1 Chronicles 24

Kikuyu Bible (IBUKU RĨRĨA ITHERU RĨA NGAI)

← Chapter 23 Jump to: Chapter 25 →

1Na rĩrĩ, matuanĩra ma ariũ a Haruni maatariĩ ũũ: Ariũ a Haruni nĩ Nadabu, na Abihu, na Eleazaru, na Ithamaru.

2No rĩrĩ, Nadabu na Abihu nĩmaakuire mbere ya ithe wao; nao matiarĩ na ciana; na tondũ ũcio Eleazaru na Ithamaru magĩtuĩka nĩo aruti wĩra wa athĩnjĩri-Ngai.

3Nake Daudi, marĩ na Zadoku wa ariũ a Eleazaru, na Ahimeleku wa ariũ a Ithamaru, nĩo maamagayũkanirie o ta ũrĩa matuanĩra ma wĩra wao maatariĩ.

4Na rĩrĩ, thĩinĩ wa ariũ a Eleazaru nĩkwonekire andũ anene aingĩ gũkĩra arĩa maarĩ thĩinĩ wa ariũ a Ithamaru; na tondũ ũcio rĩrĩa maagayũkanirio gũkĩoneka atĩ thĩinĩ wa ariũ a Eleazaru kwarĩ andũ ikũmi na atandatũ arĩa anene thĩinĩ wa nyũmba cia maithe mao; o na thĩinĩ wa ariũ a Ithamaru maarĩ anana, o ta ũrĩa nyũmba cia maithe mao ciaigana.

5Magĩkĩgayũkanĩo na ũndũ wa gũcukĩrũo mĩtĩ, matukanĩte o ro ũguo, nĩ ũndũ nĩkwagĩire anene a handũ harĩa haamũre, o na anene a Ngai, thĩinĩ wa ariũ a Eleazaru, o na thĩinĩ wa ariũ a Ithamaru.

6Nake Shemaia, mũrũ wa Nethaneli, ũrĩa mwandĩki-marũa wa mũhĩrĩga wa Alawii, akĩmaandĩkĩra o hau mbere ya mũthamaki, o na anene, o na Zadoku mũthĩnjĩri-Ngai, na Ahimeleku, mũrũ wa Abiatharu, o na anene a nyũmba cia maithe ma athĩnjĩri-Ngai o na Alawii; na rĩrĩ, thĩinĩ wa ũhoro wa gũcuka mĩtĩ nĩ ũndũ wa nyũmba cia maithe-rĩ, magĩcomora mũtĩ ũmwe nĩ ũndũ wa Eleazaru, o na ũmwe nĩ ũndũ wa Ithamaru.

7Na rĩrĩ, mũtĩ wa mbere wagũĩrĩĩire Jehoiaribu, na wa kerĩ ũkĩgũĩra Jedaia,

8na wa gatatũ ũkĩgũĩra Harimu, na wa kana ũkĩgũĩra Seroimu,

9na wa gatano ũkĩgũĩra Malikija, na wa gatandatũ ũkĩgũĩra Mijamini,

10na wa mũgwanja ũkĩgũĩra Hakozu, na wa kanana ũkĩgũĩra Abija,

11na wa kenda ũkĩgũĩra Jeshua, na wa ikũmi ũkĩgũĩra Shekania,

12na wa ikũmi na ũmwe ũkĩgũĩra Eliashibu, na wa ikũmi na ĩĩrĩ ũkĩgũĩra Jakimu,

13na wa ikũmi na ĩtatũ ũkĩgũĩra Hupa, na wa ikũmi na ĩna ũkĩgũĩra Jeshebeabu,

14na wa ikũmi na ĩtano ũkĩgũĩra Biliga, na wa ikũmi na ĩtandatũ ũkĩgũĩra Imeri,

15na wa ikũmi na mũgwanja ũkĩgũĩra Heziri, na wa ikũmi na ĩnana ukĩgũĩra Hapizezu,

16na wa ikũmi na kenda ũkĩgũĩra Pethahia, na wa mĩrongo ĩĩrĩ ũkĩgũĩra Jehezekeli,

17na wa mĩrongo ĩĩrĩ na ũmwe ũkĩgũĩra Jakini, na wa mĩrongo ĩĩrĩ na ĩĩrĩ ũkĩgũĩra Gamuli,

18na wa mĩrongo ĩĩrĩ na ĩtatũ ũkĩgũĩra Delaia, na wa mĩrongo ĩĩrĩ na ĩna ũkĩgũĩra Maazia.

19Ũguo nĩguo ũhoro wao wathondekirũo wa matuanĩra mao ma gũtonya nyũmba ya Jehova, o ta ũrĩa mũtugo wa kũrũmĩrĩrũo watariĩ, ũrĩa maaheetwo nĩ ithe wao Haruni, o ta ũrĩa Jehova, Ngai wa Isiraeli, aamwathĩte.

20Nao arĩa angĩ maatigarĩte a ariũ a Lawii nĩ aya: thĩinĩ wa ariũ a Amuramu, nĩ Shubaeli, na thĩinĩ wa ariũ a Shubaeli nĩ Jedeia.

21Nao a nyũmba ya Rehabia nĩ aya: thĩinĩ wa ariũ a Rehabia, nĩ Ishia, ũrĩa warĩ mũnene wao.

22Na thĩinĩ wa Aizihari nĩ Shelomothu; na thĩinĩ wa ariũ a Shelomothu nĩ Jahathu.

23Na thĩinĩ wa ariũ a Hebironi nĩ aya: nĩ Jeria, ũrĩa warĩ mũnene wao, na Amaria ũrĩa warĩ wa kerĩ, na Jahazieli wa gatatũ, na Jekameamu wa kana.

24Na thĩinĩ wa ariũ a Uzieli, nĩ Mika, na thĩinĩ wa ariũ a Mika nĩ Shamiru.

25Nake mũrũ wa ithe na Mika nĩ Ishia; na thĩinĩ wa ariũ a Ishia, nĩ Zekaria.

26Nao ariũ a Merari nĩ aya: nĩ Mahali na Mushi; na ariũ a Jaazia nĩ Beno.

27Na thĩinĩ wa ariũ acio a Merari, a Jaazia nĩ Beno, na Shohamu, na Zakuru, na Ibiri;

28na thĩinĩ wa ariũ a Mahali nĩ Eleazaru, ũrĩa ũtaarĩ na ihĩĩ.

29Na thĩinĩ wa nyũmba ya Kishu nĩ mũrũwe Jerahameeli.

30Na thĩinĩ wa ariũ a Mushi nĩ aya: nĩ Mahali, na Ederi, na Jerimothu. Acio nĩo ariũ a Alawii o ta ũrĩa nyũmba cia maithe mao ciatariĩ.

31Acio o nao nĩmaacukĩirũo mĩtĩ o ta ũrĩa ariũ a ithe wao, ariũ a Haruni, mekĩirũo mbere ya Daudi mũthamaki, na Zadoku, na Ahimeleku, o na andũ arĩa anene a nyũmba cia maithe ma athĩnjĩri-Ngai, o na cia Alawii; na rĩrĩ, ũhoro-inĩ wa nyũmba cia maithe mao, ũrĩa mũnene wa nyũmba o nyũmba aacukĩirũo mĩtĩ o ta ũrĩa mũrũ wa ithe ũrĩa mũnyinyi ekĩirũo.

← Chapter 23 Jump to: Chapter 25 →