bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Joshua 1
Joshua 1
Kamba (MBIVILIA ŨVOO MŨSEO)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Ĩtina wa kĩkw'ũ kya Mwose, mũthũkũmi wa Mwĩai Ngai, Mwĩai Ngai nĩwaneenie na mũtetheesya wa Mwose, Yosua mwana wa Nuni.
2
Nĩwamwĩie atĩĩ, “Mwose mũthũkũmi wakwa nĩ mũkw'ũ, kwoou ũkĩla wĩyũmbany'e wĩ na andũ onthe ma Ĩsilaeli, mũinge Ũsĩ wa Yolotani mũthi mũkalike nthĩ ĩla ngũmũnenga.
3
Ngamũnenga kũndũ kw'onthe kũla mwĩĩsĩla kwĩanana na ũndũ nathie Mwose.
4
Kĩsio kya nthĩ yenyu kĩkeethĩwa kuma weũnĩ ũla wĩ ngalĩko ya ĩtheo kũthi kũvika iĩmanĩ sya Levanoni ila syĩ ngalĩko ya ĩũlũ; kuma Ũsĩnĩ mũnene wa Euvalati ũla wĩ ngalĩko ya wumĩlonĩ wa syũa, kũvĩtĩla nthĩ ya Aititi na kũthi kũvika ũkanga wa Menditelenia ũla wĩ ngalĩko ya ũthũĩlonĩ wa syũa.
5
We Yosua, vai mũndũ o na wĩva ũkaũsinda ĩvinda yonthe ya thayũ waku. Ngeethĩawa vamwe naku o tondũ neethĩawa na Mwose. Kĩla ĩvinda ngeethĩawa naku na ndikakũtia.
6
Ĩthĩwa na vinya na ũkũmbaũ mũnene nũndũ nue ũũtongoesya andũ aa malike na maimesya nthĩ ĩla neevĩtie kana ngamĩnenga aaũmae moo.
7
Ĩndĩ ĩthĩwa na vinya na ũkũmbaũ, na ũyĩthĩwa ũiatĩĩa Mĩao yonthe ĩla wanengiwe nĩ mũthũkũmi wakwa Mwose. Ndũkavũthĩĩsye kĩlungu o na kĩmwe kya mĩao ĩsu, naku ũkaendeea nesa maũndũnĩ maku onthe.
8
Ndũkaaeke kũsomea andũ Ĩvuku yĩu ya Mĩao yĩla mwakomana ũthaithinĩ. Ĩkalaa ũisũanĩa ĩũlũ wayo ũtukũ na mũthenya na ndũkaalee kwĩka maũndũ onthe ala maandĩkĩtwe nthĩnĩ wayo. Nĩvo ĩndĩ wĩendeeaa nesa na kwonaa moseo.
9
Lilikana kana nĩngwĩaĩĩte ngakwĩa wĩthĩwe na vinya na ũkũmbaũ mũnene! Ndũkakĩe o na ndũkakw'e ngoo, nũndũ nyie Mwĩai Ngai, Ngai waku ngeethĩawa naku kũndũ kw'onthe kũla wĩthi.”
10
Yosua nĩweeaĩie anene ma mbaĩ sya Ĩsilaeli amea,
11
“Ĩsĩlai vala maeema mambĩtwe na mũyĩa andũ atĩĩ, ‘Seũvyai lĩu, nũndũ ĩtina wa mĩthenya ĩtatũ nĩtũkwambĩĩa kyalo tũinge Ũsĩ wa Yolotani tũthi tũkalike na kũmesya nthĩ ya Kanaani ĩla Mwĩai Ngai, Ngai wenyu ũkũtũnenga.’ ”
12
Yosua nĩweeie andũ ma mbaĩ ya Lũveni, ya Ngandi, na nyusu ya andũ ma mbaĩ ya Manase atĩĩ,
13
“Lilikanai ũndũ Mwose mũthũkũmi wa Mwĩai Ngai wamũtavisye kana Mwĩai Ngai, Ngai wenyu akamũnenga nthĩ ĩno yĩ ngalĩko ya wumĩlonĩ wa syũa ya Ũsĩ wa Yolotani vethĩwe vandũ venyu va kũtũa.
14
Kwoou iveti syenyu, syana syenyu, na indo syenyu itiwe kĩsionĩ kĩĩ mwanengiwe nĩ Mwose. Ĩndĩ asikalĩ onthe ngũmbaũ nĩmose mĩio ya kaũ na mayĩinga Ũsĩ wa Yolotani mathi mbee wa andũ ala angĩ ma Ĩsilaeli nĩ kana makamatetheesye,
15
nginya o namo makwate ũtũo nthĩ ĩla yĩ ũthũĩlonĩ wa syũa ya Ũsĩ wa Yolotani ĩla Mwĩai Ngai, Ngai wenyu ũmanengete.”
16
Namo andũ ma mbaĩ isu mamũsũngĩa mamwĩa atĩĩ, “Maũndũ onthe ala watwĩaĩa nĩtũkwĩanĩsya, na tũkaendaa kũndũ kw'onthe kũla wĩtũtũmaa.
17
Tũkakwĩw'aa kĩla ĩvinda o ũndũ tweew'aa Mwose. Mwĩai Ngai, Ngai waku ethĩwe vamwe naku o tondũ weethĩawa na Mwose.
18
Mũndũ o na wĩva ũla wĩlea kwĩanĩsya maũndũ ala wĩtwĩaĩa akooawa. Ĩndĩ kyaku we no kwĩthĩwa na vinya na ũkũmbaũ mũnene.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24