Leviticus 12

Lugbara (E’yo Siza Alatararu Munguniri BIBLIA)

← Chapter 11 Jump to: Chapter 13 →

1Yehova nga di ’yo Musa tia kini,

2Mi ma ’yo anzi Israelini ma tia kini, Oku ka mva ti, ka agupimva osi, eri ma ovu alatara kokoru o’du aziri; eri ma ovu alatara kokoru ekile erini ovule alatara kokoru o’du erini a’bi suzurisirile.

3O’du arorisi ma li mva nde ma agele ma drile.

4Te eri ma ovu ’dani kirijoru ari eri ’bazu alaruri be, cazu o’du kali na drini na; eri ma elo afa ’bale ndu alaruri aluni ku, ma efi pari alatararuria ku indi, cazu o’du eri ’bazu alaru ’diyini yi dezuria.

5Te eri ka zamva osi, eri ma ovu alatara kokoru sabato iri, ekile o’du erini a’bi suzurisirile; te eri ma ovu ’dani kirijoru ari eri ’bazu alaruri be cazu o’du kali azia drini azia.

6Te o’du erini i ’bazu alaru ’diyi ka yi de ra, ka ovu agupimva ma e’yosi, kani zamva ma e’yosi ti, eri ma eji kabilomva ovupi eli be aluri edeta vezariru, azini a’balau o’buru ima mva kani a’balau angarakaru ledeta e’yo onzi edezuriru, kuhani dri ’hema ti ecizaniri ma tilia,

7eri nga lani eri ede Yehova ma drilia, nga e’yo lonzi erini ede; eri nga ani ovu alaru ari raza erinisi. ’Diri azita oku mva osipiri ma e’yosiri’i, eri ka agupimva osi, kani zamvani ti.

8Te alio ka oga erini kabilomva fe koni, eri ma ji a’balau angarakaru iri kani a’balau o’buru ma anzi iri, alu edeta vezariru, aziniri edeta e’yo onzi edezuriru; kuhanini nga ani e’yo onzi erini ede, eri nga ani ovu alaru beni.

← Chapter 11 Jump to: Chapter 13 →