bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Leviticus 4
Leviticus 4
Lugbara (E’yo Siza Alatararu Munguniri BIBLIA)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
1
Yehova nga di ’yo Musa tia kini,
2
Mi ’yo Israeli anzipi ma tia kini, ’Ba azini ka e’yo onzi ’ye ani-akosi, ka e’yo Yehovani azile ma ’ye ku ’diyi ma azi alu ’ye,
3
’ba nde ka ovu ’ba kuhaniru yini odu osule drinia ’bori, ka e’yo eza, ’dini e’yo onzi ejizu ’ba ongulumuru ma dria, ka’dini e’yo onzi erinisi eri ma fe tiago aluduru nyebile kokoru Yehova dri edeta e’yo onzi edezuriru.
4
Eri ma eji tiago nderi hema ti ecizaniri ma tilia Yehova drilia, ma ti i ma dri tiago nderi ma dri olu’bua, ma li ti nderi Yehova drilia.
5
Kuhani yini odu osule drinia ’bori ma ebe ti nderi ma ari ma azi, ma eji hema ti ecizaniria;
6
te kuhani ma su i ma drileju ari nde ma alia, ma oya eri paleko aziri Yehova ma drilia, bongo jo ale alizu pari alatararuriari ma drilia,
7
Kuhani ma ’ba ari nde ma azi pari obiese arikariru vezuri ma o’yu ma dria, Yehova ma drilia, hema ti ecizaniri ma alia, te eri ma osu ari acepiri dria pari edeta veza edezu ovupi hema ti ecizanirima tileari ma ndua.
8
Te eri ma ti tiago edeta e’yo onzi edezuriruri ma ose dria, oso raururi pi, oso dria otile fi ma ruaari pie,
9
orofi iri ’diyi pie, oso ruania gualeruri pie, aridria’bure ogu ruaari pie, ma nze yi orofi be tualu,
10
(ekile yini oso nzele monio edeta asi anzurunirini ma ruaarile), te kuhani ma ve yi pari edeta veza edezuri ma dria.
11
Te tiago nderi ma enyiriko pi, kalanyani dria pi, drini pi, pani pi, fi aleniari pi, warani pie,
12
adani ma ji ti nderi ma joloko pi pari ’bani hema asozuri ma tia amve, pari ofale alaru yini adrizu ofuta dazuria, ma ’ba eri eja dria,
13
’Ba ongulumuru Israelini dria ka e’yo onzi ’ye aniakosi, e’yo nde ka ovu zizaru ’ba ongulumuru ma milia, yi ka e’yo Yehovani azile ma ’ye ku ’diyi ma azi ’ye ra, ka ovu ani e’yo onzi be yi ma dria;
14
e’yo yini ’yeleri ka i e’da ra, ’ba ongulumuru ma eji tiago aluduru edeta e’yo onzi edezuriru, ma eji eri hema ti ecizaniri ma drilia;
15
’ba ’wara ’ba ongulumuruni ’diyi ma oti yi ma idri tiago nde ma dri olu’bua Yehova ma drilia, ma li tiago nderi Yehova ma drilia.
16
Te kuhani odu osule drinia ’bori ma ebe tiago nderi ma ari ma azi, ejizu hema ti ecizaniria,
17
te kuhani ma su i ma drileju ari nde ma alia, ma oya eri paleko aziri Yehova drilia, bongo jo ale alizu pari alatararuriari ma drilia.
18
Eri ma ’ba ari nde ma azi pari edeta edezu Yehova ma drilia hema ti ecizaniri ma aliari ma o’yu ma dria; te eri ma osu ari acepiri dria pari edeta veza edezu ovupi hema ti ecizaniri ma tiliari ma ndua.
19
Te eri ma ti ’osoni dria, ma eve eri pari edeta edezuri ma dria.
20
Eri ma ’ye tiago ndesi ’dini; eri ma ’ye tiago nde dirisi ekile erini ’yele tiago edeta e’yo onzi edezurinirisirile; kuhani ma ede e’yo onzi yini, dini e’yo onzi yini ma ovu wuzaru ani.
21
Eri ma ji tiago nderi pari ’bani hema asozuri ma tia amve, ma eve eri ekile erini tiago okori evelerile; eri edeta e’yo onzi edezu ’ba ongulumuru ’diyi driri’i.
22
Opi ka eza ra, ka e’yo Yehova Mungu erinirini azile ma ’ye ku ’diyi ma azi ’ye aniakosi, ka ovu ani e’yo onzi be i ma dria,
23
ka e’yo onzi erini ’yeleri ece eri dri ra, eri ma eji ndriago nyebile kokoruri edeta iniriru.
24
Eri ma ti i ma dri ndri nderi ma dri olu’bua, ma li eri pari yini adrizu edeta veza lizuria Yehova ma drilia; eri edeta e’yo onzi edezu ri’i.
25
Te kuhani ma ebe ari edeta e’yo onzi edezuriniri ma azi drilejusi, ma ’ba eri pari edeta veza edezuri ma o’yu ma dria, te eri ma osu ari acepiri pari edeta veza edezuri ma ndua.
26
Te eri ma eve osoni dria pari edeta edezuri ma dria, ekile erini edeta asi anzuruniri ma oso evelerile; kuhani ma ede e’yo erini e’yo onzi erinisi, ’diyi e’yo onzi erini ma ovu wuzaru ani.
27
’Ba toko ’diyi ma azi alu ka e’yo onzi ’ye aniakosi, ka e’yo Yehovani azile ma ’ye ku ’diyi ma azi ’ye, ka ovu ani e’yo onzi be eri ma dria,
28
ka e’yo onzi erini ’yeleri ece eri dri ra, eri ma eji ndriaroni nyebile kokoru edeta iniriru, e’yo onzi erini ezalerisi.
29
Eri ma ti i ma dri edeta e’yo onzi edezuri ma dria, ma li edeta e’yo onzi edezu nderi pari yini adrizu edeta veza edezuria.
30
Te kuhani ma ebe ari ma azi i ma drilejusi, ma ’ba eri pari edeta veza edezuri ma o’yu ma dria, te eri ma osu ari acepiri dria pari edeta edezuri ma ndua.
31
Eri ma ti osoni dria ekile yini edeta asi anzuruni ’diyi ma oso tilerile, kuhani ma eve eri pari edeta edezuri ma dria, aji arikariru Yehova dri; kuhani ma ede e’yo onzi erini, e’yo onzi erini ma ovu wuzaru ani.
32
Eri ka kabilomva eji edeta ini e’yo onzi edezuriru, eri ma eji kabiloaroni nyebile kokoruri.
33
Eri ma ti i ma dri edeta e’yo onzi edezuri ma dria, ma li eri edeta e’yo onzi edezuriru pari yini adrizu edeta veza lizuria.
34
Te kuhani ma ebe edeta e’yo onzi edezuri ma ari ma azi i ma drilejusi, ma ’ba eri pari edeta veza edezuri ma o’yu ma dria, te eri ma osu ari acepiri dria pari edeta, ledezuri ma ndua.
35
Eri ma ti osoni dria ekile yini kabilomva edeta asi anzuruniri ma oso tilerile, te kuhani ma eve eri pari edeta edezuri ma dria, ekile yini adrile edeta edele Yehova dri acisi ’diyi evelerile; kuhani ma ede e’yo erini, e’yo onzi erini ’yelerisi, e’yo onzi erini ma ovu wuzaru ani.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27