1 Chronicles 4

Kikuyu Bible (IBUKU RĨRĨA ITHERU RĨA NGAI)

← Chapter 3 Jump to: Chapter 5 →

1Nao ariũ a Juda, nĩ Perezu, na Hezironi, na Karimi, na Huru, na Shobali.

2Nake Reaia, mũrũ wa Shobali, agĩciara Jahathu; nake Janathu agĩciara Ahumai, na Lahadi. Acio nĩo mbarĩ cia Azorathi.

3Nao aya nĩo ariũ a mũndũ ũrĩa warĩ kĩhumo kĩa Etamu; nĩ Jezireeli, na Ishima, na Idibasha, nake mwarĩ wa ithe wao etagwo Hazeleliponi;

4na Penueli, ithe wa Gedori, na Ezeri, ithe wa Husha. Acio nĩo ariũ a Huru, irigithathi rĩa mũtamia ti Efiratha, nake nĩwe kĩhumo kĩa Bethi-lehemu.

5Nake Ashuri, ithe wa Tekoa, aarĩ na aka erĩ, Hela na Naara.

6Nake Naara akĩmũciarĩra Ahuzamu, na Heferi, na Temeni, na Haahashatari. Acio nĩo ariũ a Naara.

7Nao ariũ a Hela, nĩ Zerethi, na Iziharu, na Ethinani.

8Nake Hakozu agĩciara Anubu, na Zobeba, o na mbarĩ cia Ahariheli, mũrũ wa Harumu.

9Nake Jabezu agĩtĩĩka mũno gũkĩra ariũ a ithe; nake nyina aamũtuire Jabezu, akiuga atĩrĩ, Ndamũciarire na ruo rũnene.

10Nake Jabezu agĩkaĩra Ngai wa Isiraeli, akiuga atĩrĩ, Hĩ, na arĩ korũo wandathima o kũndathima, na ũ’neneherie mũhaka wa bũrũri wakwa, na guoko gwaku gũikare hamwe na niĩ, na ũngitĩre ũũru, nĩ getha ndikagwatwo nĩ kĩeha! Nake Ngai agĩĩtĩkĩra kũmũhe o ũrĩa aahoete.

11Nake Kelubu, mũrũ wa ithe na Shuha, agĩciara Mehiru, ithe wa Eshitoni.

12Nake Eshitoni, agĩciara Bethi-rafa, na Pasea, na Tehina, ũrĩa kĩhumo kĩa Iri-nahashu. Acio nĩo andũ a Reka.

13Nao ariũ a Kenazu nĩ Othinieli, na Seraia; nao ariũ a Othinieli, nĩ Hathathu.

14Nake Meonothai agĩciara Ofara; nake Seraia agĩciara Joabu, kĩhumo kĩa Ge-harashimu; nakuo gwetagwo ũguo nĩ ũndũ andũ akuo maarĩ abundi.

15Nao ariũ a Kalebu, mũrũ wa Jefune, nĩ Iru, na Ela, na Naamu; nake Ela nĩwe ithe wa Kenazu.

16Nao ariũ a Jehaleleli nĩ Zifu, na Zifa, na Tiria, na Asareli.

17Nao ariũ a Ezara nĩ Jetheru, na Meredi, na Eferi, na Jaloni. Nake Bithia agĩciara Miriamu, na Shamai, na Ishiba, ithe wa Eshitemoa.

18Acio nĩo ciana cia Bithia, mwarĩ wa Firauni, ũrĩa wahikĩtio nĩ Meredi. Ningĩ mũtumia wake ũrĩa Mũyahudi agĩciara Jeredi, ithe wa Gedori, o na Heberi, ithe wa Soko, na Jekuthieli, ithe wa Zanoa.

19O nao ariũ a mũka wa Hodia, mwarĩ wa nyina na Nahamu-rĩ, nĩ ithe wa Keila, Mũgarimi, na Eshitemoa, Mũmaakathi.

20Nao ariũ a Shimoni, nĩ Amunoni, na Rina, na Beni-hanani, na Tiloni. Nao ariũ a Ishi, nĩ Zohethu, na Beni-zohethu.

21Nao ariũ a Shela, mũnũ wa Juda, nĩ Eri, ithe wa Leka, na Laada, ithe wa Maresha, o na mbarĩ cia nyũmba cia arĩa maathondekaga gatani ĩrĩa njega mũno, a nyũmba ya Ashibea;

22na Jokimu, o na andũ a Kozeba, na Joashu, na Sarafi, arĩa maathaga kũu bũrũri wa Moabi, na Jashubi-lehemu. Naguo ũhoro wa maũndũ macio nĩ wa tene mũno.

23Andũ acio-rĩ, nĩo mombaga indo cia rĩũmba, na maatũũraga Netaimu, o na Gedera; kũu nĩkuo maatũũranagia na mũthamaki makĩmũrutagĩra wĩra wake.

24Nao ariũ a Simeoni nĩ Nemueli, na Jamini, na Jaribu, na Zera, na Shaulu;

25na Shalumu, mũrũwe wa ũcio, na Mibisamu, mũrũwe wa ũcio, na Mishima mũrũwe wa ũcio.

26Nao ariũ a Mishima, nĩ Hamueli, mũrũwe, na Zakuru mũrũwe wa ũcio, o na Shimei mũrũwe wa ũcio.

27Nake Shimei aarĩ na ariũ ake ikũmi na atandatũ, o na airĩtu atandatũ; no rĩrĩ, ariũ a ithe matiarĩ na ciana nyingĩ, kana mbarĩ ciao ikĩongerereka ta ciana cia Juda.

28Nao maatũire Birishiba, na Molada, na Hazarishuali,

29na Biliha, na Ezemu, na Toladi,

30na Bethueli, na Horima, o na Zikilagi,

31na Bethi-marikabothu, na Hazari-susimu, na Bethi-biri, o na Shaaraimu. Macio nĩmo maarĩ matũũra mao o nginya hĩndĩ ĩrĩa Daudi aathamakaga.

32Natuo tũtũũra twao twarĩ Etamu, na Aini, na Rimoni, na Tokeni, na Ashani, mĩciĩ ĩtano,

33o na tũtũũra tũrĩa tũngĩ twao tuothe twathiũrũrũkĩirie mĩciĩ o ro ĩo, o nginya Baali. Kũu nĩkuo kwarĩ ũtũũro wao. Nao andũ acio-rĩ, maarĩ na ũhoro mwandĩke wa njiaro ciao cia kuuma o tene.

34Na atĩrĩrĩ, Meshobabu na Jamuleki, na Josha wa Amazia,

35na Joeli, na Jehu, mũrũ wa Joshibia wa Seraia, wa Asieli,

36na Elioenai, na Jaakoba, na Jeshohaia, na Asaia, na Adieli, na Jesimieli, na Benaia,

37na Ziza, mũrũ wa Shifi wa Aloni wa Jedaia wa Shimuri wa Shemaia;

38acio magwetetwo marĩĩtwa-rĩ, nĩo maarĩ anene thĩinĩ wa mbarĩ ciao kĩũmbe, nacio mbarĩ cia maithe mao ikĩongerereka mũno mũno.

39Nao magĩthiathia magĩkinya o itonyero-inĩ rĩa Gedori, naguo ũguo nĩ ta kuuga makĩringa mũrĩmo wa mwena wa irathĩro, magacarie ũrĩithio wa ndũru ciao cia ũhiũ kuo.

40Nao magĩkĩona kũndũ kũnoru kũrĩ ũrĩithio mũingĩ mwega, naguo bũrũri ũcio warĩ mwariĩ, na ũkahorera, na ũkagĩa thayũ. Na rĩrĩ, andũ arĩa maaũtũũrĩte tene maarĩ a Hamu.

41Nao andũ acio maandĩkĩtwo marĩĩtwa mao hau igũrũ maathiire kuo ihinda rĩa Hezekia, mũthamaki wa Juda, makĩananga mahema ma andũ acio, o na makĩhũra Ameunimu arĩa maakorirũo kuo, makĩmanina o kũmanina biũ, o na nginya mũthenya wa ũmũthĩ; nao magĩgĩtũũra kuo ithenya rĩao; nĩ ũndũ kũu nĩkwarĩ ũrĩithio mwega wa ndũru ciao cia ũhiũ.

42Nao amwe ao, nao nĩo ariũ a Simeoni, andũ magana matano, magĩthiĩ kĩrĩma gĩa Seiru, matongoretio nĩ Pelatia, na Nearia, na Refaia, na Uzieli, ariũ a Ishi, anene a athigari ao.

43Nao makĩhũra matigari wa Amaleki arĩa maahonokete, magĩgĩtũũra kuo, nao matũire kuo o na ũmũthĩ.

← Chapter 3 Jump to: Chapter 5 →