bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Romans 6
Romans 6
Lugbara (E’yo Siza Alatararu Munguniri BIBLIA)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
1
Ka’dini ama nga ’yo ngoni ya? Onyiru ama ma ovu e’yo onzi ma alia ’dani, ’dini ’yeta anzutiri ma ezu ani tre beni ya?
2
Aluani yo! Ama’i ndra drapi e’yo onzi vusi ’bo ’diyi, ama eco adrizaru eri ma alia dika ngoni ngoni ya?
3
Kani emi nini ama’i ndra baputizi bipi fizu Kristo Yesu ma alia ’diyi, ama bi baputizi fizu drata erini ma alia ku ya?
4
Sa ama tualu eri be baputizi ndesi fizu drata alia, ’dini ekile ndra Kristoni engale ’ba draza eselia diza Atanisirile, ’dini vini ama’i indi, eco amani acizaru idri o’diru ma alia.
5
Te ama ka ama emu tualu eri be eceta drata eriniri ecezuri ma alia, ama nga ama emu tualu eri be engata erini ma alia indi.
6
Ama ni ’diri, ’di ’ba amani okuri pati ruaa tualu eri be, ’dini rua e’yo onzini ma e’yo ma de i ani, ’dini ama ma ovu e’yo onzi ma ati’baru dika ku.
7
Te ’ba drapi ini rari, tru eri e’yo onzi vusi ’bo.
8
Te ama ka ndra dra tualu Kristo be, ama a’i ama asia ama nga ovu idriru tualu eri be indi.
9
A’disiku ama ni ra Kristo enga ’ba draza ma eseliarisi ’bo, ngani dra dika ku; dra ngani ovu eri ma opiru dika ku.
10
Te ndra erini draria, eri dra ndra e’yo onzisi pale alu fudri ra, te curu’do erini ovuria idriru eri ovu idri be Mungu vu.
11
’Dinile indi, e’yo onzi vusini emi la emi ’ba avuru, te Mungu vu ovuzu idriru Kristo Yesusi.
12
E’yo ’disi emi ku e’yo onzi ma adri opiru rua emini ecopi drapi ra ’diyi ma drilia ku, emi ’bazu ati’baru ava ruani ’yezu.
13
Emi fe emi rua ma esele ndu ndu ’diyi e’yo onzi vu ovuzu afa a’di ’dizu e’yo onzinii ’diyiru ku, te emi fe emi ngulupi Mungu dri ekile be ’ba engapi idriru ’ba draza ma eselia ’bo ’diyile, azini emi fe emi rua ma esele dria Mungu dri ovuzu afa a’di ’dizu e’yo onyirurini ’diyiru.
14
Te e’yo onzi ngani ovu emi ma opiru dika ku; a’disiku emi ovuni azita ma palaa ku; te ’yeta anzutiri ma palaa.
15
Te bani ngoni ya? Ama ma ’ye e’yo onzi ’dani, amani ovule azita ma palaa ku te ovule ’yeta anzutiri ma palaarisi ya? Aluani yo!
16
Emi nini ku ya, emi ka emi ma ngulupi ma rua fe ati’baru ’ba azini ma ti erizu, emi ovu ’ba nde emini tini erileri ma ati’baru; kani e’yo onzini, emini drata isuzu, kani e’yo erizu, emi lazu baru.
17
Te awa’difo Mungu vu, emini de ndra ovuria ati’ba e’yo onzini, emi eri ndra asi driasi esele imbatani yini ndra emi kule palaniari ra,
18
te onze ndra emi e’yo onzi alia, emini ecazu ani ati’baru e’yo onyiruni beni.
19
Ma ’yo ekile ’bale, emini ovule okpo kokorurisi. Ekile ndra emini emi rua ma esele ndu ndu ’diyi fele ati’baru e’yo alatara kokoruni e’yo onzi ’yezu drile drilerile, ’dini curu’do emi ma fe di emi rua ati’baru e’yo onyirurini cazu emini ecazu alatararu.
20
Te de emini ovuria ndra ati’ba e’yo onzini, emi ovuni ati’ba e’yo onyiruni ku.
21
Te emi isu ndra o’du ’dasi a’di orodrini, emini adriria e’yo drinza fepi emi dri curu’do ’diyi ma alia ya? Te e’yo nde ’diyi ma kalati asizuri eri drani.
22
Te curu’do emini ovuria onzezaru e’yo onzi ma aliasi ’bo, emi eca ati’ba Munguniru, emi orodri emini isu emini ecazu alatararu, te kalatiniri idri ’dani ’daniri.
23
Te oya e’yo onzini eri drani, te afa Munguni fele avasiri eri idri ’dani ’dani Kristo Yesu Opi amani ma alia.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
All chapters:
1
2
3
4
5
6
7
8
9
10
11
12
13
14
15
16