bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Leviticus 8
Leviticus 8
Lugbara (E’yo Siza Alatararu Munguniri BIBLIA)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
1
Yehova ’yo Musa tia kini,
2
Mi ’du Aroni pi anzipi be, bongo pie, odu osule osuri pie, tiago edeta e’yo onzi edezuriniri pie, kabiloago iri ’diyi pie, afazu mikate akufi kokoruri be alia treri pie;
3
mi oku ’ba ongulumuru ’diyi dria hema ti ecizaniri ma tilia.
4
Musa nga ’ye ani ekile Yehovani azile eri tiarile; ’ba ongulumuru nga di yi oku dria hema ti ecizaniri ma tilia.
5
Musa nga di ’yo ’ba ongulumuru ’diyi ma tia kini, E’yo Yehovani azile ma ’yeri eri ’di.
6
Musa nga di Aroni pi eji anzipi be, nga yi oji yisi.
7
Eri osu Aronini kotisi, a’di enyiriko opilenia, osu vini eri kanzusi, ’ba koti alinaruri eri ruaa, a’di eri baka onduouni cale koti alinaruri vilerisi, anzu eri eri ma ruaa baka nderisi.
8
Eri ’ba vini bongo agatiari eri ruaa, te bongo agatiari ma alia eri ’ba Urimu pi Tumimu be.
9
Eri ’ba vini bongo dri ombezuri drinia, azini bongo dri ombezuri ma ruaa andretialeru eri eci mele alaru kparakalaru, oku alatararu nderi, ekile Yehovani azile Musa tiarile.
10
Musa nga di odu osule osuri ’du, nga hema pi ma rua tri ani, afa alenia ’diyi be dria, yi ’bazu alatararu.
11
Eri nga odu nde oya pari edeta edezuri ma dria paleko aziri, nga ani pari edeta edezu nderi pi tri afa erini ’diyi be dria, awala rua ojizuri pie pani pie dria, yi ’bazu ndu alatararu.
12
Eri nga di odu osule osuri ma esele osu Aroni ma dria, eri efizu ani, eri pezu ndu alatararu.
13
Musa nga vini Aroni anzipi eji, nga koti osu yi ruaa, nga enyiriko a’di yi opilea, nga bongo dri ombezu ’diyi ombe yi ma dria, ekile Yehovani azile Musa ma tiarile.
14
’Di ma vutia eri nga tiago edeta e’yo onzi edezuriniri eji ra; te Aroni pi anzipi be yi nga yi ma dri oti tiago edeta e’yo onzi edezuriniri ma dri olu’bua.
15
Musa nga di eri li ra, nga arini ebe, nga o’ba drilejusi pari edeta edezuri ma o’yu ma dria ageiniasi kuru, nga ani pari edeta edezuri ’ba alatararu, nga ari nde osu pari edeta edezuri ma ndua eri ’bazu ndu alatararu, e’yo onzi erini edezu.
16
Eri ’du oso dria otile fi ruaari pie, aridria’bure ogui ruaari pie, orofi iri ’diyi pie, osoni pie, Musa nga di yi eve pari edeta edezuri ma dria.
17
Te eri eve tiago nde ma ada acisi, enyirikoni pie, zani pie, warani pie dria pari ’bani hema asozuri ma tia amve, ekile Yehovani azile Musa tiarile.
18
Vutinia eri fe kabiloago edeta vezaruriniri; Aroni pi anzipi be nga yi ma dri oti kabiloago nderi ma dri olu’bua.
19
Musa nga eri li ra, nga arini oya pari edeta edezuri ma dria ageiniasi kuru.
20
Ka eri opi ’bo, Musa nga drini pi eve acisi esele nde ’diyi pie, osoni pie.
21
Ka fini pi oji pa be yisi ’bo, Musa nga kabiloago nderi eve dria pari edeta edezuri ma dria; eri ovu edeta vezaru, aji arikariruri, edeta edele acisi Yehova vuri’i, ekile Yehovani azile Musa ma tiarile.
22
Vutinia eri nga kabiloago aziniri fe, kabiloago ’ba opezu ndu alatararuri’i; te Aroni pi anzipi be nga yi ma dri oti kabiloago nderi ma dri olu’bua.
23
Musa nga eri li ra, nga arini ebe, nga eri ’ba Aroni ma bidrile dri ndiari ma dria, azini vini eri ma driago dri ndiari ma dria, azini eri ma paago dri ndiari ma dria indio
24
Musa nga Aroni ma anzipi eri, nga arini o’ba yi ma bidrile dri ndia ’diyi pi ma dria, yi ma driago dri ndia ’diyi pie, yi ma paago dri ndia ’diyi be; eri oya arini pari edeta edezuri ma dria ageiniasi kuru.
25
Eri nga di osoni pi ’du, sobi osoruri pie, oso dria otile fi ruaari pie, aridria’bure ogu ruaari pie, orofi iri ’diyi pie, osoni pie, o’du dri ndiari pie dria;
26
azini afazu mikate akufi kokoru be tre ovupi Yehova ma driliari ma aliasi eri e’du mikate akufi kokoru olemiruri alu, mikate oliza osale odusiri alu, mikate pekepekeri alu, o’ba yi oso pi ma dria ’dri ndia be;
27
eri fe afa ’diyi dria Aroni pi ma dria anzipi be, nga yi oya Yehova ma milia edeta oyale oyariru.
28
Musa nga di afa ’diyi o’du yi ma driasi, nga yi eve edeta vezaru pari edeta edezuri ma driari ma dria; yi ovu edeta ’ba ’bazu ndu alatararu, aji arikariruri, eri edeta edele acisi Yehova vuri’i.
29
Musa nga di agatini ’du ra, nga eri oya Yehova ma milia edeta oyale oyariru; ’di ovu kabiloago ’ba ’bazu ndu alatararuri ma esele Musaniruri, ekile Yehovani azile Musa ma tiarile.
30
Musa nga di odu osule osuri ma azi ’du, ari pari edeta edezuri ma driari be, nga eri oya Aroni pi ma dria bongo erini be, anzipi ma dria bongo yini be dria; ’dini eri o’ba Aroni pi ndu alatararu bongo erini be, o’ba vini anzipi ndu alatararu bongo yini be indi.
31
Musa nga di ’yo Aroni pi ma tia anzipi be kini, Emi a’di zani hema ti ecizaniri ma tilia, emi nya eri ’dale mikate ovupi afazu ’ba pezu ndu alatararuri ma aliari be, ekile mani azile kini, Aroni pi ma nya eri anzipi beni-rile;
32
emi ma eve za acepiri pi mikate acepiri be acisi.
33
Emi ma fu hema ti ecizaniri ma tiliasi amve o’du aziri ku, cazu o’du emi opezu ndu alatararu ’diyini yi dezuria, a’disiku o’du erini emi opezu ndu alatararu ’diyi nga ovu o’du aziri.
34
Ekile e’yoni yi ’yele o’du andre ’dorisirile, Yehova azi e’yo ’yezu ’dini, e’yo onzi emini edezu.
35
Emi ma te hema ti ecizaniri ma tilia o’du aziri, etusi inisi dria, e’yo Yehovani azileri ’yezu, emi kazu odrazu ku; a’disiku azi ma tia ’dinile.
36
Aroni pi anzipi be, yi nga e’yo dria Yehovani azile geri Musa vusiri ’ye ra.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27