bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Romans 5
Romans 5
Lugbara (E’yo Siza Alatararu Munguniri BIBLIA)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Amani ovuria lazaru ’ba baru amani a’ilerisi, ama ma ovu asi anzuru be Mungu vu Opi amani Yesu Kristosi.
2
Eri ma e’yosi indi ama fi a’itasi ’yeta anzutiri amani pa sozu aleniari ma alia, vini indi ama ma ovu ayikosi diza Munguni tezu.
3
Kiri ’diri a’dule ku, te ama ovu ayikosi inzata ma alia, a’disiku ama ni ra inzatani asi teza fe,
4
te asi tezani eri ama dri adriza onyiru e’yoni ’ba sizuri fe, adriza onyiruri fe amani asi ’bazu e’yo drileri ma dria,
5
te asi ’bazu e’yo drileri ma driari feni drinza ku, ale Mungunirini i dale asi amani ma alia Orindi Alatararu erini fele ama dri ’borisirisi.
6
Te o’du ndra amani ovuzu nga okpo kokorurisi, ewu ka eca kilili ’bo Kristo dra ’ba Mungu gapi si ’diyisi.
7
’Ba ma e’yo ka ovu kililiru ti, eri ewaru ’ba isuzu drazu eri ma pariate kani agu azini nga i ma asi imba drazu ’ba onyiru ma paria yani.
8
Te Mungu ece ale i ngulupini ama yu, a’disiku amani ovuria ndra nga ’ba onzini ti, Kristo dra amasi.
9
’Dini amani ovuria lazaru ’ba baru ari erinisi ’boria, agapiri ama nga di ama pa adra Munguni ma alia erisi.
10
Te Mungu ka ama eri ma ari’baru ’diyi a’i ti ecizu i be Mvi ini ma dratasi, agapiri erini ama a’ile ti ecizu i be ’borisi, ama nga ama pa Mvi nde ma idrisi.
11
Kiri ’diri a’dule ku, te ama ovu ayikosi Mungu alia Opi amani Yesu Kristo, amani ani ti eciza Mungu beri isuzu erisiri ma e’yosi.
12
’Dini ekile e’yo onzini efile ndra nyakua ’ba alu ma e’yosirile, te indi e’yo onzi ndesi dra efini, e’yo ’disi dra obi ’ba dria yini dria ’yele onzirisi-
13
ndra oko de azita ecani ku e’yo onzi ovu nyakua, te azitani ovuria yoria, ajini e’yo onzi ma ru ku.
14
Te e’dozu ndra Adamusi cazu Musasi dra ovu ndra opiru ’ba dria ma driliani, eri obi ’ba dria yi ka e’yo onzi ’ye Adamuni ’yelerile ku ti, te Adamuni ecetaru ’ba ngapi emupi vileri ecezu.
15
Te afa Munguni fele avasiri ovuni ekile ezata nderile ku. Te dra ka ’ba bi kakau ezata ’ba alunisi, agapi turi ’Yeta anzutiri Munguni azini afa erini fele ’Yeta anzutiri ’ba alu Yesu Kristonisiri aga tu ’ba kakau vu.
16
Te afa feza nderi ovuni ekile e’yo ecapi ezata ’ba aluni ezalerisirile ku. Te e’yo liza eca ndra ezata alusi ’ba ndezu, te afa feza avasiri eca ezata kakau ma e’yosi ’ba lazu ’ba baru.
17
Te ’ba alu ma ezatasi dra ka ovu opiru ’ba alu nde ma e’yosi, agapi turi ’ba ’Yeta anzutiri pi isupi tu, afa feza ’ba lazu ’ba baruri be ’diyi, yi nga ovu opiru idri alia ’ba alu Yesu Kristosi.
18
’Dini ekile be ezata alusi e’yo liza bi ’ba dria yi ndezu, ’dinile vini indi ’Yeta baru alusi feza eca ’ba dria vu yi lazu baru, idri fezu yi dri.
19
Te ekile eritaako ’ba alunisi ’ba kakau eca ’ba onzi ’diyiru, ’dini vini indi ’ba aluni e’yo erilerisi ’ba kakau eca ’ba baru.
20
Te azita fi ndra ereniru, ’dini e’yo onzi ma ezu i ani; te pari e’yo onzini ezuzuria ’Yeta anzutiri ezu di aga tu,
21
’dini ekile be ndra e’yo onzini ovule opiru ’ba dri dra fezurile, ’dini vini indi ’Yeta anzutiri ma ovu opiru ’ba lazu baru, idri ’dani ’dani fezu Yesu Kristo Opi amanirisi.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16