bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Matthew 16
Matthew 16
Kalenjin Bible (BUKUIT NE TILIL)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
Kibwa anyun Parisaik ak Sadukaik, ak kotiem inendet kosom koborji kaborunet ne bunu kipsengwet.
2
Ago kiwolji kolenji, [Ye kagoek koskoleny, omwae ole, Moeni mutai: amu birir barak.
3
Ak karon, omwae ole, Usei ra: amu birir ak kotulungenot barak. Ongen obesie ole teptoi togetab kipsengwet; ago momuchi obesie kaborunoikab betusiechu.]
4
Cheng’ei kaborunet ibinda ne ya ne bo ibetab ge; ago magiborjin kaborunet, kobate kaborunetab Jona. Ak kibagakta ichek ak kwo.
5
Ak kiit alamalyet bitet age ak kiutie koib makatinik.
6
Ak kilenji Jesu, Oeb it, oribege mermerek che bo Parisaik, ak Sadukaik.
7
Ak king’alaljigei ichegei, kole, Amu ma kiibu makatinik.
8
Ak kingonai Jesu, komwa kole, Ee okwek che bo kayanet ne ming’in, kalya si ong’alaljige, amu motinye makatinik?
9
Maonai anan mobwati makatinik mut eng’ bik elfusiek mut, ak kerebonik che te che kioyumji?
10
Anan makatinik tisab eng’ bik elfusiek ang’wan, ak mesendoik che te che kioyumji?
11
Lyon si monai ole mang’alalwok agobo makatinik? Ago oribege mermerek che bo Parisaik ak Sadukaik.
12
Konai anyun kole kamaiyomis ichek koribegei mermerekab makatiat, ago konetisietab Parisaik ak Sadukaik.
13
Ak ye kingonyo Jesu komoswekab Kaisarea Pilipi, koteebe alamalyennyi kole, Mwaei bik kole ng’o Weritab chi?
14
Kole, Mwaei alak kole, Johana Kabatisanindet; len alak, Elija: kolen alak, Jeremia, anan age eng’ maotik.
15
Kolenji, Ago olen okwek a ng’o?
16
Ak kiwol Simon Petero kole, I Kristo, Weritab Jehovah ne sobei.
17
Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.
18
Ak amwaun agane ale, i Petero, ak ateeche kanisennyu ruandani; ak maneneti kimnatosiekab oldab che kigobek.
19
Agonin yateiywek che bo bounatetab kipsengwet: ak kiy tugul ne irate eng’ ng’ony keratei eng’ kipsengwet: ak kiy tugul ne itiachi eng’ ng’ony kitiachi eng’ kipsengwet.
20
King’at mising’ anyun alamalyet kole ama mwachi chi kole inendet ko Kristo.
21
Koboch yoto kotoi Jesu koborji alamalyennyi, kole, kanyol kwo Jerusalem, ak konyor nyalilda eng’ tuguk che chang’ eng’ boisiek ak tisiik che eechen ak sirik, ak kebar, ak king’eet eng’ betutab somok.
22
Ak kinam Petero inendet, ak kotoi koger kong’, kole, Ingolooit eng’ inye, Kiptaiyandani; manyonjin nito agoi.
23
Ago kiwelelgei, ak kolenji Petero, Ui let eng’ ane, Setani: i kanagutiet eng’ ane: amu maibwati inye tugukab Jehovah, ago tuguk che bo bik.
24
Kilenji Jesu anyun alamalyennyi, Ngo machei chi kosubwa, ko kanyol koesiogei, ak kosut kimurtoiyondennyi, ak kosubwa.
25
Amu age tugul ne machei kosor sobondanyi kobeeti: ak age tugul ne ibeeti sobondanyi agobo ane konyoru.
26
Amu keljin nee chi, ngonyor ng’ony komugul, ak kobeet sobondanyi? Anan tos igoito nee chi kowale sobondanyi?
27
Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.
28
Amwawok, iman, ale, Mi alak eng’ che tonondos eng’ yu, che machamjami meet matiny, kot kogeer konyonei Weritab chi eng’ bounatennyi.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28