bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Leviticus 20
Leviticus 20
Lugbara (E’yo Siza Alatararu Munguniri BIBLIA)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
1
Yehova ’yo Musa ma tia kini,
2
Mi ’yo vini anzi Israelini ma tia kini, ’Ba dria alu alu anzi Israelini ma eselia, kani ani’ba ovupi Israeli ma eselia ’diyi ma eselia, mva ini ma azi fepi Moleki driri, yi nga ’ba nderi fu ecekokoru; ’ba angu ndea ’diyi nga eri o’be onisi.
3
Ma ma ngulupini nga vini ma mile ’ba agu nderi vu ombaru, nga eri dri ja o’dipi eseliasi, a’disiku erini i ma mva ma azi fele Moleki dri ’bo, pari alatararu maniri ezazu, ma ru alata-raniri ezazu indirisi.
4
Te’ba angu ndea ’diyi ka yi mile oja agu ndesi kalaa, erini i ma mva ma azi feria Moleki driria, ka awi eri fu ku,
5
ka’dini ma nga ma mile’ba ombaru agu nde pi vu ori’ba erini pie ma’i, ma nga eri dri ja o’dipi eseliasi, eri’i, ’ba dria vutini bipi ali o’bapi Moleki be ’diyi be.
6
’Ba i ojapi ’ba ojouru adrou ma o’duko ozipi ’diyi pi vu, ’ba ojouru diyi be, ali o’bazu yi ma vutiari, ma nga ma mile ’ba ’ba nderi vu ombaru ma’i, nga eri dri ja o’dipi eseliasi ra.
7
E’yo ’disi emi pe ani emi ngulupi ndu alaru, emi ma ovu alatararu; a’disiku ma Yehova Mungu eminiri’i.
8
Emi mba azita mani ’diyi ma ta, emi ’ye yi; ma Yehova emi ’bapi alatararuri’i.
9
’Ba dria alu alu i ma ati pi otripi andri beri, ma fu eri ecekokoru; erini i ati pi otrile andri be ’borisi, ari erini nga ovu eri ma ngulupi ma dria.
10
Te ’ba ali ’bapi ’ba azini ma okusiri, ada ’ba ali ’bapi ’ba i ma jo ejeleari okusiri, ma ofu ’ba ali ’bapi nderi pi oku ali ’bapi nderi be iri tro ra adaru.
11
’Ba lapi i ati vile okusiri otru rua pililiru i ati vileri ’bo; ma ofu yi iri tro ra adaru, ari yini nga ovu yi ma dria.
12
’Ba lapi i ziasiri, ma ofu yi iri tro ecekokoru; eri e’yo etiza onzikanyaruri’i, ari yini nga ovu yi ma dria.
13
Agupi ka la agupi i agyisi ekile lale okusirile, yi iri tro ’ye e’yo ngule onziri ’bo; ma ofu yi ra adaru, ari yini nga ovu yi ma dria.
14
Agupi ka oku pi ’du andri be iri tro, eri ovu e’yo onzi; ma eve yi acisi, agu nderi pi oku ’diyi be, ’dini e’yo onzi ma ovu emi eselia aluni ku beni.
15
Agupi ka la anyapasi, ma fu eri ecekokoru; emi ma fu vini anyapa nderi indio
16
Oku ka mu anyapa azini vu, fezu lazu isi, emi ma ofu oku nderi pi anyapa nderi be iri tro; ma ofu yi ecekokoru, ari yini nga ovu yi ma dria.
17
Agupi ka i amvipi ’du, kani ata ma mvani, kani ayiamvani, rua pililiru erini ndre, azini oku nde ka eri rua pililiruri ndre indi, eri e’yo drinzaruni; ma ja yi dri o’dipi ma milia; eri otru amvipi ini ma rua pililiru ’bo, eri nga e’yo onzi ini ’du i’i.
18
’Ba ka la oku be de erini ovuria a’bi azo be, ka eri rua otru pililiru, eri fe ari raza eriniri e’da pililiru, azini oku nderi otru ari raza ini pililiru ’bo indi; ma ja yi dri’iri tro o’dipi eseliasi.
19
Mi ma otru mi andri ma amvi ma rua pililiru ku, kani mi ati ma amvini ku indi; te eri otru i ori’ba ma rua pililiru ’bo; yi ma ’du e’yo onzi yini yi’i.
20
’Ba ka la i ati ma adri ma okusi, eri otru rua pililiru i ati ma adri vileri ’bo; yi nga e’yo onzi yini ’du yi’i, yi ma odra anzi kokoru.
21
’Ba ka i adripi ma oku ’du, ’diri e’yo onzini alatara kokoru; eri otru rua pililiru i adripi vileri ’bo, yi nga ovu anzi kokoru.
22
E’yo ’disi emi ma mba azita mani ’diyi ma ta dria, e’yo liza mani ’diyi be dria, emi ma ’ye yi; angu mani emi ejizu ovuzu aleniari kazu emi ogbezu ku.
23
Emi ma aci ekile suru mani ’bele amve emi driliarini adrile ’yelerile ku; a’disiku yi ’ye ndra e’yo ’diyi dria, ma ngu yi onzi ani.
24
Te ma ’yo emi tia ’bo, kini, Emi nga angu yini nya awurusoru, te ma nga eri fe emi dri ovuzu eminiru, eri angu lesu pini razu alenia anyu beri’i. Ma Yehova Mungu emini, emi esele copi suru azini ’diyi be nduri’i.
25
E’yo ’disi emi ma co anyapa alaru piyi ma esele anyapa alatara koko ’diyi be, ma co vini aria alatara kokoru piyi ma esele aria alaru be; emi ma fe emi orindini cazu afa ngule onziruriru anyapa ma e’yosi, kani ariasi, kani afa acipi aci valesi nyakua ’diyi ma azisi ku, adani afa mani esele cole emi be ndu ovuzu alatara kokoru ’diyi ma alunisi ku.
26
Emi ma ovu alatararu ma dri, a’disiku ma’i Yehova ma alatararu, ma co emi esele ndu suru ’diyi be emi ma ovu ani mani.
27
Ba azini, kani agupini kani okuni, ka ovu ojou adrou ma o’duko zipiriru, kani ojouru, ma ofu yi ra; ma o’be yi onisi, ari yini nga ovu yi ma dria.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27