bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Leviticus 27
Leviticus 27
Lugbara (E’yo Siza Alatararu Munguniri BIBLIA)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Yehova nga di ’yo Musa ma tia kini,
2
Mi ’yo anzi Israelini ’diyi ma tia, mi kini, ’Ba azini ka oyo erini soleri ma e’yo de ra, ’baniri nga ovu Yehovani ekile mini eri ma aje lilerile,
3
’ba agupiru eli be e’dozu kali irisi cazu kali azia ’diyi ma aje mini ngale lileri ma ovu sekeli kali towi dahabuni, sekeli pari alatararuri vile ’diyisirile.
4
’Ba nde ka ovu okuni, aje mini lileri ma ovu sekeli kali na.
5
’Ba nderi ka ovu eli be e’dozu towisi cazu kali iri, aje mini lile agupiniri ma ovu sekeli kali iri, te okuniri sekeli mudri.
6
Te ’ba nderi ka ovu mba alu be cazu eli towi, aje mini lile agimvaniri ma ovu sekeli towi dahabuni, te odrunaniri sekeli na dahabuni,
7
Te ’ba nderi ka ovu eli be kali azia, kani aga ’di ra, ka agupini aje mini lileri ma ovu sekeli mudri drini towi, ka okuni, sekeli mudri.
8
Te alio ka ’ba oga sekeli ani aje li drinia; kuhanini nga ajeni li ekile ’ba oyo sopirini ecole feleri vusi.
9
Te eri ka ovu anyapa ’bani adrile fele edetaru Yehova dri ’diyi ’Ima azi alu, afa dria ’ba driani fele Yehova dri anyapa ’dinile ’diyi ma eseliari ma ovu alatararu.
10
Eri ma oja eri ku, ma ele vini eri onyiruri onziri ma paria, kani onziri onyiruri ma paria, ’dini ku; te eri ka anyapa ele anyapa alu anyapa aziniri ma paria ra, ka’dini anyapa nderi pi ma ovu alatararu afa ejele pariniari be iri tro.
11
Te eri ka ovu anyapa alatara kokoru ’bani adrile fele edetaru Yehova dri ku ’diyi ma azi alu, ka’dini eri nga anyapa nderi ji ’ba kuhani drilia,
12
kuhanini nga ani ajeni li, anyapa nde ka ovu onyiru kani onzi ti; ekile mi kuhanirurini ajeni lilerile, eri ma ovu ’dini.
13
Te eri ka le eri onzezu ra, eri nga aje lileri ma esele alu o’ba drinia esele towi towi ’diyi vusi.
14
Te ’ba ka jo ini ’ba ndu ovuzu alatararu Yehova dri, kuhani ma li ajeni, kani eri onyiru kani onzi; ekile kuhanini ajeni lilerile, e’yoni ma so pa ’dini,
15
Te ’ba eri ’bapi ndu alatararuri ka le i ma jo nde onze, eri ma o’ba aje mini lileri ma esele alu drinia esele towi towi ’diyi vusi, eri nga ovu ani erini beni.
16
’Ba azini ka le amvu ini awurusoruri ma esele ’bazu ndu alatararu Yehova dri, mi ma li di ajeni ori rile aleniari vusi; amvu ecopi ondu ori afazu kekeleru alu ma aliarisi rari ma ajeni sekeli kali towi dahabuni.
17
Eri ka amvu ini ’ba ndu alatararu engazu eli yubileru guka awunirisi, aje mini lileri ma so pa ’dani;
18
te eri ka amvu ini ’ba ndu alatararu eli yubileruri ma vutia, ka’dini kuhanini nga ajeni li eri dri eli acepi cazu eli yubileruria ’diyi vusi, nga aje mini lileri omvi ele.
19
Te ’ba amvu nderi ’bapi ndu alatararuri ka le eri onzezu ra, ka’dini eri ma o’ba aje mini lileri ma esele alu esele towi towi ’diyiniri drinia, eri ma ovu ani erini iriti.
20
Te eri ka le amvu nderi onze ku, kani eri ka fe amvu nderi ozi ’ba azini dri ’bo, ma onze eri dika ku;
21
te yi ka amvu nderi omvi eli yubilerurisi, eri ma ovu alatararu Yehova dri, ekile amvu pele pi ndu ’borile; eri ma ovu afa kuhanini.
22
Te eri ka amvu erini jele je, ovupi awuruso eriniru kuri ’ba ndu alatararu’i,
23
ka’dini kuhani ma la aje mini lileri cazu eli yubileruriari eri dri, eri ma fe aje mini lileri o’du nderisi ovuzu afa alatararu Yehova dri.
24
Eli yubilerurisi ma omvi amvu nderi ’ba ’bani ndra eri jele vuniari vu, ada ’ba angu nde ma e’i eri isupi ndra awurusoruri’i.
25
Aje mini lile ’diyi dria ma ovu sekeli pari alatararuri vile ’diyi vusi: gera kali iri ma eci yi sekeli aluru.
26
Te anyapa a’ile ’ba aluni ma ’ba ndu alatararu kuri, lu anyapa mva tile oko, ovupi Yehovani ’bo yini eri tile okorisirisiri’i; ka ovu monioni kani kabiloni ti, eri ovu Yehovani.
27
Te eri ka ovu anyapa alatararu kuri’i, eri ma onze eri aje mini lilerile, ma o’ba vini aje nde ma esele alu esele towi towi ’diyiniri drinia; te ka eri onze ku, ma fe eri ozi aje mini lilerisi.
28
Te ti, ’ba ngani afa pele pi ndu, ’bani ngale pele pi ndu Yehova dri ’diyi ma azi fe je kani onze ku, ka ovu afa erini ngoni ngori, ka ’bani, ka anyapani, ka amvu erini isule awurusoruri ti; afa dria fele pi ndu ’diyi ovu alatararu tu Yehova dri.
29
Ka bani ’ba trile pele pi nduri, ma onze eri aluni ku; ma fu eri kai ra ecekokoru.
30
Afa kaza nyakuni kaleri ma esele alu esele mudri mudri ’diyini, ka ori nyakuni kaleri, kani patiefi ti, yi ovu Yehovani; yi alatararu Yehova dri.
31
’Ba ka le afa kaza erini ma esele alu esele mudri mudri ’diyini ma azi onze, eri ma o’ba esele alu esele towi towi ’diyiniri drinia.
32
Ti pi, anyapa nyiri ’diyi be, yi ma esele alu esele mudri mudri ’diyiniri, ada anyapa dria agapi kali yi ocezuri ma etiasi ’diyi ma esele alu esele mudri mudri ’diyiniri ma ovu i alatararu Yehova dri.
33
’Ba ma nda kani eri onyiru, kani onzi ’dini ku, ma ele vini eri ku; te eri ka eri ele ra, ka’dini anyapa nderi pi ma ovu alatararu afa elele pariniari be iri tro; ma onze eri ku.
34
Azita ’diyi yi azita Yehovani azile Musa tia anzi Israelini dri oni Sinaiari ma dria ’diyi.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27