩla Alaũna wamwonie nĩwaekie kũvũa nganũ, na akumana mbee wa Ndeviti atina nthĩ na ũthyũ amũnenge ndaĩa.
22
Ndeviti nĩwaneenie nake amwĩa atĩĩ, “Nthooesye kĩvũĩo kĩĩ kyaku, nakĩe Mwĩai Ngai kĩthembeo, nĩ kana ũwau ũũ mũthũku ũthele. Nĩngũkũĩva mbesa syonthe ila syĩanĩĩe thooa wakyo.”
23
Alaũna nĩweeie Ndeviti atĩĩ, “Mũnene, kyose, na ũyĩkana nakyo ũndũ ũkwona waĩlĩte. Nĩnakũnenga nzaũ sya nthembo ya kũvĩvw'a, na ivũi ii sya ngetha iitw'ĩka ngũ, na nĩnakũnenga nganũ ĩtw'ĩke nthembo ya ngetha ya mbaa mbeke. Nĩnakũnenga syĩndũ isu syonthe.”
24
Ĩndĩ mũsumbĩ nĩweeie Alaũna atĩĩ, “Aiee, no nginya ngũĩve mbesa syonthe ila syĩanĩĩe thooa wasyo; ndithembea Mwĩai Ngai nthembo ya kĩndũ kyaku, kana nĩthembe nthembo sya kũvĩvw'a ila ndathooete.”
25
Kwoou Ndeviti nĩwaĩvie Alaũna thaavu wa kĩlo mũonza ta w'o thooa wa kĩvũĩo kĩu.
26
Ndeviti nĩwaakĩie Mwĩai Ngai kĩthembeo vau, na athemba nthembo sya kũvĩvw'a na nthembo sya ngwatanĩo. Nĩwavoyie, na Mwĩai Ngai amũsũngĩa kwa kũete mwaki kuma ĩtunĩ wavĩvya nthembo ila syaĩ kĩthembeonĩ.
27
Nĩvo ĩndĩ Mwĩai Ngai weeie mũlaĩka ũsu nĩatũngĩe ũvyũ wake ndoonĩ na mũlaĩka ũsu eeka ũu.
28
Nũndũ wa maũndũ asu Ndeviti nĩwamanyie kana Mwĩai Ngai nĩwasũngĩa mboya yake, na kwoou athembea nthembo kĩvũĩonĩ kya Alaũna ũla Mũyevusi.
29
Ĩeema ĩtheu ya kũkomanĩa na Mwĩai Ngai yĩla Mwose waseũvĩsye weũnĩ, na kĩthembeo kĩla nthembo syavĩvĩaw'a, syaĩ Ngiveoni vandũnĩ vala vathaithĩawa ĩvindanĩ yĩu.
30
Ndeviti ndaĩ atonya kũthi vo kũthaitha Ngai, nũndũ nĩwakĩaa ũvyũ wa mũlaĩka wa Mwĩai Ngai.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29