1 Chronicles 27

Kikuyu Bible (IBUKU RĨRĨA ITHERU RĨA NGAI)

← Chapter 26 Jump to: Chapter 28 →

1Na rĩrĩ, ciana cia Isiraeli, o ta ũrĩa ũhoro wacio wa gũtarũo watariĩ, naguo ũguo nĩ ta kuuga andũ arĩa anene thĩinĩ wa nyũmba cia maithe mao, o na anene arĩa maathaga andũ ngiri o ngiri, o na igana o igana, me na anene ao a gwathana, o acio maatungatagĩra mũthamaki maũndũ-inĩ o na marĩkũ marĩa maarĩ ma ituanĩra rĩa mweri o mweri, mĩeri-inĩ yothe ya mwaka mũgima-rĩ, maarĩ andũ ngiri mĩrongo ĩĩrĩ na inya, o ituanĩra.

2Na rĩrĩ, mũrori wa ituanĩra rĩa mbere rĩa mweri wa mbere nĩ Jashobeamu, mũrũ wa Zabidieli; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

3Ũcio aarĩ wa ciana cia Perezu, na nĩwe warĩ mũnene wa anene othe a mbũtũ cia ita mweri wa mbere.

4Nake mũrori wa ituanĩra rĩa mweri wa kerĩ nĩ Dodai, Mũahohi; narĩo ituanĩra-inĩ rĩake-rĩ, Mikilothu nĩwe warĩ mũtongoria; o narĩo ituanĩra-inĩ rĩu rĩake kwarĩ andũ ngiri mĩrongo ĩĩrĩ na inya.

5Nake mũnene wa gatatũ wa mbũtũ ya ita mweri wa ĩtatũ, nĩ Benaia, mũrũ wa Jehoiada, mũthĩnjĩri-Ngai ũrĩa mũnene; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

6Nake Benaia ũcio nĩwe warĩ njamba mũno wa andũ arĩa mĩrongo ĩtatũ, na nĩwe warĩ mũnene wa acio mĩrongo ĩtatũ; o nake Amizabadi, mũrũwe, aarĩ wa ituanĩra-inĩ rĩake.

7Nake mũnene wa gwathana wa kana wa mweri wa ĩna, nĩ Asaheli, mũrũ wa nyina na Joabu; o nake Zebadia, mũrũwe, nĩwe wamũrũmĩrĩire, narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

8Nake mũnene wa gwathana wa gatano, wa mweri wa ĩtano, nĩ Shamuhuthu, Mũizirahi; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

9Na rĩrĩ, mũnene wa gwathana wa gatandatũ, wa mweri wa ĩtandatũ, nĩ Ira, mũrũ wa Ikeshu, Mũtekoa; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

10Nake mũnene wa gwathana wa mũgwanja, wa mweri wa mũgwanja, nĩ Helezu, Mũpeloni, wa ciana cia Efiraimu; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

11Nake mũnene wa gwathana wa kanana, wa mweri wa ĩnana, nĩ Sibekai, Mũhushathi, wa Azera; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

12Nake mũnene wa gwathana wa kenda, wa mweri wa kenda, nĩ Abiezeri, Mũanathothu, wa Abenjamini; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

13Nake mũnene wa gwathana wa ikũmi, wa mweri wa ikũmi, nĩ Maharai, Mũnetofathi, wa Azerahi; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

14Nake mũnene wa gwathana wa ikũmi na ũmwe, nĩ ũndũ wa mweri wa ikũmi na ũmwe, nĩ Benaia, Mũpirathoni, wa ciana cia Efiraimu; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

15Nake mũnene wa gwathana wa ikũmi na erĩ, wa mweri wa ikũmi na ĩĩrĩ, nĩ Helidai, Mũnetofathi wa mbarĩ ya Othinieli; narĩo ituanĩra-inĩ rĩake kwarĩ andũ ngiri mĩrongo ĩĩrĩ na inya.

16O na ningĩ-rĩ, andũ arĩa maaroraga mĩhĩrĩga ya Isiraeli nĩ aya: wa Areubeni, nĩ Eliezeri wa Zikiri warĩ mwathani; nake wa Asimeoni, nĩ Shefatia, mũrũ wa Maaka;

17o nake wa Alawii, nĩ Hashabia mũrũ wa Kemueli; na wa Haruni, nĩ Zadoku;

18na wa Juda, nĩ Elihu, ũrĩa warĩ wa ariũ a ithe na Daudi; na wa Isakaru, nĩ Omuri, mũrũ wa Mikaeli;

19na wa Zebuluni, nĩ Ishimaia, mũrũ wa Obadia; na wa Nafitali, nĩ Jeremothu, mũrũ wa Azirieli;

20na wa ciana cia Efiraimu, nĩ Hoshea, mũrũ wa Azazia; na wa nuthu ĩmwe ya mũhĩrĩga wa Manase, nĩ Joeli, mũrũ wa Pedaia;

21nake wa nuthu ĩrĩa ĩngĩ ya mũhĩrĩga o ro ũcio wa Manase, kũu Gileadi, nĩ Ido, mũrũ wa Zekaria; na wa Benjamini nĩ Jaasieli mũrũ wa Abineri;

22na wa Dani, nĩ Azareli, mũrũ wa Jerihamu. Acio nĩo maarĩ anene a mĩhĩrĩga ya Isiraeli.

23No rĩrĩ, Daudi ndaigana gũtara arĩa maarĩ a mĩaka mĩrongo ĩĩrĩ, o na arĩa maarĩ thutha wao, nĩ gũkorũo Jehova nĩoigĩte atĩ nĩakaingĩhia Isiraeli matuĩke o ta njata cia igũrũ.

24Nake Joabu, mũrũ wa Zeruia, nĩaambĩrĩirie kũmatara, no ndaigana kũrĩkia; naguo ũndũ ũcio wa gũtara andũ ũgĩtũma Isiraeli makinyĩrio marakara ma Jehova; naguo ũhoro wa ũrĩa andũ acio maaiganire maatarũo-rĩ, ndũigana kwandĩkwo ibuku-inĩ rĩa maũndũ ma ihinda rĩa mũthamaki Daudi.

25Na rĩrĩ, mũrori kũndũ kũrĩa kwaigagwo mũthithũ wa indo cia bata kwa mũthamaki nĩ Azimavethu, mũrũ wa Adieli; o nake mũrori kũndũ kũrĩa kwaigagwo indo cia bata kũu mĩgũnda, o na matũũra-inĩ, na tũtũũra-inĩ, o na nyũmba-inĩ cia hinya iria ciakĩtwo ndaya na igũrũ-rĩ, nĩ Jonathani mũrũ wa Uzia;

26o nake mũrori andũ arĩa maarutaga wĩra wa kũrĩma mĩgũnda, nĩ Eziri, mũrũ wa Kelubu;

27o nake mũrori mĩgũnda ya mĩthabibu nĩ Shimei, Mũramathi; o nake mũrori wa maciaro ma mĩgũnda ya mĩthabibu kũndũ kũrĩa ndibei yaigagwo nĩ Zabadi, Mũshifimi;

28nake mũrori mĩtamaiyũ na mĩborothandi ĩrĩa yarĩ bũrũri ũrĩa mũgũu nĩ Baali-hanani, Mũgederi; o nake mũrori kũndũ kũrĩa kwaigagwo maguta nĩ Joashu;

29o nake mũrori ndũru cia ng’ombe iria ciarĩithagio Sharoni, nĩ Shitirai, Mũsharoni; o nake mũrori wa ndũru cia ng’ombe iria ciarĩ cianda-inĩ nĩ Shafati, mũrũ wa Adilai;

30o nake mũrori ngamĩra, nĩ Obili, Mũishumaeli; o nake mũrori ndigiri nĩ Jedeia, Mũmeronothi;

31o nake mũrori ndũru cia mbũri nĩ Jazizi, Mũhagari. Andũ acio othe-rĩ, nĩo maarĩ arori indo iria cia mũthamaki Daudi.

32O nake Jonathani, ithe mũnyinyi wa Daudi, aarĩ mũheani kĩrĩra, nake aarĩ mũndũ mũmenyi maũndũ, o na mwandĩki-marũa; nake Jehieli, mũrũ wa Hakimoni, nĩwe waikaranagia na ariũ a mũthamaki;

33nake Ahithofeli, nĩwe waheaga mũthamaki kĩrĩra; nake Hushai, Mũariki, nĩwe warĩ wathiomowe wa mũthamaki;

34nao arĩa maarũmĩrĩire Ahithofeli nĩ Jehoiada, mũrũ wa Benaia, na Abiatharu; nake mũnene wa ita cia mũthamaki nĩ Joabu.

← Chapter 26 Jump to: Chapter 28 →